នៅថ្ងៃទី 31 ខែកក្កដា នេះ Kfour Group ជាក្រុមហ៊ុនផ្គត់ផ្គង់សម្ភារៈអេឡិចត្រូនិចដ៏ធំមួយនៅកម្ពុជា បានប្រារព្ធពិធីអបអរសាទរខួបអនុស្សារីយ៍ 21 ឆ្នាំ។ នេះជាព្រឹតិ្តការណ៍ដ៏សំខាន់មួយទៀតរបស់ក្រុមហ៊ុន ដែលជាអ្នកបង្កើតស្លាកសញ្ញារបស់ខ្លួននៅលើទីផ្សារផ្គត់ផ្គង់សម្ភារៈអេឡិចត្រូនិចចាប់តាំងពីឆ្នាំ 1994 មកម្លេះ ដែលដើមឡើយ មានឈ្មោះថា Sensorexim។
ចាប់តាំងពីពេលនោះមក ក្រុមហ៊ុនបានរីកចំរើនជាលំដាប់ ល្បីសុះសាយក្នុងទីផ្សារកម្ពុជាទៅលើសម្ភារៈអេឡិចត្រូនិចដែលមានគុណភាពខ្ពស់ ទាំងអស់នេះបានមកពីការផ្តល់ទំនុកចិត្តពីប្រជាជនកម្ពុជាទាំងអស់។ ដើម្បីជាការអបអរសាទរដល់ខួបអនុស្សាវរីយ៍ទី 21 ក្រុមហ៊ុនបានរៀបចំស្តង់ដាក់លក់នូវផលិតផលអេឡិចត្រូនិចជាច្រើន និងផ្តល់ជូនតម្លៃដ៏ពិសេស ដើម្បីឲ្យអតិថិជនអាចទទួលបានផលិតផលមានគុណភាពខ្ពស់ ដោយចំណាយតិចជាងមុខ។
ស្តង់លក់ផលិតផលនឹងរៀបចំឡើងនៅ សាខា Kfour Ratana Plaza និងសាខា Kfour TK Avenue ចាប់ពីថ្ងៃទី31 កក្កដា រហូតដល់ថ្ងៃទី16 សីហា។ សាខា Kfour បាក់ទូក នឹងចាប់ផ្តើមរៀងរាល់ថ្ងៃព្រហស្បតិ៍ សុក្រ សៅរ៏ និងអាទិត្យ ក្នុងខែសីហា។ សាខា Kfour Big A និងសាខា Kfour City Mall នឹងចាប់ផ្តើមពីថ្ងៃទី17 សីហារហូតដល់ថ្ងៃទី 31 សីហា។ សាខា Kfour សៀមរាប នឹងចាប់ផ្តើមពីថ្ងៃទី 31 កក្កដា រហូតដល់ថ្ងៃទី 9 សីហា។ មិនត្រឹមតែបណ្ណោះក្រុមហ៊ុននឹងផ្តល់ជូននូវរង្វាន់ដ៏អស្ចារ្យជាច្រើនផងដែរ។
គ្រប់អតិថិជនទាំងអស់ចណាយចាប់ពី $121 ឡើងទៅនឹងមានឱកាសចាប់ឆ្នោតទទួលបានរង្វាន់ភ្លាមៗ សនឹ្លកឆ្នោតមួយណាក៏មានរង្វាន់ដែរ។ រង្វាន់មានដូចជាទូរទស្សន៏ម៉ាកSharp 32 អ៊ឹង 5 រង្វាន់, ម៉ាស៊ីនបោកខោអាវម៉ាក Hitachi 1 រង្វាន់ និងទូទឹកកកម៉ាកSharp 2រង្វាន់។ រង្វាន់ធំនៅមានជាបន្តបន្ទាប់។ដោយយោងទៅលើភាពជឿនលឿននៃបច្ចេកបវិទ្យាទំនើបក្នុងពេលបច្ចុប្បន្ននេះ ក្រុមហ៊ុននឹងបើកសម្ពោធនូវអ្វីដែលថ្មី ផ្តល់ភាពងាយស្រួលជូនអតិថិជនក្នុងការទិញផលិតផលនីមួយៗរបស់ក្រុមហ៊ុន នោះគឺ Kfour App សំរាប់ទូរស័ព្ទ Android និង iPhones។
កម្មវិធី Kfour App នេះគឺកំពុងតែបង្កើតឡើង និងអនុញ្ញាតឱ្យអោយអតិថិជនចូលដំណើរការ ស្វែងរកនូវផលិតផលអេឡិចត្រូនិចជាច្រើនពីKfourក្នុងពេលឆាប់ៗនេះ។ វាមានភាពងាយស្រួលបំផុតដោយលោកអ្នកគ្រាន់តែចុចលើអេក្រង់ទូរស័ព្ទរបស់អ្នក លោកអ្នកនឹងទទួលបាននូវការផ្តល់ជូនពីពត៏មានមួយចំនួនដូចជា ការលក់បញ្ចុះតំលៃ និងផលិតផលផ្សេងៗទៀតជាច្រើន។ អ្វីដ៏ល្អបំផុតនោះគឺ ការទទួលបានអ្វីដ៏ល្អប្រសើរជាងមុន។
