កាលពីថ្ងៃទី 27 ខែមេសា ឆ្នាំ 2019 ក្រុមហ៊ុន Panasonic បានធ្វើការបើកសម្ពោធជាផ្លូវការហើយនូវផលិតផលម៉ាស៊ីនត្រជាក់ម៉ូដែល AERO ស៊េរី XU ដ៏ទំនើបចុងក្រោយបំផុតរបស់ខ្លួនលើទីផ្សារប្រទេសកម្ពុជា នៅឯនៅមជ្ឈមណ្ឌលសន្និបាត និងពិព័រណ៍ ដឹ ព្រេមៀ សេនធ័រ សែនសុខ។ សម្រាប់ស៊េរី XU គឺជាម៉ាស៊ីនត្រជាក់ទំនើបបំផុតក្នុងត្រកូល Aero Series ដែលមានបំពាក់ជាមួយនឹងប្រព័ន្ធ Wi-Fi និងការរួមបញ្ចូលគ្នានូវសមត្ថភាពដោះស្រាយរាល់បញ្ហាខ្យល់ឲ្យបរិសុទ្ធស្រស់ថ្លា ព្រមទាំងបច្ចេកវិទ្យា Nanoe ™ និងការច្នៃប្រឌិតថ្មីដែលមិនប៉ះពាល់ដល់បរិស្ថាន។ ម៉ូដែលនេះត្រូវបានបំពាក់ជាមួយគ្រប់ដំណោះស្រាយដែលជួយធ្វើឲ្យខ្យល់បរិសុទ្ធស្រស់ថ្លា មិនថាគុណភាពខ្យល់ក្នុងផ្ទះ និងតាមបន្ទប់ផ្សេងៗទៀតនោះទេ។
នៅក្នុងថ្ងៃសម្ពោធនោះដែរ លោក Daniel Tan នាយកផ្នែកលក់ និងទីផ្សារប្រចាំមហាតំបន់មេគង្គនៃក្រុមហ៊ុន Panasonic បានសម្ដែងនូវការព្រួយបារម្ភរបស់គាត់ ចំពោះសុខុមាលភាពរបស់ប្រជាជននៅក្នុងប្រទេសកម្ពុជា ជាពិសេសកុមារតូចៗ ថា៖”ការបំពុលខ្យល់ គឺជាការគំរាមកំហែងចម្បងទៅដល់សុខភាព និងសុខុមាលភាព។ ខ្យល់ពុល ធ្វើឲ្យការដកដង្ហើមរបស់យើងមានហានិភ័យខ្ពស់ ដែលវាបណ្ដាលឲ្យកើតជំងឺហឺត និងជំងឺផ្លូវដង្ហើមផ្សេងៗទៀត។ ជាពិសេសកូនៗ របស់យើង គឺងាយទទួលរងគ្រោះខ្លាំងជាងគេ ចំពោះការបំពុលបែបនេះ។ មួយវិញទៀត វាក៏អាចចូលទៅបំផ្លាញប្រព័ន្ធភាពស៊ាំរបស់យើងក្នុងរយៈពេលវែងផងដែរ។”
ការបន្សុទ្ធខ្យល់បរិសុទ្ធស្រស់ថ្លា
ម៉ាស៊ីនត្រជាក់ Panasonic ម៉ូដែល X-Premium Inverter XU ត្រូវបានបំពាក់មកជាមួយនឹងមុខងារជួយបន្សុទ្ធខ្យល់ឲ្យបរិសុទ្ធស្រស់ថ្លា ដែលប្រើប្រាស់បច្ចេកវិទ្យាផ្ដាច់មុខតែមួយគត់ពី Panasonic គឺបច្ចេកវិទ្យា Nanoe ™ ព្រមនឹងឧបករណ៍បន្សុទ្ធខ្យល់ពីរផ្សេងទៀត ដូចជា Nanoe-G និង Nanoe ™X។ បច្ចេកវិទ្យា Nanoe ™ ធ្វើការបន្សុទ្ធដោយប្រើភាគល្អិតនៃអាតូមទឹក ដែលសម្បូរទៅដោយរ៉ាឌីកាល់ OH។
Nanoe-G គឺជាប្រព័ន្ធបោសសម្អាត និងបន្សុទ្ធខ្យល់ដំបូងគេរបស់ Panasonic ដែលធ្វើការចាប់យកភាគល្អិត ធូលីដីតូចជាងទំហំ PM2.5 ដើម្បីធានាថាខ្យល់ដែលអ្នកដកដង្ហើមមានសុវត្ថិភាពពីភាគល្អិតដែលអាចបង្កឲ្យមានជំងឺ។ ការធ្វើការរួមគ្នារវាងឧបករណ៍ Nanoe ™ X ជួយជំរុញឲ្យការបញ្ចេញរ៉ាឌីកាល់ OH បានច្រើនជាង 10x ដង មានប្រសិទ្ធិភាពខ្ពស់ក្នុងចាប់យកពពួកបាក់តេរី មេរោគ និងសារធាតុបង្កអាល្លែហ្ស៊ី ក៏ដូចជាក្លិនមិនល្អផ្សេងៗ ដូច្នេះអ្នកអាចបង្កើតបរិយាកាសក្នុងបន្ទប់បានស្រស់ថ្លា និងស្អាតល្អ ជាពិសេសសម្រាប់កូនៗរបស់អ្នកតែម្ដង។
បើតាមលោក Toshiyuki Yamaguchi នាយកគ្រប់គ្រងផ្នែកលក់នៃក្រុមហ៊ុន Panasonic ប្រចាំតំបន់អាស៊ីប៉ាស៊ីហ្វិក បានឲ្យដឹងថា Nanoe X វាមិនត្រឹមគ្រាន់តែជាបច្ចេកវិទ្យាមួយប៉ុណ្ណោះទេ។ ប៉ុន្តែវាគឺជាការសម្រេចបាននូវទស្សនវិទ្យាគ្រប់គ្រងរបស់ Panasonic ក្នុងការរួមចំណែកដល់វឌ្ឍនភាពនៃសង្គម និងសុខុមាលភាពរបស់ប្រជាជន។
ម៉ាស៊ីនត្រជាក់ផ្ដល់នូវដំណោះស្រាយខ្យល់បរិសុទ្ធស្រស់ថ្លា
ម៉ាស៊ីនត្រជាក់ដែលមានបំពាក់នូវសន្ទះបក់ខ្យល់ និងម៉ូទ័រភ្លោះ អាចបាញ់ខ្យល់តម្រង់ចំទៅក្រោមធ្វើឲ្យបន្ទប់ឆាប់ត្រជាក់ និងទទួលបានភាពត្រជាក់ពេញដោយផាសុកភាព។ AEROWINGS ដែលមានសន្ទះបក់ខ្យល់ភ្លោះ មានថាមពលបាញ់តម្រង់ខ្យល់ទៅខាងក្រោមធ្វើឲ្យអ្នកត្រជាក់យ៉ាងរហ័សទោះបីទើបបើកដំណើរការម៉ាស៊ីនក្ដី។ នៅពេលដែលសន្ទះបក់ខ្យល់ភ្លោះមានភាពបត់បែនខ្ពស់ ជួយឲ្យម៉ាស៊ីនត្រជាក់ AEROWINGS អាចផ្ដល់នូវភាពត្រជាក់បានពីរផ្លូវ ដូច្នេះលោកអ្នករីករាយនឹងខ្យល់បរិសុទ្ធបែបធម្មជាតិស័ក្ដិសមនឹងចំណង់ចំណូលចិត្តរបស់អ្នក។
ឧបករណ៍ Compressor ត្រូវបានបង្កើតឡើង ដើម្បីផ្តល់នូវដំណើរការត្រជាក់ដ៏អស្ចារ្យទោះបីជាពេលចាប់ផ្ដើមដំណើរការដំបូងក្ដី ហើយវាក៏ជួយសន្សំសំចៃថាមពល ជាពិសេសធានាថាអ្នកមានផាសុកភាពគ្រប់ពេលវេលា។ បច្ចេកវិទ្យា Inverter របស់ក្រុមហ៊ុន Panasonic បានជួយរក្សាស្ថិរភាពកម្រិតសីតុណ្ហភាព ដើម្បីកាត់បន្ថយការប្រើប្រាស់ថាមពល ផ្ដល់ឲ្យអ្នកនូវភាពងាយស្រួល និងការត្រួតពិនិត្យសីតុណ្ហភាពច្បាស់លាស់ ព្រមទាំងការប្រើប្រាស់ថាមពលបានត្រឹមត្រូវ។
មួយវិញទៀត ម៉ាស៊ីនត្រជាក់នេះ ក៏បានប្រើនូវហ្គាស៍ដែលមិនបង្កគ្រោះថ្នាក់ដល់បរិស្ថានប្រភេទ R32 ។ R32 មានសមត្ថភាពបញ្ចេញភាពត្រជាក់កាន់តែខ្ពស់ ដោយជួយបង្កើនសមត្ថភាពផ្ទេរកម្ដៅ ដែលធ្វើឲ្យការចំណាយកាន់តែសន្សំសំចៃ។ ធ្វើឲ្យប្រសើរឡើងនូវខ្យល់បរិសុទ្ធស្រស់ថ្លា ដើម្បីធ្វើឲ្យប្រសើរឡើងនូវគុណភាពខ្យល់នៅកន្លែងរស់នៅ កម្រិតតុល្យភាពរបស់កំហាប់កាបូនឌីអុកស៊ីត (CO2) និងកម្រិតសំណើម ត្រូវបានរក្សាទុកក្នុងខ្យល់នៅកន្លែងរស់នៅរបស់អ្នក ដើម្បីមានភាពស្រស់ថ្លាគ្រប់ពេល ជាពិសេសនៅពេលដែលបន្ទប់មានមនុស្សច្រើន។
ម៉ាស៊ីនត្រជាក់ Panasonic ម៉ូដែល X-Premium Inverter XU ធានាថាបន្ទប់របស់អ្នកនៅតែរក្សាបានខ្យល់ស្រស់ថ្លា និងត្រជាក់ល្អ ដោយនាំខ្យល់អាកាសចូលពីខាងក្រៅ ហើយបណ្ដេញខ្យល់ក្ដៅ និងសារធាតុល្អិត (PM2.5) ចេញទៅវិញ។ ការតភ្ជាប់ ដើម្បីធ្វើឲ្យខ្យល់បរិសុទ្ធស្រស់ថ្លា ម៉ាស៊ីនត្រជាក់ម៉ូដែល X-Premium Inverter XU បានប្រើប្រាស់មុខងារបញ្ជាថ្មីពី Panasonic ឲ្យឈ្មោះថា WLAN Air Conditioner អនុញ្ញាតឲ្យអ្នកធ្វើការសម្អាតខ្យល់ក្នុងផ្ទះពីចម្ងាយ ដោយប្រើកម្មវិធី Cloud Cloud App ដូច្នេះអ្នកអាចធានាបានថា ខ្យល់អាកាសក្នុងផ្ទះរបស់អ្នកនៅតែបរិសុទ្ធស្រស់ថ្លា 24 ម៉ោង សូម្បីតែពេលអ្នកនៅឆ្ងាយក៏ដោយ។
ដើម្បីនាំមកយកនូវភាពងាយស្រួលបន្ថែមទៀតសម្រាប់ការរស់នៅ ការតភ្ជាប់ ដើម្បីធ្វើឲ្យខ្យល់បរិសុទ្ធស្រស់ថ្លា អាចឲ្យអ្នកត្រួតពិនិត្យ និងគ្រប់គ្រងម៉ាស៊ីនត្រជាក់ ហើយប្រើប្រាស់ថាមពលបានល្អបំផុត។ សរុបជារួម ដូចនៅប្រទេសកម្ពុជា នេះផ្ទាល់ ការរក្សាខ្យល់ក្នុងផ្ទះ ឬនៅកន្លែងដែលយើងចំណាយពេលច្រើនឲ្យនៅតែបរិសុទ្ធ មានសារៈសំខាន់ខ្លាំងណាស់សម្រាប់សុខភាពនៃការរស់នៅ។
ក្រុមហ៊ុន Panasonic បានប្ដេជ្ញាកែលម្អគុណភាពខ្យល់អាកាសនៅក្នុងផ្ទះ សម្រាប់មនុស្សគ្រប់គ្នាតាមរយៈគំនិតផ្ដួចផ្ដើមជាសកលឲ្យឈ្មោះថា ” Complete Air Solutions” (ការដោះស្រាយគ្រប់បញ្ហាខ្យល់ឲ្យបរិសុទ្ធស្រស់ថ្លា) តាមរយៈម៉ាស៊ីនត្រជាក់ម៉ូដែល XU ដោយជួយដោះស្រាយបញ្ហាខ្យល់ក្នុងផ្ទះ ដើម្បីឲ្យគ្រួសារអាចរីករាយនឹងខ្យល់បរិសុទ្ធស្រស់ថ្លាសម្រាប់ជីវិត។
លោកបណ្ឌិត Hiroyuki Iwaki នាយកគ្រប់គ្រងផ្នែកម៉ាស៊ីនត្រជាក់នៃក្រុមហ៊ុន Panasonic ប្រចាំប្រទេសម៉ាឡេស៊ី ជឿជាក់ថាម៉ាស៊ីនត្រជាក់របស់ក្រុមហ៊ុន Panasonic អាចជាផ្នែកមួយនៃជីវភាពរស់នៅរបស់ប្រជាជនកម្ពុជា ហើយសន្យាបន្តខិតខំប្រឹងប្រែង ដើម្បីជួយដល់គ្រួសារទាំងអស់ឲ្យទទួលបាននូវសុខភាព និងផាសុកភាពកាន់តែច្រើនជាងមុន៕