កាលពី 2 ឆ្នាំមុននេះ ក្រុមហ៊ុន Samsung បានប្រកាសចេញថេបេ្លត Galaxy Tab S6 Lite ហើយនៅពេលនេះ មានដំណឹងថា ក្រុមហ៊ុននេះបាននឹងកំពុងតែធ្វើការនៅលើថេប្លេតម៉ូដែលថ្មីមួយទៀតហើយ។ ថ្មីៗនេះមានរបាយ ការណ៌ថា ថេបេ្លតជំនាន់ថ្មីនៃ Galaxy Tab S6 Lite បានបង្ហាញខ្លួននៅលើវិបសាយមួយកាលពីដើមសប្តាហ៌នេះ ផងដែរ។
នៅថ្ងៃនេះ មានការបង្ហាញខ្លួនថេប្លេតដូចគ្នានេះនៅលើស្ថាប័ន FCC database ហើយដោយមានចំនួនពីរម៉ូដែល ខុសគ្នា។ ថេប្លេតនេះ បានឆ្លងកាត់ការចុះបញ្ជី Bluetooth SIG និងមានមួយឆ្លងកាត់ FCC ផងដែរ។ ថេប្លេតថ្មីនេះ គឺមានលេខម៉ូដែល SM-P613 និងមានការបញ្ជាក់ថា ថេប្លេតនេះបំពាក់នូវមុខងារ Dual band Wi-Fi ទៀតផង។ ជាមួយគ្នានេះ ក៏មានការបញ្ជាក់នៅលើ FCC ថា ថេបេ្លតនេះ គឺមានការទ្រទ្រង់នូវ S Pen ហើយនិងមានការដាក់ ប្រើប្រាស់នូវបច្ចេកវិទ្យាសាកកម្លាំង 15W charging។
ទាក់ទងជាមួយនិងព័ត៌មាននេះ ក៏មានការបញ្ជាក់ថា ថេ្លប្លេត Samsung Galaxy Tab S6 Lite ក៏នឹងមានការ បំពាក់នូវបច្ចេកវិទ្យា 5G ផងដែរ។ ថេប្លតនេះ ត្រូវបានក្រុមហ៊ុនដាក់អោយប្រើប្រាស់នូវបន្ទះឈីប Snapdragon 720G និងប្រើប្រាស់ក្រាហ្វិក Adreno 618 GPU ហើយនិងមានការរំពឹងថា ថេប្លេតនេះ រត់នៅលើប្រព័ន្ធប្រតិបត្តិ ការ Android 12 ចេញពីប្រអប់តែម្តង។ ថេប្លេតនេះ មានរ៉េមទំហំ 4GB ហើយពេលនេះ គេក៏ឃើញថេប្លេតនេះ បង្ហាញខ្លួននៅលើវិបសាយក្រុមហ៊ុនប្រទេសបារាំងរួចហើយ ដូច្នេះមានការព្យាករណ៌ថា ថេប្លេតនេះ នឹងបង្ហាញខ្លួនឆាប់ៗនេះ។