ក្រុមហ៊ុន ASUS បង្ហាញនូវកុំព្យូទ័រស៊េរីថ្មី Strix G17 មានអនុភាពខ្លាំង និងជាជម្រើសដ៏អស្ចារ្យសម្រាប់ការលេងហ្គេម

ក្រុមហ៊ុន ASUS Republic of Gamers (ROG) ទើបតែបង្ហាញនូវកុំព្យូទ័រស៊េរីថ្មី Strix Gសម្រាប់ឆ្នាំ 2022 នេះដែលមានបំពាក់នូវបច្ចេកវិទ្យាថ្មីៗជាច្រើនទៅលើផ្នែក hardware របស់វា។ កុំព្យូទ័រលេងហ្គេមជំនាន់ថ្មីទាំង 2 ម៉ូឌែលនេះ បំពាក់នូវបន្ទះឈីប Intel®, AMD និងក្រាហ្វិកកាត NVIDIA® ជាមួយនឹងម៉េមូរី DDR5 memory ផងដែរ។ បន្ថែមពីនេះទៀតនោះ វាក៏មានកម្រិត refresh rate ខ្ពស់ និងកម្លាំងម៉ាស៊ីនខ្លាំងក្លាក្នុងការប្រើប្រាស់ថែមទៀតដែលអាចជួយអ្នកអោយសម្រេចបាននូវភាពជោគជ័យបាន។

កម្លាំងម៉ាស៊ីនដ៏ខ្លាំងក្លាសម្រាប់កីឡាអេឡិចត្រូនិច esports

កុំព្យូទ័រ Strix  G17 នេះប្រើប្រាស់នូវបន្ទះឈីប AMD Ryzen™ 9 6900HX processor និងក្រាហ្វិកកាត NVIDIA GeForce RTX 3060 Laptop GPU ដែលមានកម្លាំង 150 W ជាមួយនឹង Dynamic Boost ដ៏ខ្លាំងក្លា។ កុំព្យូទ័រត្រកូល Strix នេះបានត្រៀមខ្លួនរួចជាស្រេចនៅក្នុងការប្រើប្រាស់ជាមួយនឹងហ្គេមដ៏អសា្ចរ្យជាច្រើនក្នុងពេលបច្ចុប្បន្ននេះ។

ទោះលេងយូរយ៉ាងណា ម៉ាស៊ីននៅតែត្រជាក់

ជាមួយនឹងការបំពាក់នូវសមាសភាគដ៏ខ្លាំងក្លា និងប្រព័ន្ធត្រជាក់នោះ កុំព្យូទ័រ ROG នេះបានពង្រឹងទៅលើភាពត្រជាក់របស់វាជាមួយនឹងបច្ចេកវិទ្យា Intelligent Cooling™ suite ។ កុំព្យូទ័រ Strix SCAR នេះប្រើប្រាស់នូវ liquid metal នៅលើ CPU ដើម្បីពង្រឹងទៅលើការផ្ទេរកំដៅ ហើយសម្រាប់ Strix SCAR នេះក៏ប្រើប្រាស់នូវដំណោះស្រាយ Conductonaut Extreme ចុងក្រោយបំផុត និងអស្ចារ្យបំផុតរបស់ Thermal Grizzly ផងដែរ។ វាអាចបន្ថយកំដៅបានដល់ទៅ 15° C និងកាត់បន្ថយទៅលើសំឡេងរំខានថែមទៀត។

សម្រាប់ 84-blade Arc Flow Fans™ ដែលបំពាក់នៅលើម៉ាស៊ីន 2022 Strix ទាំងអស់នេះគឺអាចពង្រឹងទៅលើលំហូរខ្យល់បានយ៉ាងល្អ និងកាត់បន្ថយសំឡេងរំខានបានថែមទៀត។ វាមានបច្ចេកវិទ្យា 0 dB Ambient Cooling ដែលធ្វើអោយម៉ាស៊ីនស្ងាត់បំផុតក្នុងការប្រើប្រាស់។

ការនាំលោកអ្នកទៅកាន់ការលេងហ្គេមដ៏អស្ចារ្យ

កុំព្យូទ័រ Strix series នេះមានកម្លាំងម៉ាស៊ីនខ្លាំងក្លាក្នុងការប្រើប្រាស់ និងបំពាក់នូវអេក្រង់ដែលមានកម្រិត refresh rate ខ្ពស់ និងកម្រិតភាពច្បាស់ដល់ទៅ 1080p ។ កុំព្យូទ័រ Strix SCAR 17 នេះមាន 360 Hz refresh rate ដែលមានល្បឿនលឿនខ្លាំងមែនទែន ហើយវាក៏មានកម្រិត 3 ms response time ផងដែរ។ សម្រាប់គុណភាពសំឡេងវិញគឺប្រើប្រាស់នូវ Dolby Vision® HDR និង Adaptive-Sync ដែលពិតជាពិរោះបំផុត។

បន្ថែមពីនេះទៀតនោះ គ្រប់កុំព្យូទ័រ l 2022 ROG Strix ទាំងអស់គឺបំពាក់នូវ Dolby Atmosរួមជាមួយនឹងការទ្រទ្រង់ទៅលើ Hi-Res audio ។ សម្រាប់ការតភ្ជាប់វិញ វាមានដូចជា USB Type-C® និង Thunderbolt™ 4 ដែលមានល្បឿនលឿនក្នុងការបញ្ចូនទិន្នន័យថែមទៀត។ 

កាលបរិច្ឆេទក្នុងការដាក់លក់ និងតម្លៃ

ពេលនេះ ROG  Strix G17 ដាក់លក់ហើយនៅក្នុងប្រទេសកម្ពុជា នៅគ្រប់ហាងចែកចាយទាំងអស់របស់ក្រុមហ៊ុន ASUS និង ROG ជាមួយនឹងតម្លៃចាប់ផ្តើមពី $1649 ។ សម្រាប់ព័ត៌មានបន្ថែម សូមទំនាក់ទំនងទៅកាន់អ្នកតំណាងរបស់ក្រុមហ៊ុន ASUS ៕