កាលពីថ្ងៃទី 05 ខែមិនា ឆ្នាំ 2018 កន្លងទៅនេះ នៅក្នុងព្រឹត្តិការណ៍មួយនៅក្នុងទីក្រុងសេអ៊ូល ក្រុមហ៊ុន LG បានបង្ហាញនូវទូរទស្សន៍ OLED និង SUPER UHD TVs ដែលភ្ជាប់ជាមួយនឹងបច្ចេកវិទ្យា ThinQ AI និងប្រព័ន្ធដំណើរការកម្រិតខ្ពស់ α (Alpha) processor ។ ទូរទស្សន៍អេក្រង់ OLED TVs នេះភ្ជាប់ជាមួយនឹងបច្ចេកវិទ្យា AI មានម៉ូដែលដូចជា W8, G8, E8, C8 និង B8 ដែលប្រើប្រាស់នូវមុខងារជាច្រើនដូចជា Picture-on-Wall, One Glass Screen, Picture-on-Glass និង Cinema Screen ។
សម្រាប់ទំហំរបស់អេក្រង់របស់ទូរទស្សន៍ LG OLED TVs Screen គឺចាប់ពី 55 អ៊ីងដល់ 77 អ៊ីង និងទូរទស្សន៍ SUPER UHD TVs ដែលមានទំហំចាប់ពី 49 អ៊ីង ដល់ទៅទំហំ 75 អ៊ីង។ ទូរទស្សន៍ស៊េរី W8, G8, E8 និង C8 OLED TV ភ្ជាប់ជាមួយនឹងបន្ទះឈីប LG’s α (Alpha) 9 intelligent processor សម្រាប់ការពង្រឹងទៅលើល្បឿននៃការ Renders ទៅលើរូបភាព និងការផ្តល់នូវពណ៌ដ៏ស្រស់ស្អាតសម្រាប់ការទស្សនាគ្រប់ពេលវេលា។ ទូរទស្សន៍ទាំងនេះក៏ប្រើប្រាស់នូវប្រព័ន្ធសំឡេង Dolby Atmos sound និងគុណភាពរូបភាព Optimal Picture Quality ផងដែរ។
.jpg)
បន្ថែមពីនេះទៀតនោះ ទូរទស្សន៍ត្រកូល SUPER UHD នេះបំពាក់នូវបន្ទះឈីប LG’s α (Alpha) 7 processor ដែលប្រើប្រាស់នៅលើ B8 series ដែលជាការច្របាច់បញ្ចូលគ្នានៃ Nano Cell និង FALD backlighting សម្រាប់ការផ្តល់នូវរូបភាពកម្រិតខ្ពស់ពណ៌ខ្មៅច្បាស់ ការពង្រឹងទៅលើការ Render នៃរូបភាព ការពង្រឹងទៅលើ Shadow និងពណ៌កាន់តែច្បាស់គ្រប់ជ្រុងតែម្តង។ សម្រាប់ត្រកូលនៃទូរទស្សន៍ SUPER UHD ក៏ទ្រទ្រង់នូវប្រព័ន្ធសំឡេង Dolby Atmos ផងដែរ។
ជាមួយនឹងការភ្ជាប់មុខងារ AI អ្នកទស្សនាអាចនិយាយដោយផ្ទាល់ទៅកាន់តេឡេបញ្ជាតាមរយៈការប្រើប្រាស់បច្ចេកវិទ្យា Natural Language Processing (NLP) ។ សម្រាប់ទូរទស្សន៍ដែលប្រើប្រាស់នូវបច្ចេកវិទ្យា ThinQ AI របស់ក្រុមហ៊ុន LG នោះគឺផ្អែកទៅល Electronic Program Guide (EPG) ដែលនឹងផ្តល់នូវព័ត៌មានភ្លាមៗទៅតាម Content ដែលអ្នកត្រូវការ។
សម្រាប់ទូរទស្សន៍ 2018 OLED និង SUPER UHD TVs របស់ក្រុមហ៊ុន LG នឹងភ្ជាប់ជាមួយនឹងមុខងារ Cinema HDR ហើយវាក៏ប្រើប្រាស់នូវ HDR formats ចេញពី Dolby Vision ទៅកាន់ HDR10 និង HLG (hybrid log-gamma) ផងដែរ។ សម្រាប់ NLP របស់ក្រុមហ៊ុន LG នឹងដំណើរនៅលើប្រទេសចំនួន 14 ដែលក្នុងនោះមានដូចជា អូស្ត្រាលី ប្រេស៊ីល កាណាដា បារាំង អាល្លឺម៉ង់ អ៊ីតាលី កូរ៉េ ម៉ិកស៊ិកូ ប៉ូឡូញ រុស្សី អេស្ប៉ាញ ចក្រភពអង់គ្លេស សហរដ្ឋអាមេរិក និងទួរគី។
