ASUS ទទួលបាននូវការកោតសរសើរថា គឺជាក្រុមហ៊ុនល្អបំផុតរបស់ពិភពលោកនៅបញ្ជី Fortune 2024

នៅថ្ងៃនេះ ក្រុមហ៊ុន ASUS បានប្រកាសថា ខ្លូនបានក្លាយជាក្រុមហ៊ុនដ៏ធំមួយ ដែលទទួលបាននូវការកោតសរសើរថា គឺជាក្រុមហ៊ុនល្អបំផុតរបស់ពិភពលោកនៅលើបញ្ជី Fortune 2024។ គិតមកដល់ពេលនេះ គឺមានរយៈពេល 9 ឆ្នាំហើយដែលក្រុមហ៊ុននេះទទួលបាននូវសមិទ្ធិផលដ៏ត្រចះត្រចង់នេះ។ ដើម្បីទទួលបាននូវការកោតសរសើរនេះ ក្រុមហ៊ុន ASUS គឺត្រូវបាមគេធ្វើការវិនិច្ឆ័យ ដោយតម្រូវអោយមានការស្ទង់មតិមួយ ដែលពាក់ព័ន្ធទៅនឹងភាពច្នៃប្រឌិត ទំនួសខុសត្រូវសង្គម គុណភាពផលិតផល និងសេវាកម្ម និងប្រភេទក្រុម (categories) ផងដែរ។

 

រូបភាពពាណិជ្ជកម្ម
no-alternative title

លោក Jonney Shih ដែលជាអគ្គនាយករបស់ក្រុមហ៊ុន ASUS បានមានប្រសាសន៌ថា “យើងមានកត្តិយសខ្ពស់ណាស់ដែលបានទទួលស្គាល់ដោយក្រុមហ៊ុន Fortune ក្នុងនាមជាក្រុមហ៊ុនមួយដែលទទួលបាននូវការកោតសរសើរបំផុតរបស់ពិភពលោក (World’s Most Admired Companies) ជាថ្មីម្តងទៀត។ សម្រាប់កេរ៍្តដែលទទួលបាននេះ គឺបង្ហាញយ៉ាងច្បាស់ និងសក្ខីភាពទាក់ទងនឹងការឌីស្សាញ និងការច្នៃប្រឌិត រួមជាមួយនិងការប្តេជ្ញាចិត្តរបស់ក្រុមហ៊ុន នៅក្នុងការនាំមកនូវបច្ចេកវិទ្យាឌីជីថលថ្មីៗ និងសំបូរបែបសម្រាប់អ្នកប្រើប្រាស់របស់យើង អោយទទួលបាននូវបទពិសោធន៌ថ្មីពីការប្រើប្រាស់ផលផិតផល។ ក្រុមហ៊ុន ASUS បានបន្តធ្វើការច្នៃប្រឌិតជាប់ជានិច្ចរហូតក្លាយជាអ្នកនាំមុនគេនៅលើទីផ្សារសកល ទៅលើបច្ចេកវិទ្យាថ្មី ដែលរួមានដូចជា motherboards, computers, monitors, graphics cards ហើយនិង routers ជាដើម។

 

ជាមួយនិងការចាប់ដៃគូរយុទ្ធសាស្រ្តល្អ បានធ្វើអោយក្រុមហ៊ុន ASUS បន្តនូវភាពខ្លាំងនៅក្នុងការផលិតនូវផលផតសម្រាប់ gaming, commercial និងទីផ្សារឧស្សាហកម្មធំៗ ដោយបូករួមទាំងការបង្កើតនូវបញ្ញាសប្បនិមិត្ត artificial intelligence ថែមទៀតផង។ នៅពេលនេះ ក្រុមហ៊ុន ASUS ក៏បានអភិវឌ្ឍកម្មវិធី AI របស់ខ្លួនយ៉ាងឆាប់រហ័ស ដោយរួមបញ្ចូលសេវាកម្មជCloud , ថាមពលកុំព្យូទ័រប្រកបដោយប្រសិទ្ធភាព និងការទុកដាក់សម្រាប់ទិន្នន័យធំ ក៏ដូចជាការពង្រីកទៅក្នុងវិស័យចម្រុះដូចជា ការថែទាំសុខភាពឆ្លាតវៃ ការដឹកជញ្ជូនឆ្លាតវៃ ការផលិតឆ្លាតវៃ រួមនិងការអប់រំឆ្លាតវៃផងដែរ។ ក្នុងនោះក៏មានការផ្តល់នូវសេវាកម្ម Cloud ឆ្លាតវៃ និងការលក់រាយដ៏ឆ្លាតវៃទៀតផង។។ អ្វីដែលរឹតតែពិសេសនោះ គឺ ASUS កំពុងបង្កើតខ្លួនយ៉ាងរឹងមាំជាសហគ្រាស AI ដ៏ទូលំទូលាយ។

 

សូមជំរាបថា បញ្ជីក្រុមហ៊ុនដែលទទួលបានការកោតសរសើរបំផុតរបស់ពិភពលោកនេះ ត្រូវបានបង្កើតឡើងដោយទស្សនាវដ្តី Fortune ដែលជាទស្សនាវដ្តីធុរកិច្ចរបស់សហរដ្ឋអាមេរិក និងមានការចាប់ដៃជាមួយក្រុមហ៊ុន Korn Ferry ដែលជាក្រុមហ៊ុនប្រឹក្សាអង្គការដ៏ធំបំផុតរបស់ពិភពលោក។ នៅក្នុងបញ្ជីនេះ មានបេក្ខភាពចំនួន 1500 ត្រូវបានជ្រើសរើស ហើយបេក្ខជនចុងក្រោយត្រូវបានជ្រើសរើសតាមប្រភេទឧស្សាហកម្ម។

 

បន្ទាប់មកនាយកប្រតិបត្តិជាន់ខ្ពស់ នាយក និងអ្នកវិភាគមូលបត្រត្រូវបានស្នើសុំឱ្យវាយតម្លៃសហគ្រាសដោយផ្អែកលើលក្ខណៈវិនិច្ឆ័យចំនួនប្រាំបួន រួមទាំងតម្លៃនៃការវិនិយោគ គុណភាពនៃការគ្រប់គ្រង និងផលិតផល ទំនួលខុសត្រូវសង្គម និងសមត្ថភាពក្នុងការទាក់ទាញទេពកោសល្យ។ ក្រុមហ៊ុនត្រូវតែដាក់ពិន្ទុអោយបានខ្ពស់លើ 50% នៃឧស្សាហកម្មរបស់ពួកគេ ទើបអាចបញ្ចូលក្នុងបញ្ជីនេះបាន។

 

សម្រាប់ចំណាត់ថ្នាក់របស់ក្រុមហ៊ុន ASUS អាចមើលបានតាមរយៈវេបសាយ: https://fortune.com/ranking/worlds-most-admired-companies/ 

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍