Avatr គឺជាម៉ាកយីហោឡានអគ្គិសនីថ្នាក់ប្រណិត ដែលមានការអភិវឌ្ឍរួមគ្នារវាង Changan, CATL និង Huawei។ នៅថ្ងៃនេះ ក្រុមហ៊ុនរួមគ្នាមួយនេះ បានប្រកាសចេញនូវឡានអគ្គិសនីម៉ូដែលទី 4 របស់ខ្លួន Avatr 06 ដែលជាប្រភេទ midsize sedan នៅលើទីផ្សារប្រទេសចិនជាមួយតម្លៃចាប់ពី 191,900 យ៉ន់ប្រហែលជា 26,300 ដុល្លារ។ ឡានអគ្គិសនីថ្មីនេះ មានប្រភេទ BEV និង (EREV) ជាឡានរបស់ Avatr ដែលឌីស្សាញចេញមកប្រជែងជាងមួយឡានអគ្គិសនីដែលមានតម្លៃ 200,000 យ៉ន់។
ឡានអគ្កីសនីសុទ្ធ Avatr 06 នេះ គឺមានការបំពាក់នូវអាគុយរបស់ CATL មានទំហំ 72.88kWh។ សម្រាប់ម៉ូដែលមានម៉ូទ័រក្រោយមួយគឺមានកម្លាំង 252kW អាចរត់បានចម្ងាយ 650km តាមស្តង់ដារ CLTC-rated range ខណៈដែលម៉ូទ័រភ្លោះ គឺមានកម្លាំងបន្ថែម 188 kW ទៅលើម៉ូទ័រមុខ ដែលបូកចូលគ្នា មានកម្លាំងសរុប 440 kW និងរត់បានចម្ងាយ 600km។ សម្រាប់ម៉ូដែលទាំងពីរនេះ គឺមានការប្រើប្រាស់នូវឆ្នាំងសាកកម្លាំង 800V ultra-fast charging architecture។
ចំពោះម៉ូដែល EREV គឺមានម៉ូទ័រកម្លាំង 231 kW និងមានការអមដំណើរដោយម៉ាស៊ីនសាំងចំណុះ 1.5-litre turbocharged range extender កម្លាំង 115 kW ផងដែរ។ នៅលើរថយន្តនេះ គឺមានអាគុយទំហំ 31.7 kWh អាចរត់បានជាមួយនិងកម្លាយ 170 km ទៅលើអគ្គិសនីសុទ្ធ។ Avatr 06 មានតួខ្លួនទំហំ 4855x1960x1450mm និងមានគម្លាតកង់មុខក្រោយប្រវែង 2,940m។ រថយន្តនេះគឺមានការឌីស្សាញចេញស្ថាបត្យកម្មថ្មី 2.0 របស់ក្រុមហ៊ុននេះ មានជម្រើស 6 ពណ៌។
ឡានអគ្គិសនី Avatr 06 ដំណើរការម៉ូទ័រពីរ និងមានតម្លៃជាង 2 ម៉ឺនដុល្លារនេះ ត្រូវបានគេរាយការណ៌ថា នឹងមកប្រជែងជាមួយ Tesla Model 3 និង Zeekr 007។
