MSI Concept Store ដំបូងបំផុតនៅក្នុងប្រទេសកម្ពុជា នឹងសម្ពោធនៅថ្ងៃទី 25 ខែមេសានេះ

MSI ដែលជាក្រុមហ៊ុនម៉ាកយីហោឈានមុខគេរបស់ពិភពលោកទៅលើផ្នែក Gaming និងកុំព្យូទ័រដ៏ខ្លាំងក្លានោះមានមោទកភាពក្នុងការប្រកាសអំពីការសម្ភោធន៍ជាផ្លូវការនូវហាង MSI Concept Store ដំបូងបំផុតរបស់ខ្លួននៅក្នុងប្រទេសកម្ពុជា ដែលនេះគឺជាការបោះជំហានដ៏សំខាន់មួយនៅក្នុងការពង្រីកម៉ាកយីហោរបស់ក្រុមហ៊ុននៅទូទាំងតំបន់អាស៊ីអាគ្នេយ៍នេះ។

សម្រាប់ហាង MSI Concept Store នេះនឹងបើកដំណើរការជាផ្លូវការនៅថ្ងៃទី 25 ខែមេសាឆ្នាំ 2025 នេះ ដែលព្រឹត្តិការណ៍សម្ភោធន៍នេះនឹងមានការចូលរួមពីអ្នកដែលចូលចិត្តស្រឡាញ់បច្ចេកវិទ្យា អ្នកលេងហ្គេម និងសាធារណៈជនទូទៅដើម្បីធ្វើការអបអរសាទរទៅលើព្រឹត្តិការណ៍ដ៏រំភើបនេះ។ ព្រឹត្តិការណ៍នេះគឺបើកអោយចូលរួមដោយសេរី ហើយអ្នកចូលរួមក៏អាចនឹងទទួលបាននូវបទពិសោធន៍ថ្មីកាន់តែអស្ចារ្យជាមួយនឹងការដាក់តាំងបង្ហាញនូវផលិតផលថ្មីៗរបស់ក្រុមហ៊ុន MSI ឧបករណ៍លេងហ្គេមជំនាន់ចុងក្រោយបំផុត និងបទពិសោធន៍ដែលមិនធ្លាប់មានពីមុនមកនោះទេ។

អ្វីដែលពិសេសសម្រាប់ព្រឹត្តិការណ៍នៃការសម្ភោធន៍ថ្ងៃទី ២៥ ខែមេសា ឆ្នាំ ២០២៥

•ការចូលរួមដោយសេរី - សាធារណៈជនអាចចូលរួមដោយសេរីក្នុងព្រឹត្តិការណ៍នៃការសម្ភោធន៍ហាងថ្មីនេះ!

• អ្នកចូលរួម 50 នាក់ដំបូងនឹងទទួលបាននូវសំបុត្រចាប់រង្វាន់ឥតគិតថ្លៃ - សម្រាប់អ្នកចួលរួមដែលមកមុនគេនឹងមានឱកាសក្នុងការឈ្នះនូវកាដូពិសេសៗពីក្រុមហ៊ុន MSI!

• ការតម្លើងហ្គេមឥតគិតថ្លៃ - អ្នកអាចយកឧបករណ៍របស់អ្នកដូចជាម៉ាស៊ីនលេងហ្គេម និងកុំព្យូទ័រដើម្បីមកតម្លើងហ្គេមដែលអ្នកពេញចិត្តដោយឥតគិតថ្លៃដែលតម្លើងផ្ទាល់ដោយអ្នកជំនាញរបស់ក្រុមហ៊ុន MSI! 

• ការធ្វើតេស្តផលិតផលផ្តាច់មុខរបស់ MSI - អ្នកចូលរួមអាចធ្វើការទស្សនា និងតេស្តផ្ទាល់ទៅលើផលិតផលជាច្រើនរបស់ក្រុមហ៊ុន MSI ដូចជាកុំព្យូទ័រយួរដៃ (laptops), កុំព្យូទ័រលើតុ (desktops) ម៉ូនីទ័រលេងហ្គេម ឧបករណ៍ limited-edition ជាច្រើនទៀតដែលមានដាក់បង្ហាញតែនៅ MSI Concept Store តែប៉ុណ្នោះ!

សម្រាប់ហាងថ្មី MSI Concept Store នេះគឺសហការជាមួយនឹង GOD OF PC GAME ក្នុងការផ្តល់នូវបទពិសោធន៍កាន់តែអស្ចារ្យសម្រាប់អ្នកដែលស្រឡាញ់បច្ចេកវិទ្យា និងអ្នកលេងហ្គេម។ ហាងថ្មីនេះនឹងមានការដាក់បង្ហាញនូវផលិតផលចុងក្រោយដែលមានភាពច្នៃប្រឌិតខ្ពស់ និងឌីស្សាញយ៉ាងពិសេសសម្រាប់អ្នកប្រើប្រាស់។ សាធារណៈជនអាចធ្វើការតេស្តផ្ទាល់ និងអាចទិញផលិតផលទាំងនេះបាននៅហាងថ្មីផ្ទាល់បានថែមទៀត។

អ្នកតំណាងក្រុមហ៊ុន MSI និយាយថា “យើងពិតមានក្តីរីករាយណាស់ក្នុងការនាំយកនូវហាង MSI Concept Store នេះមកកាន់ប្រទេសកម្ពុជា។ សម្រាប់ហាងថ្មីនេះអនុញ្ញាតអោយយើងអាចធ្វើការភ្ជាប់ទំនាក់ទំនងដោយផ្ទាល់ជាមួយនឹងសហគមន៍អ្នកលេងហ្គេមនៅកម្ពុជា និងការផ្តល់អោយពួកគេវិញនូវផលិតផល និងបច្ចេកវិទ្យាចុងក្រោយរបស់ក្រុមហ៊ុន MSI សម្រាប់ពួកគេវិញ។”

សូមកុំភ្លេចចូលរួមអបអរសាទរនៅក្នុងព្រឹត្តិការណ៍នៃការសម្ភោធន៍ហាងថ្មីនេះ ហើយការចូលរួមរបស់អ្នកគឺជាផ្នែកមួយដ៏សំខាន់នៃប្រវត្តិសាស្រ្តរបស់ក្រុមហ៊ុន MSI នៅក្នុងប្រទេសកម្ពុជា។

ព្រឹត្តិការណ៍លម្អិត

 ទីតាំង: ហាង GOD OF PC GAME MSI Concept Store ទីក្រុងភ្នំពេញ ប្រទេសកម្ពុជា

 https://maps.app.goo.gl/SpQANZZjQVtzHtzNA 

កាលបរិច្ឆេទ៖ ២៥ មេសា ២០២៥

ពេលវេលា៖ ចាប់ពីម៉ោង ១០ ព្រឹកតទៅ

ការចូលរួម៖ សេរី

សូមតាមដានព័ត៌មានបន្ថែមនៅលើបណ្តាញសង្គមតាមរយៈផេក MSI Cambodia និងកុំភ្លេចចូលរួមក្នុងថ្ងៃសម្ភោធន៍ជាផ្លូវការខាងមុខនេះ!