បន្ទាប់ពីទទួលបានជោគជ័យនៅក្នុងនាមម៉ាកយីហោស្មាតហ្វូន ដែលមានគុណភាពល្អ និង តម្លៃសមរម្យ ដោយមានការពេញនិយមបំផុតនៅប្រទេសកម្ពុជា អស់រយៈពេលជាងពីឆ្នាំមកនេះ នៅថ្ងៃនេះ ក្រុមហ៊ុនទូរស័ព្ទដៃ TECNO MOBILE LIMITED (តិចណូ ម៉ូបាល លីមីតធីត) បានចេញនូវសេចក្តីប្រកាសព័ត៌មានថ្មីមួយ ស្តីពីការចាប់ដៃគូជាមួយនឹងក្រុមហ៊ុនថ្មី ដែលជាតំណាងចែកចាយបន្តស្មាតហ្វូនថ្មីៗរបស់ខ្លួននៅលើទីផ្សារប្រទេសកម្ពុជា។
.jpg)
ក្រុមហ៊ុនធំៗទាំងពីរនោះ មានដូចជា ក្រុមហ៊ុន ZNN TECH (Cambodia) CO.,LTD និង ក្រុមហ៊ុន PH ELECTRONIC CO.,LTD (CAMFONE) ដែលក្រុមហ៊ុនដៃគូរទាំងពីរនេះ គឺសុទ្ធសឹងតែជាក្រុមហ៊ុន ដែលមានបទពិសោធន៍ខ្ពស់ ជាច្រើនឆ្នាំមកហើយ នៅលើការចែកចាយស្មាតហ្វូនសម្រាប់ទីផ្សារមួយនេះ ជាពិសេស គឺការទទួលខុសត្រូវខ្លាំងទៅលើផលិតផលដែលខ្លួនបានធ្វើការចែកចាយ។
តាមរយៈនៃកិច្ចសហការគ្នារវាងដៃគូរទាំងបីនេះ គឺក្រុមហ៊ុនទូរស័ព្ទដៃ TECNO MOBILE LIMITED (តិចណូ ម៉ូបាល លីមីតធីត) និងផ្តល់សិទ្ធិអោយក្រុមហ៊ុន ZNN TECH (Cambodia) CO.,LTD និង ក្រុមហ៊ុន PH ELECTRONIC CO.,LTD (CAMFONE) ធ្វើការចែកចាយស្មាតហ្វូន រួមទាំងមានការផ្តត់ផ្គង់គ្រឿងបន្លាស់គ្រប់ប្រភេទ និងមជ្ឈមណ្ឌលបំរើសេវាកម្ម ដល់អាជីវករ និង អ្នកប្រើប្រាស់ ពីរោងចក្រផ្ទាល់តែម្តង។ ដូច្នេះចាប់ពេលនេះតទៅ អតិថិជនរបស់ទូរស័ព្ទដៃ TECNO MOBILE និងលែងមានការបារម្ភពីការងារជួសជុល ក៏ដូចជាការផ្លាស់ប្តូរ គ្រឿងបន្លាស់ដូចមុនៗទៀតឡើយ។
តាមការបញ្ជាក់របស់ក្រុមហ៊ុនទូរស័ព្ទដៃ TECNO MOBILE LIMITED (តិចណូ ម៉ូបាល លីមីតធីត) បានអោយដឹងថា ភាពជាដៃគូយុទ្ធសាស្ត្រជាមួយនិងក្រុមហ៊ុនធំៗទាំងពីរនេះ គឺនឹងចាប់ផ្តើមចាប់ពីថ្ងៃនេះតទៅ ហើយភាពជាដៃគូនេះ គឺមានគោលបំណង ដើម្បីបង្កើនអ្នកគាំទ្រស្មាតហ្វូនរបស់ក្រុមហ៊ុន TECNO អោយបានកាន់តែច្រើនជាងមុននៅក្នុងទីផ្សារ ក៏ដូចជាដើម្បីធានាបាននូវការពង្រីកទីផ្សារអោយកាន់តែទូលំទូលាយខ្លាំងថែមទៀត ជាពិសេសគឺ ដើម្បីផ្តល់អោយអ្នកប្រើប្រាស់ទទួលបាននូវបទពិសោធន៍ថ្មីៗ តាមរយៈនៃអ្នកចែកចាយ របស់ TECNO ដែលបទពិសោធន៍នេះ បានកាន់តែមានវិសាលភាពខ្លាំងជាងមុន។ អ្វីដែលពិសេសនោះ គឺការបង្ហាញពីការយកចិត្តទុកដាក់ចំពោះម្ចាស់ហាងទូរស័ព្ទទាំងអស់នៅទូទាំងប្រទេស អោយកាន់តែមានភាពកក់ក្តៅនៅក្នុងការលក់ស្មាតហ្វូនរបស់ TECNO។
ជាពិសេសងាយស្រួលដល់អ្នកប្រើប្រាស់ក្នុងការរកជាវទូរស័ព្ទដៃរបស់ក្រុមហ៊ុ TECNO គ្រប់ប្រភេទនៅតាមបណ្តាហាង ដែលនៅជិតគាត់បំផុតទូទាំង 25 ខេត្តក្រុងរាជធានី។ សូមអរគុណ។
