Apple រងនូវការពិន័យទឹកប្រាក់ 2 លានដុល្លារអាមេរិកនៅប្រទេសប្រេស៊ីលពាក់ព័ន្ធទៅនឹងការលក់ iPhones ដែលគ្មានឆ្នាំងសាក

ក្រុមហ៊ុន Apple ទើបតែរងនូវការពិន័យមួយផ្សេងទៀតហើយទាក់ទងទៅនឹងបញ្ហាមួយនៅក្នុងទីផ្សាររបស់ប្រទេសប្រេស៊ីល ដោយត្រូវបានរងនូវការពិន័យទឹកប្រាក់ចំនួន 2 លានដុល្លារ ពាក់ព័ន្ធទៅនឹងការលក់ស្មាតហ្វូន iPhones ដែលមិនមានឆ្នាំងសាក។ យោងតាមរបាយការណ៌ចុងក្រោយ គឺបាននិយាយថា ក្រសួងយុត្តិធម៌នៅក្នុងប្រទេសប្រេស៊ីល ទើបតែពិន័យក្រុមហ៊ុន Apple នូវទឹកប្រាក់ចំនួន 2.34 លានដុល្លារអាមេរិក។ 

គួរបញ្ជាក់់ផហដែរក្រុមហ៊ុនបច្ចេកវិទ្យាយក្សនេះ បានប្រឈមមុខទៅនឹងបញ្ហាជាច្រើននៅក្នុងប្រទេសនេះ ហើយក្រុមហ៊ុននេះ បានសម្រេចចិត្តក្នុងការឈប់នាំចូលស្មាតហ្វូន iPhones ដែលមានភ្ជាប់ជាមួយនឹងឆ្នាំងសាកនៅក្នុងប្រអប់។ នៅពេលនេះ ក្រសួងយុត្តិធម៌ប្រទេសប្រេស៊ីល បានធ្វើការហាមប្រាមទៅលើការលក់ស្មាតហ្វូន iPhones ទាំងអស់ដែល មិនមានភ្ជាប់ជា មួយនឹង Power Adapter។ នៅក្នុងការសម្រេចនេះ ក្រុមហ៊ុន Apple ក៏ចេញនូវសេចក្តីថ្លែងការណ៍មួយ ដើម្បីឆ្លើយតបទៅនឹងការពិន័យ និងការហាមប្រាមនេះដែរ។ 

ក្រុមហ៊ុន Apple បាននិយាយថា យើងបានដោះស្រាយទៅលើបញ្ហានេះ ហើយអតិថិជនជាច្រើនរបស់យើងក៏បានដឹងអំពីបញ្ហានៃឆ្នាំងសាក ដែលមិនមាននៅក្នុងប្រអប់ស្មាតហ្វូនរបស់ពួកគេផងដែរ។ ការពិន័យនេះ នៅមិនទាន់ចូលជាធរមានភ្លាមៗនៅឡើយទេ វានឹងចូលជាធរមាននៅពេលដែលក្រសួងផ្ទៀងផ្ទាត់ថា ក្រុមហ៊ុន Apple បានប្រព្រឹត្តិកំហុសពិតមែននោះ។ ក្រសួងនេះ បាននិយាយថា ក្រុមហ៊ុនផលិត iPhone នេះ មិនបានលក់នូវផលិតផលដែលពេញលក្ខណៈដូចជាមិនមានឆ្នាំងសាកជាដើម៕