នៅថ្ងៃនេះ ក្រុមហ៊ុន Canon បានបង្ហាញនូវកែវឡែន RF85mm f/1.2L USM DS ម៉ូឌែលថ្មីរបស់ខ្លួននៅក្នុងត្រកូល L-series portraits។ នៅក្នុងនាមជាអ្នកស្នងមរតកចេញពី RF85mm f/1.2L USM នោះ RF85mm f/1.2L USM DS ត្រូវបានក្រុមហ៊ុនភ្ជាប់ជាមួយនឹងមុខងារ Defocus Smoothing (DS) និង bokeh ដ៏អស្ចារ្យថែមទៀតក្នុងការប្រើប្រាស់។
លោក Udagawa Eiichi ដែលជាអនុប្រធានរបស់ក្រុមហ៊ុន Canon នៅក្នុងប្រទេសសិង្ហបុរី បាននិយាយថា “ក្រុមហ៊ុន Canon គឺជាអ្នកត្រួសត្រាយនៃកែវ aperture lenses កាន់តែធំសម្រាប់អ្នកប្រើប្រាស់អាជីព និងកែវ 85mm f1.2 lens series ដ៏អស្ចារ្យថែមទៀត។ ជាមួយនឹង RF85mm f/1.2L USM DS ដែលមានការបន្ថែមចូលទៅក្នុងស៊េរីម៉ូឌែលនេះ សម្រាប់ Lens នេះមានការបន្ថែមនូវ ‘bokeh expression’ ជាច្រើនដែលជាការបញ្ចូលគ្នានៃបច្ចេកវិទ្យាជាច្រើនចុងក្រោយបំផុត និងល្អបំផុតសម្រាប់អ្នកប្រើប្រាស់អាជីពថែមទៀតផង។”
RF85mm f/1.2L USM lens នេះ គឺមានភ្ជាប់ជាមួយនឹង aperture f/1.2 និង gradient bokeh effectដែលបន្ថែមនូវ Touch ពិសេសៗជាច្រើននៅក្នុងការថតដែលមានទម្រង់ជាអាពាហ៍ពិពាហ៍ ការថតរូបភាព Portraits ឬស្ទាយ៍នៃជីវិតរស់នៅថែមទៀត RF85mm f/1.2L USM DS មានការបន្ថែមនូវលក្ខណៈពិសេសដូចជា Blue Spectrum Refractive Optics (BR) optical element, 1 UD និង 1 ground aspherical lens ថែមទៀត។ វាអាចធ្វើការ Render បាននៅក្នុងសមត្ថភាពខ្ពស់ថែមទៀត។ សម្រាប់ Lens នេះក៏មានការភ្ជាប់ជាមួយនឹង Air Sphere Coating (ASC) ដែលអាចធ្វើការកាត់បន្ថយទៅលើចំណាំងផ្លាត និងធ្វើអោយរូបភាពនេះបានកាន់តែច្បាស់ថែមទៀត។ RF85mm f/1.2L USM DS អាចធ្វើការថតរូបភាពបានស្រស់ស្អាត និងផ្ទៃខាងក្រោយព្រាលបានកម្រិតយ៉ាងទាក់ទាញខ្លាំងមែនទែន។
RF85mm f/1.2L USM DS ក៏មានការបន្ថែមនូវមុខងារជាច្រើនទៀតដែលក្នុងនោះមានដូចជា “control ring” ដែលត្រូវគេមើលឃើញនៅលើ RF lens series ដែលអនុញ្ញាតអោយអ្នកប្រើប្រាស់ជាច្រើនអាចធ្វើការកែប្រែទៅលើ settingsដែលរួមមាន aperture value, shutter speed, ISO sensitivity និង exposure compensation ។ ក្នុងនាមជា L-lens សម្រាប់អ្នកអាជីពនោះ RF85mm f/1.2L USM DS នឹងក្លាយជាជម្រើសដ៏ល្អបំផុតសម្រាប់អ្នកថតរូបភាពដែលចូលចិត្តចាប់ប្លង់នៅខាងក្រៅ៕