ពេលនេះ រូបភាពកម្រិតខ្ពស់ជាច្រើនរបស់ស្មាតហ្វូនស៊េរីថ្មី Samsung Galaxy S20 FE ត្រូវចេញផ្សាយនៅលើវេបសាយដែលមានការបង្ហាញថា ស្មាតហ្វូននេះមានច្រើនពណសម្រាប់ធ្វើការជ្រើសរើស។ ស្មាតហ្វូនប្រភេទ flagships របស់ស្មាតហ្វូន Galaxy S20 series នេះគឺមានអេក្រង់គែមកោង ប៉ុន្តែសម្រាប់ស្មាតហ្វូន Samsung Galaxy S20 FE គឺមានអេក្រង់រាបស្មើជាមួយនឹងរន្ធប្រហោងសម្រាប់កាមេរ៉ាខាងមុខ។
ស្មាតហ្វូន Galaxy S20 Fan Edition នេះគឺមានលក្ខណៈសម្បត្តិជាច្រើនដែលដូចគ្នាទៅនឹងស្មាតហ្វូន Galaxy S20 ។ វាមានអេក្រង់រាបស្មើ AMOLED ជាមួយនឹងរន្ធ punch-hole នៅកណ្តាលអេក្រង់របស់វា។ ស្មាតហ្វូននេះគឺមានគែមចំហៀងធ្វើឡើងពីលោហធាតុយ៉ាងស្រស់ស្អាត។ តាមការបែកធ្លាយនៅក្នុងរូបភាពនេះ ស្មាតហ្វូន Galaxy S20 FE នេះនឹងមានអេក្រង់តូចជាងស្មាតហ្វូន Galaxy S20+ ។ អេក្រង់នេះគឺមានចន្លោះពី 6.4 ទៅ 6.5 អ៊ីង។ ស្មាតហ្វូននេះគឺមាន 6 ពណ៌សម្រាប់ធ្វើការជ្រើសរើស។ ស្មាតហ្វូននេះគឺប្រើប្រាស់នូវបន្ទះឈីប Snapdragon 865 និង Exynos 990 ។
ពាក្យចចាមអារ៉ាមជាច្រើន បានបញ្ជាក់ថា ស្មាតហ្វូននេះគឺមានកាមេរ៉ានៅកណ្តាលនៃអេក្រង់ Punch-Hole នេះ ហើយវាមានកាមេរ៉ាគោលដែលមានទំហំ 12MP primary, 12MP ultrawide និង 8MP telephoto ។ ស្មាតហ្វូននេះគឺមានប៊ូតុង Power និង Volumn នៅគែមផ្នែកខាងស្តាំ។ វាមានរន្ធ USB-C នៅផ្នែកខាងក្រោម។ វាក៏មាន IP68 សម្រាប់ការពារធូលី និងទឹកផងដែរ។ ស្មាតហ្វូននេះមានថាមពលថ្មទំហំ 4,500mAh និងបច្ចេកវិទ្យាបញ្ចូលថាមពលថ្មលឿន 25W charging ថែមទៀត៕