Stellantis RAM 1500 Ramcharger បំពាក់ម៉ាស៊ីន V6-Engine ជាមួយប្រព័ន្ធ Electric generator បានប្រកាសចេញផ្លូវការណ៍

ក្រុមហ៊ុនផលិតរថយន្តអាមេរិក Stellentis គ្រោងប្រកាសចេញលក់រថយន្ត Electric Pick up ម៉ូដែល RAM 1500 Ramcharger EV នៅឆ្នាំ 2024។ រថយន្ត Electric Pick Up Truck ស៊េរីថ្មីរបស់ Stellantis នេះ គឺជាម៉ូដែលដំបូងរបស់ក្រុមហ៊ុន ដែលមានបំពាក់នូវកញ្ចប់អាគុយអគ្គិសនី ជាមួយម៉ាស៊ីនសាំង V6 និងប្រព័ន្ធ Electric generator។ សម្រាប់ការឌីស្សាញវិញ RAM 1500 Ramcharger គឺយកលំនាំតាមរចនាបថម៉ូដែល RAM 1500 ដែលបំពាក់ម៉ាស៊ីនសាំង ប៉ុន្តែ មានការកែសម្រួលប្រព័ន្ធមួយចំនួនចេញពីម៉ូដែល Stellantis RAM Truck។

សម្រាប់ប្រព័ន្ធដំណើរការរបស់ Stellantis RAM 1500 Ramcharger EV គឺនៅពេលថាមពលអាគុយអគ្គិសនីអស់ ពេលនោះប្រព័ន្ធ Electric Generator នឹងធ្វើការផ្លាស់ប្តូរទៅដំណើរការដោយម៉ាស៊ីនសាំងចំនុះ 3.6L V6 Engine វិញម្តង។ រថយន្ត Hybrid Pick Up Truck ស៊េរីថ្មីមួយនេះ បានធ្វើការរួមបញ្ចូលគ្នានូវប្រព័ន្ធដំណើរការផ្លាស់ប្តូរថាមពលអគ្គិសនីសុទ្ធ និងប្រព័ន្ធម៉ាស៊ីនសាំងបានយ៉ាងល្អឥតខ្ចោះតែម្តង។ Stellantis RAM 1500 Ramcharger EV នឹងបង្ហាញវត្តមានផ្លូវការណ៍នៅលើទីផ្សារនៅឆ្នាំក្រោយនេះ (2024) រួមជាមួយម៉ូដែល RAM 1500 EV ដែលប្រើប្រាស់ថាមពលអគ្គិសនីសុទ្ធ។

ចំពោះសមត្ថភាពរបស់ Stellantis RAM 1500 Ramcharger EV គឺអាចបើកបរបានរយះចំងាយដល់ទៅជាង 1,110 គីឡូម៉ែត្រ ហើយការបើកបរដោយប្រើថាមពលអគ្គិសនីសុទ្ធចេញពីកញ្ចប់អាគុយ 92kWh គឺអាចបានចំងាយផ្លូវជាង 233 គីឡូម៉ែត្រ និងអាចបន្តបានរយះចំងាយឆ្ងាយជាងនេះបន្ថែមទៀតជាមួយនឹងប្រព័ន្ធផលិតថាមពលអគ្គិសនី Electric Generator អាចផលិតបាន 130kW ហើយនិងដំណើរការដោយម៉ាស៊ីនសាំង។ សម្រាប់ធុងផ្ទុកសាំងរបស់ RAM 1500 Ramcharger EV គឺអាចផ្ទុកចំនុះបានជាង 122 លីត្រ។

សម្រាប់ព័ត៌មានលម្អិតទាក់ទងនឹងតម្លៃរបស់ Stellantis Ram 1500 Ramcharger EV មិនទាន់ត្រូវបានប្រកាសចេញនៅឡើយទេ។ Stellantis រំពឹងថា Ram 1500 Ramcharger EV ស៊េរីឆ្នាំ 2025 របស់ខ្លួននឹងក្លាយជារថយន្តដែលធ្វើការផ្លាស់ប្តូរទីផ្សាររថយន្ត Pick Up Truck ដែលប្រើម៉ាស៊ីនសាំង និងអគ្គិសនីពេលបច្ចុប្បន្ន ដោយសារបញ្ហាប្រឈមនៃហេដ្ឋារចនាសម្ព័ន្ធនៃទីតាំងសាកថ្ម។ លក្ខណៈពិសេសរបស់វាអាចធ្វើឲ្យ Ram 1500 Ramcharger មានភាពលេចធ្លោនៅក្នុងវិស័យយានយន្តដែលដំណើរការដោយថាមពលអគ្គីសនីនៅលើទីផ្សារនាពេលបច្ចុប្បន្ន និងពេលអនាគត៕