ក្រុមហ៊ុន Nokia គឺត្រូវគេចងចាំថា គឺជាក្រុមហ៊ុនដ៏ល្បីល្បាញបំផុតទៅលើកាមេរ៉ាស្មាតហ្វូនរបស់វាដែលមានម៉ូឌែលដូចជា Lumia 1020, 808 PureView, N8 ហើយវានៅតែធ្វើអោយអ្នកគាំទ្រជាច្រើនមានការចាប់អារម្មណ៍ខ្លាំងទៅលើម៉ាកយីហោនេះផងដែរ។ ក្រុមហ៊ុននេះ បានចាប់ផ្តើមពីស្មាតហ្វូន Nokia 7650 ដែលមានប្រើប្រាស់នូវកាមេរ៉ាឌីជីថលនោះ។
ស្មាតហ្វូននេះ មានអេក្រង់ទំហំ 640x480px និងម៉េមូរីទំហំ 4MB។ អ្នកអាចធ្វើការថតរូបភាពជាច្រើនបានតាមរយៈការរុញទៅលើ Keyboard។ Nokia 7650 គឺមានការឌីស្សាញដែលមានភាពទាក់ទាញខ្លាំងក្លាមែនទែន។ អេក្រង់របស់វាគឺមានទំហំ 2.1 អ៊ីង មានកម្រិតភាពច្បាស់ 176 x 208 px និងការទ្រទ្រង់នូវពណ៌កម្រិត 4,096 ផងដែរ។ ទូរស័ព្ទនេះគឺមានការទ្រទ្រង់នូវ 2.5G connectivity ឬ GPRS ដែលមានល្បឿន 40.2kbps ។
Nokia 7650 គឺជាទូរស័ព្ទដែលដំណើរការនូវ Symbian OS ដែលប្រើប្រាស់នូវ Series 80 UI។ សម្រាប់ OS នេះដំណើរការនៅលើ single-core 32-bit processor ដែលមានល្បឿន 104MHz។ វាត្រូវសរសេរនៅលើ JAVA ឬ EPOC operating system ។ នៅពេលដែលទូរស័ព្ទ Nokia 7650 នេះ បង្ហាញខ្លួននៅក្នុងទីក្រុងបាសេឡូណានៅក្នុងខែវិច្ឆិកា ឆ្នាំ 2001 នោះ នាយកប្រតិបត្តិ Jorma Ollila បានហៅថា នេះគឺជាការប្រកាសចេញមួយដ៏សំខាន់បំផុតនៅក្នុងឆ្នាំនោះ។ កំឡុងពេលនេះ Symbian បានជួយក្រុមហ៊ុន Nokia ក្នុងការយកឈ្នះទីផ្សារស្មាតហ្វូន និងការថតរូបថែមទៀតផង។ ស្មាតហ្វូននេះដាក់លក់នៅចុងខែមិថុនា ឆ្នាំ 2002 នៅក្នុងតម្លៃ €600 ៕
