បើទោះបីជាក្រុមហ៊ុន Huawei មានសម្ពាធជាច្រើនពីរដ្ឋាភិបាលរបស់សហរដ្ឋអាមេរិកក៏ដោយ ក្រុមហ៊ុននេះ ក៏នៅតែមានប្រជាប្រិយភាព និងការគាំទ្រខ្លាំងក្លាមិនធម្មតាដែរ។ បញ្ហាដែលកើតឡើងសម្រាប់ក្រុមហ៊ុនបច្ចេកវិទ្យាយក្សរបស់ចិនមួយនេះមិនបានធ្វើអោយក្រុមហ៊ុននេះ ធ្លាក់ចុះទន់ខ្សោយនោះទេ ប៉ុន្តែបែរជាដាស់ក្រុមហ៊ុននេះ អោយកាន់តែខ្លាំងក្លានៅក្នុងការផលិតបច្ចេកវិទ្យា និងសមាសភាគជាច្រើនទៀតដោយខ្លួនឯងទៅវិញ។
ជាក់ស្តែង បន្ទាប់ពីការប្រកាសបង្ហាញស្មាតហ្វូនជាច្រើនម៉ូឌែលរួចមកនៅលើទីផ្សារនោះ ថ្មីៗនេះ ក្រុមហ៊ុន Huawei ក៏ប្រកាសបង្ហាញនូវស្មាតហ្វូន Huawei nova 7i ដែលមានរូបរាងស្រស់ស្អាតទាន់សម័យ ស្របទៅតាមរចនាបទថ្មីដ៏ទាក់ទាញ និងសមត្ថភាពខ្លាំងក្លាក្នុងការកម្សាន្តយ៉ាងសម្បូរបែបបំផុត។ ស្មាតហ្វួននេះ ចាប់ផ្តើម Pre-Order នៅកម្ពុជាហើយជាមួយនឹងតម្លៃ 279 ដុល្លា ដោយមានការបន្ថែមនូវកាដូជាច្រើនដូចជា PowerBank, Speaker រួមជាមួយនឹងកញ្ចប់កាដូមួយផងដែរ
ការឌីស្សាញរូបរាងស្របទៅតាមនិន្នាការសម័យថ្មី
ស្មាតហ្វូន Huawei nova 7i នេះមានវិមាត្រ 159.2 x 76.3 x 8.7 mm និងទម្ងន់ស្រាលត្រឹមតែ 183 g ។ ស្មាតហ្វូននេះមានកញ្ចក់អេក្រង់ខាងមុខ ផ្នែកខាងក្រោយធ្វើពីប្លាស្ទិក និងគែមធ្វើពីប្លាស្ទិកថែមទៀត។ ស្មាតហ្វូននេះប្រើប្រាស់ស៊ីមពីរផងដែរ។ បើពិនិត្យមើលទៅលើផ្នែកខាងមុខរបស់ស្មាតហ្វូននេះគឺមានអេក្រង់រាបស្មើជាមួយនឹងកាមេរ៉ាខាងមុខមួយគ្រាប់នៅគែមផ្នែកខាងឆ្វេង និងរន្ធស្រូបសំឡេងនៅផ្នែកខាងលើនៃអេក្រង់របស់ស្មាតហ្វូននេះ។ សម្រាប់គែម Bezel របស់អេក្រង់ខាងក្រោមរបស់វាគឺមានកម្រាស់ក្រាស់បន្តិចផងដែរ។
បើមើលទៅលើគែមផ្នែកខាងស្តាំរបស់ស្មាតហ្វូននេះគឺមានប៊ូតុង 3 នោះគឺប៊ូតុងឡើងចុះសំឡេង និងប៊ូតុង Power ដែលមានភ្ជាប់ជាមួយនឹងប្រព័ន្ធស្កេនក្រយ៉ៅដៃតែម្តង។ សម្រាប់បាតខាងក្រោមរបស់ស្មាតហ្វូននេះគឺមានរន្ធដោតកាសស្តាប់ រន្ធបញ្ចូលថាមពលថ្ម និងរន្ធ Speaker ។ សម្រាប់គែមផ្នែកខាងឆ្វេងរបស់ស្មាតហ្វូននេះគឺមានរន្ធដោតម៉េមូរី និងស៊ីមថែមទៀត។ ផ្នែកខាងក្រោយរបស់ស្មាតហ្វូននេះគឺមានកាមេរ៉ា ៤ គ្រាប់នៅគែមផ្នែកខាងឆ្វេងដែលមានរូបរាងជាការ៉េ និងភ្លើង LED Flash នៅខាងក្រោមជាមួយនឹងអក្សរ AI QUAD CAMERA រួមជាមួយនឹងពាក្យថា HUAWEI ដែលនៅផ្នែកខាងក្រោមខាងក្រោយរបស់ស្មាតហ្វូននេះដែលបង្ហាញអំពីម៉ាកយីហោរបស់ក្រុមហ៊ុនបច្ចេកវិទ្យានេះផងដែរ។
អេក្រង់ធំ កាមេរ៉ា 4 គ្រាប់យ៉ាងសម្បូរបែប
Huawei nova 7i គឺជាម៉ូឌែលស្មាតហ្វូនថ្មីដែលមានភ្ជាប់ជាមួយនឹងអេក្រង់ដែលមានទំហំ 6.4 អ៊ីញ ជាប្រភេទអេក្រង់ LTPS IPS LCD capacitive touchscreen ដែលទ្រទ្រង់នូវពណ៌ចំនួន 16 លាន និងកម្រិតភាពច្បាស់ 1080 x 2310 pixels (398 ppi) ថែមទៀត។ អេក្រង់នេះធំល្អក្នុងការប្រើប្រាស់ និងការលេងហ្គេមកាន់តែសម្បូរបែប។ បើនិយាយអំពីកាមេរ៉ាខាងក្រោយរបស់ស្មាតហ្វូននេះគឺមាន ៤ គ្រាប់នោះគឺមានទំហំ 48 MP (f/1.8, 26mm (wide), 1/2.0", 0.8µm, PDAF) + 8 MP (f/2.4, (ultrawide)) + 2 MP (f/2.4, 27mm (macro), 1/5.0", 1.75µm) + 2 MP (f/2.4, (depth)) រួមជាមួយនឹងមុខងារជាច្រើនទៀតដូចជា LED flash, HDR, panorama និងការថតវីដេអូកម្រិត 1080p@30fps ថែមទៀត។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ 16 MP, f/2.0, (wide), 1/3.1", 1.0µm ជាមួយនឹងមុខងារ HDRនិងការទ្រទ្រង់ទៅលើការថតវីដេអូកម្រិត 1080p@30fps ថែមទៀត។ កាមេរ៉ានេះក៏មានមុខងារជាច្រើនកាន់តែសម្បូរបែបក្នុងការប្រើប្រាស់ផងដែរ។
សមត្ថភាពខ្លាំងក្នុងការប្រើប្រាស់យ៉ាងសម្បូរបែប
ស្មាតហ្វូន Huawei nova 7i ស៊េរីថ្មីនេះដំណើរការនូវប្រព័ន្ធប្រតិបត្តិការ Android 10.0 (AOSP + HMS); EMUI 10 បន្ទះឈីប HiSilicon Kirin 810 (7 nm) ដែលមានអង្គគណនា Octa-core (2x2.27 GHz Cortex-A76 & 6x1.88 GHz Cortex-A55) ជាមួយនឹងក្រាហ្វិកកាត Mali-G52 MP6 ថែមទៀត។ ស្មាតហ្វូននេះដំណើរការនូវរ៉េមទំហំ 8GB និងមេម៉ូរី ទំហំ 128GB អាចបន្ថែមនូវម៉េមូរីខាងក្រៅប្រភេទ NM (Nano Memory) ទំហំដល់ទៅ 256GB ថែមទៀតផង។ ស្មាតហ្វូននេះនៅតែរក្សានូវរន្ធដោតកាសស្តាប់ 3.5mm Audio Jack និងប្រព័ន្ធទំនាក់ទំនងដូចជា Wi-Fi 802.11 a/b/g/n/ac, dual-band, Wi-Fi Direct, hotspot និងរន្ធសាកថ្ម USB 2.0, Type-C 1.0 reversible connector, USB On-The-Go ថែមទៀត។ បន្ថែមពីនេះទៀតនោះ ស្មាតហ្វូននេះមានសេនស័រជាច្រើនទៀតដូចជា accelerometer, proximity, compass និងថាមពលថ្មទំហំ 4200 mAh ជាមួយនឹងការទ្រទ្រង់នូវបច្ចេកវិទ្យាបញ្ចូលថាមពលថ្មលឿន Fast charging 40W ដែលបញ្ចូលថាមពល 30 នាទីបាន 70% ផងដែរ។ ស្មាតហ្វូននេះមាន 3 ពណ៌គឺ Midnight Black, Crush Green, Sakura Pink ៕