បែកធ្លាយលក្ខណៈសម្បត្តិរថយន្តស៊េរីថ្មី Avatr 07 mid-side Crossover SUV នៅមុនការបង្ហាញវត្តមានជាផ្លូវការ

ក្រសួង Ministry of Industry and Information Technology (MIIT) បានធ្វើការបង្ហាញចេញនូវលក្ខណៈសម្បត្តិរបស់រថយន្តអគ្គិសនី Crossover ស៊េរីថ្មីម៉ូដែល Avatr 07 ដែលជារថយន្តសហការផលិតដោយក្រុមហ៊ុនបច្ចេកវិទ្យាធំៗចំនួនបីរបស់ចិន ដូចជា Changan, Huawei និង CATL។ រថយន្តប្រភេទ mid-side Crossover SUV ស៊េរីថ្មីនេះ មានជម្រើសពីរប្រភេទ គឺ BEV (Battery Electric Vehicle) និង EREV (Extended-range Electric Vehicle)។ ម៉ាកយីហោរថយន្ត Avatr ត្រូវបានបង្កើតឡើងដោយមានការចូលរួមសហការផលិតដោយក្រុមហ៊ុនបច្ចេកវិទ្យា Huawei, CATL និងChangan។ ដោយក្នុងនោះ Changan មានភាគហ៊ុនសរុប 40% នៅក្នុងគម្រោងផលិត JV និង CATL មានភាគហ៊ុនសរុបជាង 17%។

 

រូបភាពពាណិជ្ជកម្ម
no-alternative title

ដោយឡែក Huawei មិនមានភាគហ៊ុនស្ថិតក្នុងគម្រោង JV នោះទេ ដោយក្រុមហ៊ុនផលិតស្មាតហ្វូននេះ គឺដើរតួរជាអ្នកផ្គត់ផ្គង់ផ្នែកគ្រឿងបន្លាស់ និងបច្ចេកវិទ្យា។ លើសពីនេះទៅទៀត ក្រុមហ៊ុន Huawei គឺជាអ្នកបង្កើតនូវប្រព័ន្ធ CHN architecture។ ទោះជាយ៉ាងណាក៏ដោយសម្រាប់ការផលិតរថយន្តស៊េរីថ្មី Avatr 07 ក្រុមហ៊ុន Huawei មិនសូវពាក់ព័ន្ធនៅក្នុងគម្រោងការផលិតនេះនោះទេ។ Avatr 07 មានបណ្តោយ 4,825mm x ទទឹង 1,980mm x កម្ពស់ 1,620mm ជាមួយគម្លាតរវាងកង់មុខទៅកង់ក្រោយ 2,940mm។ ដែលមានបណ្តោយវែងជាង 75mm, ទទឹងវែងជាង 59mm និងកម្ពស់ទាបជាង 4mm បើធៀបនឹង Tesla Model Y។ 

Avatr 07 ប្រើប្រាស់សម្បកកង់ខ្នាត 255/50 R20 ឬ 265/45 R21។ រថយន្តនេះមាន 5 កៅអី ជាមួយទំងន់សរុបនៃរថយន្តចន្លោះពី 2,240kg ទៅ 2,434 kg។ ចំពោះម៉ូដែល Avatr 07 ដែលប្រើថាមពលអគ្គិសនីសុទ្ធ ដំណើរការដោយប្រព័ន្ធម៉ូទ័រអគ្គិសនីមួយស៊េរី XTDM39 e-motor បំពាក់នៅខាងក្រោយ ហើយ Avatr 07 គឺជាម៉ូដែលដំបូង ដែលមិនប្រើប្រាស់ម៉ូទ័រអគ្គិសនីរបស់ក្រុមហ៊ុន Huawei។ ដោយម៉ូទ័រនេះ ត្រូវបានផលិតដោយក្រុមហ៊ុន Deepal ដែលជាក្រុមហ៊ុនស្ថិតក្រោមការគ្រប់គ្រងរបស់ Changan។

 

ម៉ូដែល RWD Avatr 07 អាចផលិតកំលាំងបាន 252kW ឬ 338 សេះ(Hp) ជាមួយការប្រើកញ្ចប់អាគុយ LFP របស់ CATL និងអាចជាន់ល្បឿន Top-Speed ដល់ 200km/h។ ចំនែកម៉ូដែល AWD Avatr 07 បានបំពាក់នូវប្រព័ន្ធម៉ូទ័រអគ្គិសនីចំនួនពីរ ដោយម៉ូទ័រខាងក្រោយស៊េរី  XTDM39 electric motor របស់ Deepal រីម៉ូទ័រខាងមុខស៊េរី XYDM05 e-motor ជារបស់ Chongqing Tsingshan Industrial។ ម៉ូទ័រមុខងារអាចផលិតកំលាំងបាន 188kW និងខាងក្រោយបាន 252kW និងអាចផលិតកំលាំងបានដល់ 440kW ឬ 590 សេះ (hp) ហើយក៏ប្រើប្រាស់កញ្ចប់អាគុយ LFP របស់ CATL ផងដែរ។ ម៉ូដែលនេះ អាចជាន់សន្ទុះល្បឿនលឿនបំផុតដល់ 200kmm/h។

 

ចំនែកម៉ូដែល Avatr 07 EREV Variant វិញបានបំពាក់នូវម៉ូទ័រអគ្គិសនីស៊េរី ATDM01 electric motor នៅខាងក្រោយ ដែលផលិតកំលាំងបាន 231kW ឬ 310 សេះ (hp) ជាមួយការបំពាក់នូវកញ្ចប់អាគុយ CATL-LFP ទំហំ 39kWh ដែលអាចបើកបរដោយថាមពលអគ្គិសនីសុទ្ធបានដល់ 188km។ ម៉ូដែល EREV នេះ នៅមានបំពាក់នូវប្រព័ន្ធម៉ាស៊ីនរបស់ Changan ចំនុះ 1.5-liter លេខ JL469ZQ1 ICE ដែលអាចផលិតកំលាំងបាន 115kW (154hp)។

ម៉ូដែល Avatr EREV នេះ ក៏មានជម្រើសដំណើរការដោយប្រព័ន្ធ All-Wheel Drive System ផងដែរ ជាមួយការបំពាក់នូវប្រព័ន្ធម៉ូទ័រអគ្គិសនីចំនួនពីរ (AYDM01/ATDM01)ដែលអាចផលិតថាមពលសរុបបានដល់ 362kW ឬ 485hp។ ម៉ូដែល AWD នេះ ក៏បំពាក់នូវកញ្ចប់អាគុយដូចគ្នានឹងម៉ូដែល RWD ដែរ ដោយអាចបើកបរដោយប្រើថាមពលអគ្គិសនីសុទ្ធបាន 178km និងអាចជាន់ល្បឿន top speed បានដល់ 190km/h។ រថយន្ត Avatr 07 នឹងចេញលក់នៅលើទីផ្សារក្នុងប្រទេសចិននៅត្រីមាសទី 3 ឆ្នាំ 2024 នេះ ជាមួយតម្លៃខ្ទង់ប្រហែល $34,600 ទៅ $48,400៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍