ទីភ្នាក់ងារសារព័ត៌មាន Reuters បានរាយការណ៍ថា ក្រុមហ៊ុន Geely នឹងប្រើប្រាស់ទីតាំងរោងចក្រ ក្រុមហ៊ុន Ford នៅអឺរ៉ុប ដើម្បីផលិតយានយន្តរបស់ខ្លួនសម្រាប់ទីផ្សារក្នុងតំបន់នេះ។ ជាថ្នូរនឹងការប្រើប្រាស់រោងចក្រនេះ Geely នឹងផ្តល់សិទ្ធិឲ្យក្រុមហ៊ុន Ford អាចចូលប្រើប្រាស់បច្ចេកវិទ្យាជំនួយការបើកបររបស់ខ្លួនបានពេញលិញ។ ភាគីទាំងពីរមានគោលដៅសំខាន់ គឺការកាត់បន្ថយថ្លៃដើមក្នុងសង្វាក់ផលិតកម្មរៀងៗខ្លួន។
យោងតាមប្រភពដែលជិតស្និតនឹងបញ្ហានេះបានបង្ហើបថា ក្រុមហ៊ុន Geely និង Ford បានជួបប្រជុំកម្រិតខ្ពស់មួយនៅរដ្ឋ Michigan កាលពីសប្តាហ៍មុន។ ថ្មីៗនេះ ក្រុមហ៊ុនផលិតរថយន្តអាមេរិកបានបញ្ជូនគណៈប្រតិភូសំខាន់មួយរូបទៅកាន់ប្រទេសចិន ដោយមានគោលបំណងពង្រឹងលើដំណើរនៃកិច្ចការពិភាក្សា។ ទោះជាយ៉ាងណាក៏ដោយ មានរបាយការណ៍ថា ការចរចារវាងភាគីទាំងពីរបានដំណើរការអស់រយៈពេលជាច្រើនខែមកហើយ។ ខណៈមន្ត្រីក្រុមហ៊ុន Ford និង Geely មិនទាន់បានចែករំលែកព័ត៌មានជាក់ស្តែងណាមួយអំពីកិច្ចសហប្រតិបត្តិការរបស់ពួកគេនៅឡើយទេ។ ហើយគេនៅមិនទាន់ដឹងថា រោងចក្រ Ford មួយណាដែលស្ថិតនៅចំវេទិការនៃការពិភាក្សារវាងក្រុមហ៊ុនទាំងពីរនោះទេ។
កាលពីឆ្នាំទៅមិញ Ford បានចេញសេចក្តីថ្លែងការណ៍មួយថា រោងចក្ររបស់ខ្លួននៅទីក្រុង Cologneប្រទេសអាល្លឺម៉ង់ នឹងប្តូរការផលិតទៅជាប្រតិបត្តិការវេនតែមួយចាប់ពីខែមករា ឆ្នាំ 2026។ Ford ក៏មានរោងចក្រនៅក្នុងទីក្រុង Saarlouis ប្រទេសអាល្លឺម៉ង់ និង Valencia ប្រទេសអេស្ប៉ាញ ផងដែរ។ ពាក់ព័ន្ធនឹងការប្រើប្រាស់ទីតាំងរោងចក្រនៅអឺរ៉ុបរបស់ Ford នឹងអនុញ្ញាតឱ្យ Geely ជៀសវាងពន្ធប្រឆាំងការឧបត្ថម្ភធនរបស់សហភាពអឺរ៉ុប ដែលដាក់លើរថយន្តអគ្គិសនីផលិតនៅប្រទេសចិន។
បច្ចុប្បន្ន Geely Group កំពុងរងផលប៉ះពាល់ពីពន្ធបន្ថែម 18.8% លើស្តង់ដារពន្ធ 10%។ បើតាមការរាយការណ៍លើមុនបាននិយាយថា អត្រាពន្ធនឹងត្រូវជំនួសដោយតម្លៃនាំចូលអប្បបរមានៅក្នុងទីផ្សារតំបន់អឺរ៉ុប។ ទោះជាយ៉ាងណាក៏ដោយ ពន្ធទាំងនេះនៅតែមានសុពលភាពនៅពេលនោះ។
ជាថ្នូរនឹងការប្រើប្រាស់រោងចក្ររបស់ Ford ដើម្បីផលិតរថយន្តរបស់ខ្លួនលក់នៅអឺរ៉ុប Geely នឹងផ្តល់ឲ្យ Ford នូវបច្ចេកវិទ្យាជំនួយការបើកបរ (Assistant Driving Technology)។ ដែល Geely Group ជាម្ចាស់ក្រុមហ៊ុនអភិវឌ្ឍន៍ប្រព័ន្ធ ADAS Afari Technology ឬ Qianli Technology ដែលថ្មីៗនេះបានប្រកាសចេញនូវប្រព័ន្ធជំនួយក្នុងការបើកបរថ្មីហៅថា “G-ASD”។ ដោយប្រព័ន្ធថ្មីនេះប្រើប្រាស់នូវWorld Action Model (WAM)។ មន្ត្រីរបស់ក្រុមហ៊ុនបានចែករំលែកថា វាគឺជាគំរូឥរិយាបថពិភពលោកដែលមានសមត្ថភាពឆ្លុះបញ្ចាំងខ្លួនឯង និងវិវត្តន៍។
G-ASD មានអនុភាពទៅលើសកម្មភាពក្នុងការគ្រប់គ្រងប្រព័ន្ធថាមពល powertrain control, chassis & driveline control, body & electronic control, និង cockpit control areas ជាដើម។ G-ASD អនុញ្ញាតឱ្យរថយន្តដំណើរការប្រព័ន្ធ autonomously navigate ក្នុងការស្វែងរកទីតាំងចំណតរថយន្តក្រោមដីឆ្លង និងផ្លូវរង្វង់មូល ឬច្រកចេញពីផ្លូវល្បឿនលឿន (Highway) និងចក្រទ្វារចេញពីចំណតរថយន្តថែមទៀតផង។ ប្រព័ន្ធ G-ASD ត្រូវបានប្រើប្រាស់រួចហើយនៅលើរថយន្តម៉ាក Lynk & Co និង Zeekr៕
