no-alternative title

POCO M3 បង្ហាញខ្លួនផ្លូវការណ៍ដោយភ្ជាប់នូវថ្មទំហំ 6,000mAh, ប្រើឈីប Snapdragon 662 និងមានអេក្រង់ Water-drop Notch ទំហំ 6.53 អ៊ីង

នេះគឺជា POCO M3 ស្មាតហ្វូនជំនាន់ថ្មីរបស់ក្រុមហ៊ុន Xiaomi ដែលទើបតែប្រកាសចេញមកថ្មីនៅក្តៅអ៊ុនៗ។ ស្មាតហ្វូនម៉ាក POCO ជំនាន់ថ្មីនេះចេញមកជំនួសដំណែង POCO M2 ដែលចេញកាលពីខែកញ្ញា, 2020 កន្លងទៅ។ ស្មាតហ្វូនជំនាន់ថ្មីនេះទទួលបានការរចនារូបរាងឡើងបែបថ្មីយ៉ាងស្រស់ស្អាត ប៉ុន្តែនៅរក្សាទំហំអេក្រង់ 6.53 អ៊ីញប្រភេទ IPS LCD Water-Drop ជាមួយកម្រិតបង្ហាញ Full-HD+ (1080x2340px)  ដូចជំនាន់ M2 ដដែល និងមានស្រោបការពារពីលើដោយកញ្ចក់ Corning Gorilla Glass 3។ POCO M3 មានស៊ុមព័ទ្ធជុំវិញ និងផ្ទៃខ្នងខាងក្រោយជាជ័រផ្លាស្ទីគ។ 

 

no-alternative title

នៅលើផ្ទៃខ្នងខាងក្រោយរបស់វាមានរំលេចដោយផ្ទៃពណ៌ខ្មៅមួយផ្នែកនៅជិតគែមខាងលើទទឹងតួរស៊ីគ្នាជាមួយនឹងកញ្ចប់លែនកាមេរ៉ា និងមានអក្សរ POCO សរសេសផ្តេកនៅជិតគែមខាងស្តាំ។ ស្មាតហ្វូនជំនាន់ថ្មីនេះមានកម្រាស់ 9.6mm និងទំងន់សរុប 192 ក្រាម។ វាប្រសូត្រចេញមកមានជម្រើសបីពណ៌គឺពណ៌ខ្មៅ ខៀវ និងលឿង។ សម្រាប់កំលាំងម៉ាស៊ីនវិញ POCO M3 ដើរលើបន្ទះឈីប Qualcomm Snapdragon 662 ខ្នាត 11nm ភ្ជាប់ដោយរ៉េមទំហំ 4GB ជាមួយអង្គផ្ទុកទិន្នន័យស្រាប់ក្នុងម៉ាស៊ីនទំហំ 64GB/128GB ប្រតិបត្តិដោយ Android 10 ស្រោបដោយ MIUI12 និងប្រើផ្ទៃកម្មវិធី POCO Launcher។ ក្រុមហ៊ុន Xiaomi ក៏នឹងដាក់អោយវាអាចធ្វើបច្ចុប្បន្នភាពឡើងទៅ Android 11 ក្នុងពេលឆាប់ៗនេះផងដែរ។ 

ទៅលើប្រព័ន្ធកាមេរ៉ាថតរូប និងវីដេអូវិញ POCO M3 មានកាមេរ៉ាក្រោយបីគ្រាប់ប្រើប្រាស់សែនស័រគោលទំហំ 48MP មាន Aperture F/1.9 និង 2 គ្រាប់ទៀតទំហំ 2MP មាន Aperture F/2.4 ដូចគ្នាដោយមួយជាលែន Macro និងមួយទៀតជាលែន Depth Sensor។ ប្រព័ន្ធកាមរ៉ារបស់វាមានភ្ជាប់មកជាមួយអំពូល LED Flash មួយគ្រាប់សម្រាប់ជំនួយពន្លឺថតនៅទីតាំងងងឹត។ រីឯកាមេរ៉ាសែលហ្វីស្ថិតក្នុងឆកដំណក់ទឹកគឺមានទំហំ 8MP។ ចំនុចខ្លាំងរបស់ POCO M3 គឺត្រង់ថ្មខ្នាតយក្សទំហំដល់ 6,000mAh របស់វាតែម្តង។ 

បើតាមការអះអាងពីក្រុមហ៊ុនថ្មរបស់វាសាកពេញម្តងអាចបើកទុកចោលមិនប្រើការអីសោះបានរយះពេល 5 ថ្ងៃ, ប្រើប្រាស់ធម្មតាៗបានជិត 3 ថ្ងៃ និងប្រើជាប្រចាំជាប់បានជិតមួយថ្ងៃ។ បន្ថែមពីនេះវាក៏ទ្រទ្រង់ការសាកភ្លើងចូលវិញល្បឿនលឿនកំលាំង 18W និងអាចសាកថ្មទៅអោយទូរស័ព្ទផ្សេងបានតាមរយះខ្សែចម្លងដោយប្រើមុខងារ OTG។  ចំនុចសំខាន់ផ្សេងទៀតរបស់ POCO M3 គឺមានទ្រនាប់ស្កែនក្រយ៉ៅម្រាមដៃស្ថិតនៅលើប៊ូតុង Power, មានមុខងារ IR Blaster សម្រាប់ភ្ជាប់បញ្ជាគ្រឿងបរិក្ខាអេឡិចត្រូនិក និងមានប្រព័ន្ធ Speaker បំពងសំឡេងបែបស្តេរ៉េអូទៀតផង។ 

POCO M3 នឹងចេញដាក់លក់នៅទីផ្សារអាមេរិកក្នុងថ្ងៃ Black Friday ត្រូវនឹងថ្ងៃទី 27 ខែវិចិ្ឆកានេះ ជាមួយតម្លៃពិសេសគឺត្រឹមតែ $129 សម្រាប់ម៉ូដែល 64GB និង $149 សម្រាប់ម៉ូដែល 128GB ប៉ុន្តែបន្ទាប់ពីថ្ងៃBlack Friday ក្រុមហ៊ុននឹងចេញលក់តម្លៃធម្មតាវិញគឺ $149 សម្រាប់ម៉ូដែល 64GB និង $169 សម្រាប់ម៉ូដែល 128GB។ Xiaomi ក៏នឹងនាំយកស្មាតហ្វូនជំនាន់ថ្មីនេះទៅប្រកាសចេញលក់នៅទីផ្សារអឺរ៉ុបផងដែរនាថ្ងៃទី 30 ចុងខែវិច្ឆិកានេះដែលមាន តម្លៃខ្ទង់ €149 និង €169 ទៅតាមទំហំផ្ទុករបស់វា៕

 

no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍
realme បញ្ចប់ឆ្នាំ 2020 ជាមួយនឹងពានរង្វាន់ជាច្រើននៅក្នុងឧស្សាហកម្មស្មាតហ្វូន ដែលបង្ហាញពីគុណតម្លៃនៃការដឹកនាំប្រកបដោយប្រសិទ្ធភាព

realme បញ្ចប់ឆ្នាំ 2020 ជាមួយនឹងពានរង្វាន់ជាច្រើននៅក្នុងឧស្សាហកម្មស្មាតហ្វូន ដែលបង្ហាញពីគុណតម្លៃនៃការដឹកនាំប្រកបដោយប្រសិទ្ធភាព

ដោយ ប៉េងលីន
Panasonic LUMIX S5 Hybrid Full-Frame Mirrorless ជំនាន់ថ្មី បង្ហាញវត្តមានជាផ្លូវការនៅលើទីផ្សារកម្ពុជាហើយ

Panasonic LUMIX S5 Hybrid Full-Frame Mirrorless ជំនាន់ថ្មី បង្ហាញវត្តមានជាផ្លូវការនៅលើទីផ្សារកម្ពុជាហើយ

ដោយ ប៉េងលីន
IQOO 7 បង្ហាញវត្តមានជាផ្លូវការណ៍ហើយ ដោយភ្ជាប់នូវបច្ចេកវិទ្យាសាកថ្ម 120W Ultra-Fast Charge សាកពេញម្តង ប្រើពេលតែ 15 នាទីប៉ុណ្ណោះ

IQOO 7 បង្ហាញវត្តមានជាផ្លូវការណ៍ហើយ ដោយភ្ជាប់នូវបច្ចេកវិទ្យាសាកថ្ម 120W Ultra-Fast Charge សាកពេញម្តង ប្រើពេលតែ 15 នាទីប៉ុណ្ណោះ

ដោយ ប៉េងលីន
អ្នកទម្លាយម្នាក់បានបញ្ចេញព័ត៌មានថា Huawei P50 Series គឺនឹងមានចំនួន 3 ម៉ូដែល ហើយនិងមានអេក្រង់ 3 ប្រភេទផ្សេងៗគ្នាទៀតផង

អ្នកទម្លាយម្នាក់បានបញ្ចេញព័ត៌មានថា Huawei P50 Series គឺនឹងមានចំនួន 3 ម៉ូដែល ហើយនិងមានអេក្រង់ 3 ប្រភេទផ្សេងៗគ្នាទៀតផង

ដោយ ប៉េងលីន
Huawei P50 អាចនឹងមាន 2 ជម្រើសផ្សេងគ្នា ដោយមួយដំណើរការលើ Android និងមួយទៀតដំណើរការលើ HARMONY OS

Huawei P50 អាចនឹងមាន 2 ជម្រើសផ្សេងគ្នា ដោយមួយដំណើរការលើ Android និងមួយទៀតដំណើរការលើ HARMONY OS

ដោយ ប៉េងលីន
Republic of Gamers (ROG) បង្ហាញនូវបទពិសោធន៍ថ្មីនៃការទំនាក់ទំនងកាន់តែអស្ចារ្យសម្រាប់ព្រឹត្តិការណ៍ពិរពណ៌ CES 2021

Republic of Gamers (ROG) បង្ហាញនូវបទពិសោធន៍ថ្មីនៃការទំនាក់ទំនងកាន់តែអស្ចារ្យសម្រាប់ព្រឹត្តិការណ៍ពិរពណ៌ CES 2021

ដោយ ប៉េងលីន