GWM Cannon 2026 គូប្រជែង Nissan Frontier Pro នឹងបង្ហាញខ្លួននៅ Guangzhou Auto Show ថ្ងៃទី 21 វិច្ឆិកានេះហើយ

ក្រុមហ៊ុន Great Wall Motor (GWM) បានត្រៀមធ្វើការដាក់បង្ហាញចេញឡាន Pick up ស៊េរីថ្មីឆ្នាំ 2026 ម៉ូដែល Cannon នៅក្នុងព្រឹត្តិការណ៍ 2025 Guangzhou Auto Show ដែលនឹងរៀបចំធ្វើឡើងនៅថ្ងៃទី 21 ក្នុងខែវិច្ឆិកា នេះ។ GWM ត្រូវបានគេរាយការណ៍ថា នឹងមានការដាក់តាំងបង្ហាញរថយន្ត Cannon ផ្សេស៊េរីឆ្នាំ 2026 ដូចជា ឡានសម្រាប់ធ្វើដំណើរ Passenger-oriented Cannon, ឡាន off-road Cannon pickup ក៏ដូចជាឡានសម្រាប់ការធ្វើអាជីវកម្ម Commercial Canon ផងដែរ។

សម្រាប់ម៉ូដែលឡានប្រភេទ Passenger-Cannon 2026 នឹងមានការធ្វើបច្ចុប្បន្នភាពទៅលើប្រតិបត្តិការ Coffee OS3 Infotainment system ដែលមានការបង្កើននៅប្រព័ន្ធបច្ចេកវិទ្យាប្រើប្រាស់ក្នុងកាប៊ីនកាន់តែទំនើប និងការតភ្ជាប់កាន់តែសម្បូរបែប។ រីម៉ូដែល off-road Cannon 2026 វិញ នឹងមានបំពាក់មកជាមួយប្រព័ន្ធ BorgWarner 4A+ MLock intelligent four-wheel-drive system ដែលអាចធ្វើការចាក់ប៉ុងបីជម្រើសផ្សេងគ្នាដើម្បីបង្កើនសមត្ថភាពលើមុខងារបើកបរផ្លូវ off-road កាន់តែមានអនុភាពខ្ពស់។ ចំនែកម៉ូដែល Commercial Cannon 2026 ក៏នឹងមានការឌីស្សាញផ្នែកខាងមុខកាន់តែមានប្រណិតភាពជាមួយចង្កៀងបំភ្លឺប្រភេទ dual-lens LED headlight និងភ្លើងកាត់អ័ព្ទ fog lamps ផងដែរ។

ម៉ូដែល Commercial Cannon 2026 នឹងបំពាក់យ៉ាន់កង់ទំហំ 18-inch, ដំណើរការដោយម៉ាស៊ីន 2.4-litre turbo-diesel ដែលអាចផលិតកម្លាំងបាន 135kW និងកម្លាំងរមួល 480Nm ហើយភ្ជាប់ដំណើរការដោយប្រព័ន្ធប្រអប់លេខស្វ័យប្រវត្តិ 9 វគ្គ។ បន្ថែមពីនេះ វាក៏នឹងទទួលបានការធ្វើបច្ចុប្បន្នប្រព័ន្ធគ្រប់គ្រងលំនឹងជាមួយការប្រើប្រាស់សាក់ស៊ីថ្មីដែលមានរួមបញ្ចូលនូវប្រព័ន្ធការពាររអិល និងមុខងារគ្រប់គ្រង់លំនឹងនៅពេលចុះចំណោតថែមទៀតផង។ ចំនែកម៉ូដែល Pickup Cannon 2026 គឺមានការធ្វើបច្ចុប្បន្នភាពជាមួយប្រព័ន្ធដំណើរការកាន់តែទំនើប និងមានអនុភាពខ្ពស់ពីលើជំនាន់ឆ្នាំ 2024 ប៉ុន្តែ នៅរក្សាអត្តសញ្ញាណឡាន Pick-up truck របស់ Cannon ដដែល។

GWM Cannon Pick up 2026 ស្ថិតក្នុងអម្បូរឡាន mid-size pickup ដែលអម្បូរនេះ មានបណ្តោយតួរខ្លួនប្រវែង 5,444mm/ ទទឹង 1,958mm/ កំពស់ 1,893mm និងមានគម្លាតចន្លោះកង់មុខទៅកង់ក្រោយ 3,230mm។ ទន្ទឹមនឹងនេះ Cannon Pick up 2026 ត្រូវបានគេរំពឹងថា នឹងភ្ជាប់មកជាមួយកញ្ចប់តុបតែបន្ថែមពីខាងក្រៅតម្រូវតាមការចង់បានរបស់អតិថិជនរួមមាន T-Max front winches, snorkels, K-Man nitrogen shock absorbers, 3 mm chassis armour, off-road side steps, និង iron bumpers…ជាដើម។ ឡាន Pick up ស៊េរីថ្មីនេះ ក៏នឹងបំពាក់មកជាមួយយ៉ាន់កង់ទំហំ 18-inch និងប្រើសម្បកកង់ប្រភេទ all-terrain tyres ផងដែរ។

ផ្នែកកាប៊ីនក៏នឹងបន្តប្រើការឌីស្សាញដូចគ្នានឹងម៉ូដែលឆ្នាំ Cannon Pick up 2024 ដែរ ដូចជា ការបំពាក់ អេក្រង់បង្ហាញព័ត៌មាន LCD ទំហំ 7-inch, អេក្រង់កម្សាន្តទំហំ 12.3-inch touchscreen, ប៊ូតុងចុចបញ្ជាមុខងារ Physical button នៅលើស្នូលកណ្តាល មានកន្លែងសាកថ្មទូរស័ព្ទមិនប្រើខ្សែ, រន្ធ USB, រន្ធដោតភ្លើងកម្លាំង 12V, ប្រព័ន្ធជំនួយការបើកបរកម្រិត2  (Level 2 driver assistance), Driving mode, មុខងារចាក់សោរប៉ុង (front and rear differential locks), មុខងារ tank turn និង crawl mode ក៏នឹងមានមកជាមួយផងដែរ។

Cannon Pick up 2026 នឹងមានជម្រើសប្រើម៉ាស៊ីនសាំងចំណុះ 2.0-litre កម្លាំង 140kW និងកម្លាំងរមួល 360Nm ភ្ជាប់ដំណើរការដោយប្រព័ន្ធប្រអប់លេខស្វ័យប្រវត្តិ 8-វគ្គ និងប្រើម៉ាស៊ីនម៉ាស៊ូត 2.4-litre កម្លាំង 137kW និងកម្លាំងរមួល 480Nm ភ្ជាប់ដំណើរការដោយប្រព័ន្ធប្រអប់លេខស័្វយប្រវត្តិ 9-វគ្គ។ GWM Cannon 2026 Pickup នឹងក្លាយជាដៃគូប្រជែងទីផ្សារជាមួយឡាន mid-size pickup ដូចជា Nissan Frontier Pro ជាដើម៕