ក្រុមហ៊ុន ASUS ទើបតែប្រកាសបង្ហាញនូវកុំព្យូទ័រ gaming laptops ជំនាន់ថ្មីនៃត្រកូល TUF series ដ៏ពេញនិយមរបស់ខ្លួន។ ក្រុមហ៊ុននេះទើបតែទម្លាយបង្ហាញនូវកុំព្យូទ័រ TUF notebooks ដែលសក្តិសមបំផុតសម្រាប់អ្នកលេងហ្គេមនៅក្នុងព្រឹត្តិការណ៍ CES 2023 ។
កុំព្យូទ័រ ASUS TUF Gaming A16 Advanced Edition
កុំព្យូទ័រ TUF Gaming A16 Advanced Edition (FA617) របស់ក្រុមហ៊ុនផលិតកុំព្យូទ័ររបស់តៃវ៉ាន់ គឹជាកុំព្យូទ័រលេងហ្គេមមួយដ៏ខ្លាំងក្លា។ ម៉ូឌែលនេះ ប្រើប្រាស់នូវបន្ទះឈីប Ryzen 9 processor ចុងក្រោយបំផុតរបស់ក្រុមហ៊ុន AMD ដែលផ្អែកទៅលើស្ថាបត្យកម្មរបស់ Zen 4។ សម្រាប់ CPU នេះគឺមានមកជាមួយនឹង Radeon RDNA 3 GPUs និង AMD Smart Access Graphics។ កុំព្យូទ័រនេះមានភ្ជាប់ជាមួយនឹងអេក្រង់ QHD ជាមួយនឹងកម្រិតភាពច្បាស់ 240Hz refresh rate និង 90% screen to body ratio។ ក្រុមហ៊ុននេះក៏ផ្តោតទៅលើប្រព័ន្ធត្រជាក់ 84 blade Arc Flow Fans និង 7 heat pipers ។ កុំព្យូទ័រ TUF Gaming A16 Advanced Edition នេះមាន 2TBPCIe Gen 4 SSD ជាមួយនឹង DDR5 4800MHz RAM។ កុំព្យូទ័រនេះមានថាមពលថ្ម 90Whr និង USB Type C Power Delivery port ។ វាក៏មាន Dolby Atmos និងបច្ចេកវិទ្យា Two Way AI Noise Cancellation ។
កុំព្យូទ័រ ASUS TUF Gaming F15/17 និង A15/17
ជាមួយនឹងកុំព្យូទ័រ TUF Gaming A16 Advanced Edition ក្រុមហ៊ុននេះបានប្រកាសបង្ហាញនូវកុំព្យូទ័រចំនួន 4 ម៉ូឌែល។ វាមានម៉ូឌែល TUG Gaming F15/F17 និង TUF Gaming A15/A17 notebooks ។ កុំព្យូទ័រ F15 និង F17 មានបន្ទះឈីប Intel Core i9-13900H processor ខណៈពេលដែលកុំព្យូទ័រ TUF Gaming A15/A17 មានបន្ទះឈីប AMD Ryzen 9 Zen 4 processor ។ កុំព្យូទ័រលេងហ្គេម A និង F series gaming laptops នេះប្រើប្រាស់នូវក្រាហ្វិកកាត RTX 40 series ចុងក្រោយបំផុតរបស់ក្រុមហ៊ុន Nvidia ហើយវាមានMUX switch និង Nvidia Advanced Optimus ផងដែរ។ សម្រាប់ប្រព័ន្ធត្រជាក់វិញនោះ កុំព្យូទ័រ TUF laptops នេះប្រើប្រាស់នូវ dual Arc Flow Fans ដែលមាន 84 blade និង 13% airflow ដែលធ្វើអោយម៉ាស៊ីននេះស្ងាត់ក្នុងការប្រើប្រាស់៕