ថ្មីៗនេះ ក្រុមហ៊ុន Canon បានបង្ហាញនូវ super-telephoto L zoom lensដំបូងបំផុតដែលមានឈ្មោះហៅថា RF100-500mm f/4.5-7.1L IS USM សម្រាប់កាមេរ៉ា R-series full-frame mirrorless របស់ខ្លួន។ សម្រាប់ lens ថ្មីនេះ អនុញ្ញាតអោយអ្នកប្រើប្រាស់ជាច្រើនអាចធ្វើការថត focal length 500mm ។ សម្រាប់ RF100-500mm f/4.5-7.1L IS USM នេះគឺជា RF version របស់ EF100-400mm f/4.5-5.6L IS II USM lens ហើយវាមានកម្មវិធីជាច្រើនសម្រាប់ធ្វើការជ្រើសរើសនៅក្នុងការថតដូចជាកីឡា ការថតនៅក្នុងព្រៃ ការថតទេសភាព និងការថតរូបភាពកាសែតផងដែរ។
លោក Edwin Teoh ប្រធានផ្នែកទីផ្សាររបស់ក្រុមហ៊ុន Canon នៅក្នុងប្រទេសសិង្ហបុរី បាននិយាយថា “នៅក្នុងការវិវត្តន៍នៃ EF100-400mm f/4.5-5.6L IS II USM lens នេះ RF100-500mm f/4.5-7.1L IS USM គឺមានការពង្រឹងទៅលើប្រភេទ R និង RF តាមរយៈការបន្ថែមនូវមុខងារ super telephoto ។ វាក៏មានការភ្ជាប់ជាមួយនឹង Extender RF 1.4x និង Extender RF 2x ថែមទៀត។”
បើទោះបីជាវាមានទំហំដូចទៅនឹង EF100-400mm f/4.5-5.6L IS II USM lensនោះ RF100-500mm f/4.5-7.1L IS USM នេះគឺមានទម្ងន់ស្រាលជាងមុនដល់ទៅ 15% និងការបន្ថែមកម្រិត 100mm ។ ជាមួយនឹង 5x zoom ratioនោះ RF100-500mm f/4.5-7.1L IS USM នេះមានកម្រិត medium telephoto (100mm) ទៅកាន់ super-telephoto range (500mm)។
RF100-500mm f/4.5-7.1L IS USM នេះគឺអាចដំណើរការបានយ៉ាងល្អនៅក្នុងស្ថានភាពផ្សេងៗគ្នាដូចជាការថតនៅក្រោមពន្លឺព្រះអាទិត្យក៏រូបភាពនៅតែល្អបំផុត។ RF100-500mm f/4.5-7.1L IS USM នេះគឺមានរចនាសម្ព័ន្ធ Optical Image Stabiliserរបស់ក្រុមហ៊ុន Canon ដែលប្រើប្រាស់នូវ Dual Sensing IS ថែមទៀតផង។ សម្រាប់ lens នេះគឺមានភ្ជាប់ជាមួយនឹង stabiliser mode ចំនួន ៣ សម្រាប់ធ្វើការប្រើប្រាស់នូវ IS Modes ចំនួន ៣ គឺ៖
IS mode 1 សម្រាប់ stationary subjects
IS mode 2 សម្រាប់ panning shots និង IS mode
3 សម្រាប់ Subjects ដែលមានចលនា
កាមេរ៉ា Canon EOS R5 និង EOS R6 នេះ គឺមានភ្ជាប់ជាមួយនឹង 5-axis image stabilization ផងដែរ។ កាមេរ៉ានេះ គឺប្រើប្រាស់ជាមួយនឹង RF100-500mm f/4.5-7.1L IS USM ដែលមានកម្រិតដល់ទៅ 500mm focal length ផងដែរ។ វាក៏មានការភ្ជាប់មកជាមួយនឹង Nano Ultrasonic Motors (USM) ដែលជួយទៅលើកម្រិត autofocus (AF) លឿនជាងមុនថែមទៀត។
សម្រាប់តម្លៃ និងកាលបរិច្ឆេទនៃការលក់ទៅលើ RF100-500mm f/4.5-7.1L IS USM នេះ នឹងបញ្ជាក់នៅពេលក្រោយ។ សម្រាប់ Extender RF 1.4x និង Extender RF 2x នឹងអាចរកទិញបានចាប់ពីថ្ងៃទី 30 ខែកក្កដា ឆ្នាំ 2020 នេះជាមួយនឹងតម្លៃ $829 និង $1,000 រៀងគ្នា៕