នៅថ្ងៃនេះ ក្រុមហ៊ុន BYD បានប្រកាសពង្រីកវិសាលភាពរបស់ខ្លួនទៅកាន់ទីផ្សារតំបន់អឺរ៉ុបហើយ តាមរយៈនៃការឈានជើងចូលទីផ្សារសាធារណៈរដ្ឋឆែក និងស្លូវ៉ាគី ជាមួយនិងការបង្ហាញចេញនូវរថយន្តអគ្គិសនីម៉ូដែលដំបូង Sealion 07 EV និងម៉ូដែល Song Plus DM-i។ រថយន្ត SUV ទាំងពីរម៉ូដែលនេះ បានបង្ហាញវត្តមាននៅលើទីផ្សារចិន ជាមួយនិងឈ្មោះថា Sealion 7 និង Seal U DM-i។ បើតាមការបញ្ជាក់នៅក្នុងសេចក្តីថ្លែងការខាងលើនេះ បានបន្តថា ក្រុមហ៊ុន BYD ក៏មានគម្រោងនឹងបង្ហាញចេញនូវម៉ូដែល Seal sedan ហើយនិង SUV Yuan Plus ដែលជា compact pure-electric មួយទៀតផងដែរ សម្រាប់ទីផ្សារសាធារណៈរដ្ឋឆែក និងស្លូវ៉ាគី។
សូមជំរាបថា Yuan Plus គឺបង្ហាញវត្តមាននៅលើទីផ្សារប្រទេសចិនជាមួយនិងឈ្មោះថា Atto 3។ ជាមួយនិងការចូលទៅកាន់ទីផ្សារអឺរ៉ុបនេះ គឺក្រុមហ៊ុនបានបើកហាងដំបូងរបស់ខ្លួននៅទីក្រុង ប្រាក់ ដែលស្ថិតកណ្តាលបេះដូងនៃប្រទេសសាធារណៈរដ្ឋឆែក ហើយនឹងមានគម្រោងបន្តបើកអោយបាន 30 កន្លែងបន្ថែមទៀតនៅដំណាច់ឆ្នាំ 2025 នេះ។ បន្ថែមពីនេះ ក្រុមហ៊ុន ក៏បានចាប់ដៃគ្នាជាមួយតំណាងចែកចាយ Auto Impex សម្រាប់ការបើកហាងដំបូថរបស់ខ្លួននៅប្រទេសស្លូវ៉ាគីផងដែរ ដោយទីតាំងស្ថិតនៅ Bratislava ដែលជាទីក្រុងធំជាងគេនៅលើទីផ្សារនេះ។ ក្រុមហ៊ុន BYD ក៏មានគម្រោងនឹងបង្កើតនូវហាង 20 បន្ថែមទៀតនៅលើទីផ្សារស្លូវ៉ាគីនេះនៅត្រឹមដំណាច់ឆ្នាំ 2025។
ជាមួយុគ្នានឹងការជើងចូលទីផ្សារសាធារណៈរដ្ឋឆែក និងស្លូវ៉ាគីនេះ ក្រុមហ៊ុន BYD ក៏នឹងធ្វើការជាមួយនិងត Auto Louda, Direct Auto, Albion Cars និង Auto UH សម្រាប់ដាក់លក់រថយន្តរបស់ខ្លួននៅលើទីផ្សារសាធារណៈរដ្ឋឆែកនេះផងដែរ នេះបើតាមការបញ្ជាក់ក្នុងប្រភពខាងលើនេះ។ និយាយពីរថយន្ត Sealion 07 EV នេះ ក្រុមហ៊ុន BYD បានប្រកាសចេញនៅលើទីផ្សារចិនកាលពីថ្ងៃទី 10 ខែឧសភា ឆ្នាំ 2024 កន្លងទៅនេះ ដែលនេះគឺជាម៉ូដែលប្រើប្រាស់នូវ battery electric vehicle (BEV) ហើយនិងដំណើរការនៅលើ e-Platform 3.0 Evo។ គិតចាប់តាំងពីខែវិច្ឆិកា 2024 មក ក្រុមហ៊ុណ BYD បានប្រកាសចេញ Sealion 07 នៅលើទីផ្សារជាច្រើនរួចមកហើយ ក្នុងនោះមានដូចជា ណ័រវេ, ថៃឡង់ដ៏, ឥណ្ឌា, ម៉ិកសិកូ និងហុងគ្រីជាដើម។
តាមការបញ្ជាក់ Stella Li ដែលអគ្គនាយករងនៃក្រុមហ៊ុន BYD បានប្រកាសចេញកាលពីម្សិលមិញនេះ បានអោយដឹងថា ក្រុមហ៊ុន BYD មានគោលដៅចង់អោយអ្នកប្រើប្រាស់នៅទូទាំងទ្វីបអឺរ៉ុប ទទួលបាននូវការប្រើប្រាស់នូវបច្ចេកវិទ្យាទំនើប និងទទួលបាននូវអត្ថប្រយោជន៌កាន់តែច្រើនពីការប្រើថាមពលថ្មី។ យោងតាមការបញ្ជាក់កាលពីថ្ងៃទី 1 ខែមេសានេះ បានអោយដឹងថា កាលពីខែមីនានេះ ក្រុមហ៊ុន BYD បានលក់រថយន្តនេះបាន 377,420 គ្រឿង ដែលមានការកើនឡើង 16.90% ប្រៀបធៀបជាមួយនិងខែកុម្ភៈ។
