Zeekr 009 Grand Collector Edition គឺជាឡាន MPV ដែលដំណើរការអគ្គិសនីសុទ្ធ និងជា MVP ម៉ូដែលប្រណិតបំផុតនៅក្នុងទីផ្សារប្រទេសចិនបានប្រកាសចេញជាផ្លួវការណ៌ហើយ ដោយដាក់លក់ជាមួយតម្លៃ 899,000 យ៉ន់ ដែលប្រហែលជា 123,200 ដុល្លារ។ ឡានដែលមានឈ្មោះថា Grand Edition នេះ គឺមានការឌីស្សាញជាមួយនិងការដាក់បញ្ចូលនូវមាស ទៅលើផ្នែកខ្លះនៃរថយន្តទាំងផ្នែលខាងក្រៅ និងផ្នែកខាងក្នុង។ នៅលើឡាននេះ គឺមានការចាក់បញ្ចូលនូវមាស 24K ទម្ងន់ 3 ក្រាម ទៅលើបន្ទះស្លាកសញ្ញាចំនួន 7 កន្លែងនៅលើរថយន្តទាំងមូល។
ឡានម៉ូដែលពិសេស Grand Collector Edition នេះ ត្រូវបានគេរាយការណ៌ថា ក៏នឹងមានការបង្ហាញវត្តមាននៅក្នុងព្រឹត្តិការណ៌ 2025 Shanghai Auto Show ដែលនឹងមានរៀបចំនៅលើទីផ្សារប្រទេសចិននាថ្ងៃទី 23 ខែមេសាខាងមុខនេះផងដែរ ហើយសម្រាប់ការដឹកជញ្ជូនវិញ គឺនឹងធ្វើឡើងនៅខែមិថុនាខាងមុខ។ ជាមួយនិងឈ្មោះថា គឺជារថយន្ត MPV ដ៏ទំនើបនេះ រថយន្ត Zeekr 009 Grand Collector Edition នេះ គឺមានតួខ្លួនទំហំ 5217/2024/1812mm និងមានគម្លាតកង់ 3205mm ប៉ុណ្ណោះ។
សូមជំរាបថា រថយន្ត Zeekr 009 Grand Edition ដែលនឹងមានលក់ថ្មីនេះ នឹងមានការបន្ថែមនូវមាសនៅលើផ្នែកនិមួយៗ ដែលមានដូចជា ឡូហ្កូខាងមុខ ខាងក្រោយ នៅលើស៊ុមទ្វារ នៅលើដៃទ្វារ និងឈ្នាន់ជុំវិញ ហើយនិងនៅយ៉ាន់កង់។ សម្រាប់ផ្នែកដំបូលខាងលើ គឺមានសិនស័រ lidar សម្រាប់ជាជំនួយនៅក្នុងបើកបរផងដែរ។ និយាយពីការឌីស្សាញខាងក្នុង Zeekr 009 Grand Collector Edition គឺមានការបំពាក់នូវកៅអី 4 ហើយនិងមានអេក្រង់ធំនៅចំកណ្តាល ហើយនិងមានអេក្រង់ខាងក្រោយសម្រាប់កម្សាន្តដែលមានការគាំទ្រដោយបន្ទះឈីប Qualcomm Snapdragon 8295 ផងដែរ។
អ្វីដែលពិសេសនោះ នៅលើរថយន្តនេះ ក៏មានការមុខងារផ្កាយរណប Two-way satellite messaging និង calls ក៏ដូចជា ប្រព័ន្ធសម្លេងរបស់ក្រុមហ៊ុន Yamaha ចំនួន 18 គ្រាប់ថែមទៀតផង។ សម្រាប់អេក្រង់ខាងក្រោយ គឺមានទំហំ 43-អ៊ីង កម្រិត 4K ហើយនិងមានការទ្រទ្រង់នូវប្រព័ន្ធប្រតិបត្តិការ Zeekr OS 6.0 operating system។ បន្ថែមពីនេះ សម្រាប់អេក្រង់បញ្ជាទូទៅ គឺស្ថិតចំកណ្តាលនៃកៅអី 2 ខាងមុខ ដែលមានការបំពាក់នូវមុខងារ headrests, leg rests និងមានតុតូចមួយ ព្រមជាមួយនិងមុខងារម៉ាស្សាចំនួន 24 ផងដែរ។ សម្រាប់កំរ៉ាលជើង និងស៊ុមខាងលើ គឺមានារឌីស្សាញចេញពីវត្ថុធាតុដើមមកពីភ្នំ Andean ក្នុងប្រទេសប៉េរូ នេះបើតាមការបញ្ជាក់ផ្លូវការណ៌។
និយាយពីសមត្ថភាពវិញ ឡានទំនើប Zeekr 009 Grand Collector Edition 24K gold MPV មានការប្រើប្រាស់នូវម៉ូទ័រមុខ និងម៉ូទ័រក្រោយ 2 មានកម្លាំង 580kW (778 សេះ) និងមានកម្លាំងរមួល 810 Nm ហើយថែមទាំងមានអាគុយផ្ទុកទំហំ 108kWh 5C Qilin ternary lithium battery pack ដែលអភិវឌ្ឍឡើងដោយក្រុមហ៊ុន CATL ផ្តល់នូវការបើកបរបាន 702km តាមស្តង់ដារ CLTC range។ Zeekr 009 Grand Collector Edition មានសមត្ថភាពអាចបង្កើតល្បឿនពី 0 ទៅ 100 km/h ត្រឹមពេល 3.9 វិនាទីប៉ុណ្ណោះ។ ជាមួយនិងការសាកនៅលើឆ្នាំងសាក 800V high-voltage ត្រឹម 11.5 នាទី និងទទួលបានថាមពល 80%។
