.jpg)
បច្ចុប្បន្ននេះ ជាមួយនឹងការកើនឡើងនៃអ្នកប្រើប្រាស់នូវប្រព័ន្ធផ្សព្វផ្សាយខ្លួនឯងកាន់តែច្រើនឡើងៗនោះ មនុស្សជាច្រើន បានចាប់ផ្តើមស្វែងរកនូវម៉ាស៊ីនកុំព្យូទ័រយួរដៃផ្ទាល់ខ្លួន ដែលមានសមត្ថភាពខ្លាំងក្លា និយាយរួមទៅ គឺអាចប្រើប្រាស់នូវការងារអាជីពសំខាន់ៗជាច្រើនទៅតាមតម្រូវការរបស់អ្នកប្រើប្រាស់។
ដើម្បីជាការឆ្លើយតបទៅនឹងតម្រូវការដែលកំពុងតែមានភាពពុះកញ្រ្ជោលនេះ ក្រុមហ៊ុន MSI ដែលអ្នកច្នៃប្រឌិត Notebook ដែលមានកម្រិតខ្ពស់នោះ បានបញ្ចញនូវកុំព្យូទ័រយួរដៃ MSI P65 និង P75 ដែលជាកុំព្យូទ័រយួរដៃត្រកូល Prestige Series ស៊េរីថ្មី និងដំបូងបំផុតរបស់ខ្លួន ដែលមានប្រើប្រាស់នូវបន្ទះឈីប Intel Core i9 ជំនាន់ទី 9 ដំបូងបំផុតនៅក្នុងពិភពលោក។ កុំព្យូទ័រយួរដៃស៊េរីថ្មីនេះ គឺក្រុមហ៊ុន ផលិតឡើងសម្រាប់ធ្វើការបង្កើតនូវមាតិកាដ៏អស្ចារ្យ ដូចជា អ្នកថតរូបភាព អ្នកបង្កើតនូវ 3D animators អ្នកឌីស្សាញជាដើម។
កុំព្យូទ័រយួរដៃស៊េរីថ្មី P65 Creator នេះ គឺមានភ្ជាប់ជាមួយនឹងក្រាហ្វិកកាតស៊េរីថ្មី NVIDIA GeForce RTX Graphics និងអេក្រង់កម្រិត 4K UHD display ដែលមានល្បឿនដំណើរការលឿនឈានទៅដល់កម្រិតខ្ពស់មួយដែលអ្នកនឹកស្មានមិនដល់នោះទេ។ ជាមួយនឹងការបំពាក់នូវបន្ទះឈីប Intel Core i9 ជំនាន់ទី 9 ចុងក្រោយបំផុត គឺមិនត្រឹមតែល្អឥតខ្ចោះសម្រាប់ការកែទៅលើវីដេអូ ឬរូបភាពកម្រិត 4K ប៉ុណ្ណោះទេ ប៉ុន្តែវាក៏ល្អឥតខ្ចោះសម្រាប់ការ Render ទៅលើ Motion Graphics និង 3D Animation ផងដែរ។”
កុំព្យូទ័រយួរដៃជំនាន់ថ្មីនេះ គឺមានការនាំយកនូវបន្ទះឈីបជំនាន់ក្រោយ ដែលមានភ្ជាប់ជាមួយនឹងអង្គគណនា up-to-date 8-core processor ដែលមានដំណើរការជាមួយនឹងភាពច្នៃប្រឌិតកាន់តែមានប្រសិទ្ធិភាពបំផុត។ ជាមួយនឹងអេក្រង់កម្រិត 4K UHD display នេះ កុំព្យូទ័រ P65 Creator នេះ ផ្តល់នូវពណ៌ច្បាស់លម្អិតស្រស់ស្អាតបំផុតក្នុងការប្រើប្រាស់។ ជាមួយនឹងកុំព្យូទ័រយូរដៃ P65 Creator និង P75 Creator ទាំងពីរនេះ គឺមានការរចនារូបរាងយ៉ាងច្នៃប្រឌិត យ៉ាងពិសេស រំលេចឡើងជាមួយនឹងពណ៌ប្រផេះយ៉ាងស្រស់ស្អាតទាក់ទាញខ្លាំងបំផុត។ កុំព្យូទ័រយួរដៃស៊េរីថ្មីនេះ គឺមានការរចនារូបរាងស្តើង និងភ្ជាប់ជាមួយនឹងថាមពលថ្មដែលអាចប្រើប្រាស់បានយូរច្រើនម៉ោង និងជាកុំព្យូទ័រដែលមានស៊ុមព័ទ្ធអេក្រង់ស្តើងបំផុតនៅលើពិភពលោក។
ជាមួយនិងការបញ្ចេញនូវកុំព្យូទ័រត្រកូល Prestige series នោះ ក្រុមហ៊ុន MSI បង្ហាញពីការប្តេជ្ញាចិត្តរបស់ខ្លួនក្នុងការផ្តល់នូវប្រភេទ Laptops ថ្នាក់ខ្ពស់សម្រាប់អ្នកបង្តើតនូវមាតិកាជាច្រើន។ ជាមួយនឹងការសហការដោយផ្ទាល់ជាមួយនឹងអ្នកបង្កើតមាតិកាជាច្រើននៅជុំវិញពិភពលោកនោះ កុំព្យូទ័រស៊េរី Prestige Series នេះ ពិតជាជម្រើសដ៏ល្អបំផុត។ កុំព្យូទ័រយួរដៃស៊េរីថ្មី នេះ គឺមានភាពច្នៃប្រឌិត ការបំពាក់នូវ Hardware និង Software ខ្លាំងក្លាគឺកម្មវិធី Creator Center ដែលអនុញ្ញាតអោយអ្នកប្រើប្រាស់គ្រប់គ្រងទៅលើប្រព័ន្ធ System Resources បាន។
បច្ចុប្បន្ននេះ MSI P65 និង P75 គឺមានលក់នៅលើទីផ្សារប្រទេសកម្ពុជាហើយ ជាមួនឹងតម្លៃពិសេស ទៅតាមជម្រើស និងសមត្ថភាព ដែលអតិថិជនចង់បាន៕
