MSI គឺជាក្រុមហ៊ុនបច្ចេកវិទ្យាឈានមុខគេរបស់ពិភពលោក នៅក្នុងផ្នែក Hardware និងដំណោះស្រាយនៃអាជីវកម្មប្រកបដោយភាពច្នៃប្រឌិតខ្ពស់បំផុតរបស់តៃវ៉ាន់ មានក្តីសោមនស្សរីករាយខ្លាំងណាស់ក្នុងការបង្ហាញនូវផលិតផលហ្គេមថ្មីរបស់ខ្លួន ដែលទទួលបាននូវពានរង្វាន់អ្នកច្នៃប្រឌិតឆ្នើម (Best of Innovation Honoree 2021) នៅក្នុង 3 ក្រុមផលិតផលដែលមានពានរង្វាន់ចំនួនសរុប 15។
លោក Sam Chern អនុប្រធានផ្នែកទីផ្សាររបស់ក្រុមហ៊ុន MSI បាននិយាយថា “យើងពិតជារំភើបណាស់ដែលបានឈ្នះនៅក្នុងពានរង្វាន់កិត្តិយសភាពច្នៃប្រឌិតឆ្នើម CES Innovation Awards Honorees 2021។ ផលិតផលទាំងនេះ មានគុណភាពខ្ពស់បំផុត កម្លាំងខ្លាំងក្លា ភាពច្នៃប្រឌិតខ្ពស់ និងមានសោភ័ណភាពកាន់តែស្រស់ស្អាតជាងមុនថែមទៀតផង។ នៅក្នុងការទទួលបាននូវពានរង្វាន់កិត្តិយសដ៏មានកិត្យានុភាពនេះ យើងពិតជារីករាយមែន។” ផលិតផលទាំងអស់នេះ នឹងប្រកាសនៅថ្ងៃទី 13 ខែមករានេះផងដែរ។ វារួមមាន៖
កុំព្យូទ័រ Summit E15 ឈ្នះពានរង្វាន់ Award Category: Computer Hardware & Components
Summit E15 គឺជាប្រភេទកុំព្យូទ័រ Business Laptop ដែលមានការឌីស្សាញជាមួយនឹងភាពច្នៃប្រឌិតខ្ពស់ ប្រព័ន្ធសុវត្ថិភាពខ្ពស់ និងការជឿជាក់ខ្ពស់បំផុត។ វាមានកម្លាំងម៉ាស៊ីនខ្លាំងក្លា ផលិតឡើងពីលោហធាតុ និងតួខ្លួនអាលុយមីញ៉ូមថែមទៀត។ សម្រាប់កុំព្យូទ័រ Summit E15 គឺភ្ជាប់ជាមួយនឹង TPM 2.0 ដែលជាបន្ទះឈីបសុវត្ថិភាពដែលឌីស្សាញឡើងយ៉ាងពិសេសនៅក្នុងការការពារទៅលើ Hardware និងម៉ាស៊ីនរបស់អ្នក។ វាមានភ្ជាប់ជាមួយនឹងកាមេរ៉ា infrared-camera សម្រាប់ដំនើរការជាមួយនឹង Windows Hello ហើយវាមានប្រព័ន្ធស្កេនក្រយ៉ៅដៃដែលងាយស្រួលក្នុងការប៉ះបញ្ជាចូលទៅក្នុងម៉ាស៊ីននេះថែមទៀត។
កុំព្យូទ័រ Summit E16 Flip ឈ្នះពានរង្វាន់ Award Category: Computer Hardware & Components
Summit E16 Flip គឺជាប្រភេទកុំព្យូទ័រដែលមានរូបរាងទាន់សម័យម៉ូឌែលថ្មីចុងក្រោយបង្អស់ដែលមានសមត្ថភាពខ្លាំង រូបរាងស្តើង ទម្ងន់ស្រាល និងមានពណ៌ខ្មៅលាយជាមួយនឹងគែមពណ៌មាសថែមទៀត។ វាប្រើប្រាស់នូវក្រាហ្វិកកាត GTX discrete graphics និងបន្ទះឈីប Intel ជំនាន់ទី 11 ថែមទៀតដែលធ្វើអោយម៉ាស៊ីននេះអាចប្រើប្រាស់បានយ៉ាងល្អឥតខ្ចោះទៅលើកម្មវិធីប្រភេទ 3D software កម្មវិធីឌីស្សាញធំៗ និងកម្មវិធីជាច្រើនទៀតយ៉ាងសម្បូរបែបបំផុត។
កុំព្យូទ័រ GS76 Stealth ឈ្នះពានរង្វាន់ Award Category: Gaming
ជាមួយនឹងការឌីស្សាញរូបរាងកាន់តែស្តើងនិងល្អបំផុតនៅក្នុងការលេងហ្គេមនោះ កុំព្យូទ័រ GS76 Stealth នេះមានសមត្ថភាពខ្លាំងក្លា និងដំណើរការហ្គេមយ៉ាងរលូនតែម្តងនេះគឺដោយសារតែបន្ទះឈីប Intel processors ជំនាន់ចុងក្រោយ ក្រាហ្វិកកាតប្រភេទ NVIDIA graphics និងអេក្រង់កម្រិត 360Hzថែមទៀត។ វាមានការឌីស្សាញរូបរាងស្លីមយ៉ាងទាន់សម័យ និងមានរន្ធសម្រាប់ដោតទៅលើ SD card reader ក្នុងការបញ្ចូនវីដេអូ និងរូបភាពបានលឿនថែមទៀតផង។ វាក៏មានបច្ចេកវិទ្យា Thunderbolt 4 technology ចុងក្រោយបំផុតដែលអ្នកអាចបញ្ចូលថាមពលថ្មបានលឿនជាងមុនដល់ទៅ ៣ ដង និងបញ្ចូលកុំព្យូទ័រ Laptop នេះតាមរយៈ Power Banks ឬ Type-C adaptors ក៏បានផងដែរ។
ប៊ិច MSI Pen ឈ្នះពានរង្វាន់ Award Category: Computer Peripherals & Accessories
សម្រាប់ប៊ិចថ្មីរបស់ក្រុមហ៊ុន MSI នេះផ្តល់នូវភាពងាយស្រួលក្នុងការគូសព្រាង ការកត់ត្រា ការកែប្រែឯកសារ និងការងារជាច្រើនទៀតយ៉ាងសម្បូរបែបជាទីបំផុត។ វាមានរូបរាងយ៉ាងទាន់សម័យ ស្លីមជាមួយនឹងមុខងារជាច្រើនដែលភ្ជាប់មកជាមួយនឹងប៊ិចនេះថែមទៀត។ វាមានចុងប៊ិចដែលងាយស្រួលក្នុងការប៉ះបញ្ជា និងងាយស្រួលកាន់បំផុតក្នុងការប្រើប្រាស់ថែមទៀត។
MAG Trident S ឈ្នះពានរង្វាន់ Award Categories: Gaming, Computer Hardware & Components
សម្រាប់ MAG Trident S នេះគឺជាជម្រើសដ៏ល្អបំផុតនៅក្នុងប្រភេទ Triple-A PC gamingដែលមានភាពទាក់ទាញ ការឌីស្សាញរូបរាងស្លីម និងងាយស្រួលក្នុងការទុកដាក់ថែមទៀតផង។ វាពិតជាមានភាពស្រស់ស្អាតមែនទែន។
ម៉ូនីទ័រ Optix MPG321QRF ឈ្នះពានរង្វាន់ Award Category: Gaming
នៅក្នុងការផ្តល់នូវបទពិសោធន៍លេងហ្គេមយ៉ាងអស្ចារ្យជាមួយនឹងអេក្រង់ម៉ូនីទ័រ MSI Optix MPG321QRF AI នេះ។ សម្រាប់ម៉ូនីទ័រនេះគឺមានភ្ជាប់ជាមួយនឹងមុខងារឆ្លាតវៃជាច្រើនដូចជា Adaptive Brightness 2.0, Night Vision AI, Smart RGB និង AI Crosshair ជាមួយនឹងការនាំយកអោយអ្នកលេងហ្គេមជាច្រើនអាចធ្វើប្រតិបត្តិការ និងការលេងហ្គេមជាច្រើនបានយ៉ាងរលូនថែមទៀតផង។
ម៉ូនីទ័រ Optix MPG341QR ឈ្នះពានរង្វាន់ Award Category: Gaming
សម្រាប់ម៉ូនីទ័រ 34-inch Optix MPG341QR នេះមានភ្ជាប់ជាមួយនឹងអេក្រង់ប្រភេទ ultra-wide IPS ដែលមានកម្រិតបង្ហាញរូបភាពដល់ទៅ 2560x1440 (WQHD) កម្រិតអេក្រង់ 144Hz refresh rate និង 1ms response time ថែមទៀត។ អ្នកនឹងមានភាពងាយស្រួលនៅក្នុងការកែប្រែទៅលើ Settings របស់ម៉ូនីទ័រនេះជាមួយនឹងមុខងារឆ្លាតវៃជាច្រើនទៀតដូចជា Adaptive Brightness 2.0, Night Vision, Smart RGB, AI Crosshair និង OptixScope ផងដែរ។
ម៉ូនីទ័រ Optix MAG163 ឈ្នះពានរង្វាន់ Award Category: Computer Peripherals & Accessories
សម្រាប់ Optix MAG163 គឺជាប្រភេទម៉ូនីទ័រថ្មីដែលមានភាពច្នៃប្រឌិតខ្ពស់ កម្លាំងខ្លាំងក្លា និងងាយស្រួលចល័តថែមទៀតសម្រាប់អ្នកលេងហ្គេម និងអ្នកជំនាញ។ វាមានរូបរាងស្តើងមែនទែនជាមួយនឹងកម្រាស់ត្រឹមតែ 5mm និងមានកម្រិតអេក្រង់ 15.6” Rapid IPS touch panel នៅក្នុងកម្រិតភាពច្បាស់ 1920x1080 ដែលធ្វើអោយពណ៌របស់អេក្រង់ និងកម្រិតពន្លឺរបស់វាល្អបំផុតក្នុងការទស្សនាថែមទៀតផង។
ក្រាហ្វិកកាត GeForce RTX 3080 GAMING X TRIO ឈ្នះពានរង្វាន់ Award Category: Computer Hardware & Components
នេះគឺជាក្រាហ្វិកកាត GAMING seriesរបស់ក្រុមហ៊ុន MSI ជំនាន់ចុងក្រោយបំផុតដែលមានកម្លាំងខ្លាំងក្លា សំឡេងរំខានតិចបំផុត និងមានការឌីស្សាញយ៉ាងប្រណិតមែនទែន។
MEG B550 UNIFY-X ឈ្នះពានរង្វាន់ Award Category: Computer Hardware & Components
អ្នកអាចនាំយកនូវទេពកោសល្យរបស់អ្នកទៅកាន់កម្រិតខ្ពស់បំផុតមួយទៀតតាមរយៈ MEG B550 UNIFY-X ដែលមានសមត្ថភាពខ្លាំងក្លាក្នុងការប្រើប្រាស់ជាទីបំផុត។
MEG Z490 GODLIKE ឈ្នះពានរង្វាន់ Award Categories: Gaming, Computer Hardware & Components
ជាមួយនឹងការបង្កើតឡើងដើម្បីពង្រឹងសមត្ថភាពម៉ាស៊ីនកាន់តែខ្លាំងក្លានោះ សម្រាប់ MEG Z490 GODLIKE motherboard បំពាក់នូវមុខងារពិសេសៗជាច្រើនដែលធ្វើអោយម៉ាស៊ីនរបស់អ្នកខ្លាំង និងដំណើរការយ៉ាងរលូនបំផុតថែមទៀត៕
