ក្រុមហ៊ុន Toyota បានធ្វើការប្រកាសចេញលក់រថយន្តម៉ូដែលថ្មី Toyota Corolla Altis GR Sport នៅទីផ្សារតៃវ៉ាន់តាមរយះក្រុមហ៊ុនដៃគូចែកចាយ Hotai Motors។ Toyota Corolla Altis GR Sport ដែលបានប្រកាសចេញលក់នៅទីផ្សារតៃវ៉ាន់ បានបំពាក់នូវម៉ាស៊ីចំនុះ 2.0L Dynamic Force Engine និងចេញលក់ក្នុងតម្លៃខ្ទង់់ប្រហែល $28,374។ ចំពោះម៉ាស៊ីនដែលបំពាក់នៅលើ Corolla Altis GR Sport គឺដូចគ្នានឹងម៉ាស៊ីនដែលប្រើនូវលើម៉ូដែល Corolla Sedan និង Corolla Cross SUV ដែលចេញលក់នៅទីផ្សារអាមេរិកដែរ។
សម្រាប់ការឌីស្សាញរូបរាងខាងក្រៅ គឺមិនសូវជាមានការផ្លាស់ប្តូរច្រើនពីម៉ូដែលមុននោះទេ។ រថយន្តស៊េរីថ្មីម៉ូដែល Corolla Altis GR Sport បំពាក់់យ៉ាន់កង់ទំហំ 18-inch ដូចគ្នានឹងម៉ូដែល ដែលបានចេញលក់នៅទីផ្សារប្រទេសឥណ្ឌូនេស៊ីផងដែរ។ គ្រាន់តែម៉ាស៊ីនដែលបំពាក់នូវលើ Corolla Altis GR Sport សម្រាប់ទីផ្សារតៃវ៉ាន់ គឺទំហំ 2.0L 4-cylinder Dynamic Force ស៊េរី M20A-FKS Engine ជំនូសឲ្យម៉ាស៊ីន 1.8-Liter ដែលបំពាក់នៅលើម៉ូដែលលក់នៅទីផ្សារប្រទេសម៉ាឡេស៊ី។ ដោយម៉ាស៊ីន 2.0L 4-cylinder Dynamic Force Engine របស់ Corolla Altis GR Sport អាចផលិតកំលាំងបាន 170 សេះ និងកំលាំងរមូល 200Nm ដែលមានកំលាំងខ្លាំងជាង 30 សេះ និងកំលាំងរមូលខ្លាំងជាង 28Nm បើធៀបនឹងម៉ាស៊ីនចំនុះ 1.8-Liter។
Corolla Altis GR Sport ប្រើប្រាស់ប្រអប់លេខប្រភេទ Direct Shift CVT gearbox ស្វ័យប្រវត្តិ 10 វគ្គ។ ជាមួយគ្នានេះ រថយន្តស៊េរីថ្មីនេះ ក៏បានធ្វើការ Upgrade ទៅលើប្រព័ន្ធ GR Sport-tuned suspension ផងដែរ ដើម្បីបង្កើនប្រសិទ្ធិភាពក្នុងការបើកបរ។ ចំពោះកម្រិតស៊ីសាំងវិញ ម៉ាស៊ីនថ្មីចំនុះ 2.0L 4-cylinder Dynamic Force Engine គឺ 16.5km/liter ធៀបនឹងម៉ាស៊ីន 1.8-liter ដែលស៊ីក្នុង 14.9km/liter។ Toyota បានបញ្ជាក់ថា ម៉ាស៊ីនថ្មីនេះមានប្រសិទ្ធិភាពដំណើរការប្រសើរជាងមុនប្រមាណ 40%។
សម្រាប់ការតុបតែងនៅខាងក្នុងរបស់ Corolla Altis GR Sport វិញ គឺបែបប្រណិតជាមួយកៅអីក្តោបបែបស្ព័រប្រណិតផ្តល់ផាសុខភាពក្នុងការបើកបរ ជាមួយដៃចង្កូតស្បែករចនាជាមួយការបំពាក់ប៊ូតុងសម្រាប់បញ្ជាមុខងារសំខាន់ៗជាច្រើន ហើយនៅខាងក្រោដៃចង្កូតមានបំពាក់នូវអេក្រង់ LCD Instrument Panel ទំហំ 12.3-inch និងអេក្រងកម្សាន្តនៅកណ្តាលប្រភេទ Touchscreen ទំហំ 9-inch។
រថយន្ត Toyota Corolla Altis Sport បានបង្ហាញវត្តមានដំបូងក្នុងទីផ្សារដែនដីកោះតៃវ៉ាន់នៅក្នុងឆ្នាំ 2020 ហើយនៅពេលនេះទើបតែទទួលបានម៉ូដែលថ្មីដែលមានការឌីស្សាញបែបប្រណិត និងសមត្ថភាពម៉ាស៊ីនខ្លាំងប្រសើរជាងមុន។ ចំនែកនៅទីផ្សារប្រទេសម៉ាឡេស៊ីវិញ គឺបានប្រកាសចេញនៅក្នុងខែសីហា ឆ្នាំ 2023 ដែលមានពីរម៉ូដែល គឺ Corolla Altis GR Sport និង Facelifted Corolla Altis ដែលទាំងពីរម៉ូដែល គឺបំពាក់នូវម៉ាស៊ីន 1.8-litre Dual VVT-i engine៕
