នៅមុនពិធីប្រកាសបង្ហាញវត្តមានផ្លូវការណ៍មកដល់ក្រុមហ៊ុនផលិតកាមេរ៉ា Canon ត្រូវបានគេរាយការណ៍ថា នឹងធ្វើការប្រកាសចេញម៉ាស៊ីនកាមេរ៉ាកម្រិតខ្ពស់ High-resolution ដំបូងរបស់ខ្លួនម៉ូដែល Canon EOS R5 Mark II។ ហើយនៅពេលនេះរូបរាងនៃការឌីស្សាញ និងគុណសម្បត្តិរបស់កាមេរ៉ាស៊េរីថ្មីនេះត្រូវបានគេលាតត្រដាងនៅលើបណ្តាញអនឡាញនៅមុនការប្រកាសចេញមកដល់។
កាមេរ៉ាស៊េរីថ្មី Canon EOS R5 Mark II ជាប្រភេទ Mirrorless Camera ដែលបំពាក់នៅនឹងប្រព័ន្ធសែនស័រកម្រិតខ្ពស់ទំហំធំដល់ 45MP Image Sensor ជាមួយនឹងការបំពាក់នូងកញ្ចក់ Electric Viewfinder គុណភាពខ្ពស់ដែលនឹងផ្តល់នូវបទពិសោធន៍កម្រិតខ្ពស់បំផុត។ ជាមួយប្រព័ន្ធថតរូប fast-paced action ដែលធ្វើឲ្យកាមេរ៉ាស៊េរីថ្មីនេះមានសមត្ថភាពខ្ពស់ក្នុងការថតរូបបែប continuous shooting speeds បានក្នុងកម្រិត 12fps ជាមួយមុខងារ mechanical shutter និង 30fps ជាមួយមុខងារ electronic shutter។ បើតាមរូបភាពនៃការឌីស្សាញនៃប្រព័ន្ធកាមេរ៉ាស៊េរីថ្មីដែលបានបង្ហាញមកនេះ ឃើញថាត្រង់កន្លែងថ្មនៃកាមេរ៉ា គឺមានការឌីស្សាញជាមួយរន្ធបញ្ចេញខ្យល់ ដែលនឹងជួយកាត់បន្ថយកម្តៅរបស់កាមេរ៉ា។
បើតាមប្រភពបានបញ្ជាក់ថា Canon EOS R5 Mark II ក៏នឹងមានការបំពាក់នូវប្រព័ន្ធកង្ហាលត្រជាក់ដើម្បីបន្សាបកម្តៅ optional active cooling fan ដើម្បីជួយរក្សាល្បឿនដំណើរការកាន់តែមានប្រសិទ្ធិភាព។ អ្នកថតរូបនឹងទទួលបានបទពិសោធន៍ថតវីដេអូក្នុងគុណភាពដ៏អស្ចារ្យពីកាមេរ៉ាជំនាន់ថ្មី Canon EOS R5 Mark II ព្រោះបើតាមប្រភពព័ត៌មានបាននិយាយថា ម៉ាស៊ីនថតរូបជំនាន់ថ្មីនេះ គឺមានសមត្ថភាពខ្ពស់អាចផលិតសាច់វីដែអូដល់ 8K ល្បឿន 60p ដែលផ្តល់នូវគុណភាពសាច់វីដេអូច្បាស់ម៉ដ្ឋខៃខ្លាំងបំផុត។
បន្ថែមពីនេះប្រភពព័ត៌មានបានបញ្ជាក់ទៀតថា Canon EOS R5 Mark II ក៏នឹងមានភ្ជាប់មកជាមួយនូវកន្លែងដាក់ម៉េមូរីជាប្រភេទ versatile CFexpress Type B / SD dual card slot ដែលផ្តល់នូវភាពងាយស្រួលក្នុងការបត់បែនសម្រាប់ទុកដាកទិន្នន័យ និងដំណើរការកិច្ចការងារ។ សម្រាប់តម្លៃវិញ Canon EOS R5 Mark II ត្រូវបានគេប៉ាន់ប្រមាណថា អាចនឹងមានតម្លៃខ្ទង់ប្រហែល $3,999។ យ៉ាងណាមិញសម្រាប់កាលបរិច្ឆេទប្រកាសចេញ និងចេញលក់ផ្លូវការណ៍របស់ Canon EOS R5 Mark II មិនទាន់ត្រូវបានគេបង្ហាញនៅឡើយទេក្នុងពេលនេះ៕
