no-alternative title
no-alternative title
no-alternative title

រថយន្តអគ្គិសនី IM L6 ដែលបំពាក់នូវអាគុយ Semi-Solid សាកភ្លើងត្រឹម 12 នាទី អាចបើកបរបាន 400km

ក្រុមហ៊ុន IM Motors ដែលមានមូលដ្ឋាននៅទីក្រុងសៀងហៃ និងជាក្រុមហ៊ុនបុត្រសម័្ពន្ធរបស់ SAIC Motor Group ទើបតែបានប្រកាសចេញរថយន្តអគ្គិសនីស៊េរីថ្មីចុងក្រោយរបស់ខ្លួនម៉ូដែល IM L6 ដែលជារថយន្តប្រភេទ Sedan។ មើលទៅការឌីស្សាញរថយន្តស៊េរីថ្មីនេះ គឺស្រដៀងគ្នានឹងរថយន្ត Tesla Model 3 និង Xiaomi SU7។ IM L6 គឺជារថយន្តអគ្គិសនីដំបូងដែលបានប្រើប្រាស់កញ្ចប់អាគុយអគ្គិសនីស៊េរី semi-solid-battery។

 

រូបភាពពាណិជ្ជកម្ម
no-alternative title

MI L6 មានជម្រើស 5 ស៊េរីផ្សេងគ្នា និងមានតម្លៃចាប់ពីខ្ទង់ប្រហែល $30,839 ឡើងទៅ ដែលតម្លៃនេះ គឺមានការប្រគូតប្រជែងខ្លាំងជាមួយនឹងរថយន្ត Xiaomi និង Tesla។ សម្រាប់ម៉ូដែល MI L6 ដែលជាម៉ូដែលកំពូល ឬ High-end models បំពាក់នូវកញ្ចប់អាគុយធំ និងបច្ចេកវិទ្យាសាកភ្លើងល្បឿនលឿន ហើយនិងមានតម្លៃចាប់ពីខ្ទង់ប្រហែល $33,426 /$35,644 /$ 42,602 ដល់ $45,339។

ហើយសម្រាប់ម៉ូដែល IM L6 មានគុណសម្បត្តិទាបជាងគេមានបំពាក់នូវកញ្ចប់អាគុយទំហំ 75kWh ជាប្រភេទ lithium iron phosphate (LFP) battery ដែលសាកភ្លើងមួយពេញម្តងអាចបើកបានចំងាយផ្លូវ 650km តាមការធ្វើតេស្តដោយស្ថាប័ន CLTC។ ចំនែកម៉ូដែល IM L6 ធន់កណ្តាល ឬ mid-range variant បានបំពាក់នូវកញ្ចប់អាគុយទំហំ 83kWh និង 100kWh ដែលសាកមួយពេញម្តងអាចបើកបានដល់ 850km។

សម្រាប់ IM L6 ម៉ូដែលកំពូងជាងគេបានបំពាក់នូវបច្ចេកិវទ្យាសាកភ្លើងល្បឿនលឿន 900Volt ដោយប្រើនូវប្រព័ន្ធ quasi-900V platform ហើយក៏ជាងរថយន្តអគ្គិសនីដំបូងគេដែលបំពាក់នូវកញ្ចប់អាគុយ semi-solid battery ទំហំ 133kWh ដែលបានអភិវឌ្ឍដោយក្រុមហ៊ុន  IM Motors និង SAIC-backed QingTao startup ហើយការសាកភ្លើងមួយពេញម្តងអាចបើកបរបានចំងាយផ្លូវដល់ជាង 1,000km នេះបើតាមការធ្វើតេស្តតាមស្តង់ដាររបស់ស្ថាប័ន CLTC។ បន្ថែមពីនេះ ការសាកភ្លើងត្រឹម 12នាទី គឺអាចបើកបានចំងាយផ្លូវដល់ 400km ឯណោះ។

 

IM L6 ម៉ូដែលប្រើប្រព័ន្ធម៉ូទ័រអគ្គិសនីមួយ ឬ Single electric motor ដំណើរការដោយប្រព័ន្ធ rear-wheel-drive អាចផលិតកំលាំងបាន 216kW ឬ 290 សេះ ខណៈម៉ូដែលប្រើប្រព័ន្ធម៉ូទ័រពីរ (Dual-electric motor) ដំណើរការដោយប្រព័ន្ធ All-wheel-drive អាចផលិតកំលាំងបាន 379kW ឬ 510 សេះ ហើយអាចជាន់ស្ទុះពី 0 ទៅ 100km/h ចាយពេខ្ទង់ 2.74 វិនាទី។ MI L6 មានបណ្តោយខ្លួន 4.93m x ទទឹង 1.96m និងកម្ពស់ 1.47m។

IM Motors គ្រោងនឹងចាប់ផ្តើមនាំចេញរថយន្តអគ្គិសនីស៊េរីថ្មី MI L6 សម្រាប់ម៉ូដែលស្តង់ដារនៅចុងខែឧសភានេះ ខណៈម៉ូដែលប្រើប្រាស់កញ្ចប់អាគុយប្រភេទ semi-solid នឹងធ្វើការនាំចេញនៅអំឡុងខែតុលា។ បច្ចុប្បន្ន MI ទទួលបានការបញ្ជាទិញចំនួនជាង 29,000 គ្រឿងរួចហើយសម្រាប់រថយន្តម៉ូដែល IM L6 ថ្មីនេះ ដែលនេះ គឺបង្ហាញពីការពេញនិយម និងការចាប់អារម្មខ្លាំងរបស់អតិថិជនមកលើរថយន្តអគ្គិសនី Sedan ថ្មីមួយនេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍