ស្មាតវ៉ច Huawei Watch GT 4 ពណ៌ផ្កាឈូក និងពណ៌ខៀវ នឹងបង្ហាញខ្លួននៅក្នុងប្រទេសចិនឆាប់ៗនេះ

យោងតាមព័ត៌មានថ្មីនៅថ្ងៃនេះ បានសសេរថា ក្រុមហ៊ុន Huawei បានត្រៀមខ្លួននៅក្នុងការរៀបចំនូវព្រឹត្តិការណ៍សម្ពោធផលិតផលថ្មីមួយទៀតនៅក្នុងទីផ្សារនៃប្រទេសចិនក្នុងពេលឆាប់ៗនេះហើយ។ នៅក្នុងសន្និសីទខាងលើនេះ ត្រូវបានគេរំពឹងថា ក្រុមហ៊ុនបច្ចេកវិទ្យាយក្សចិនមួយនេះ អាចនឹងមានការបង្ហាញនូវផលិតផលថ្មីៗជាច្រើនថែមទៀងផង។ ថ្មីៗនេះ ក្រុមហ៊ុននេះ ក៏បានទម្លាយចេញនូវព័ត៌មានរបស់ស្មាតវ៉ច Huawei Watch GT 4 ជាមួយនិងជម្រើសពណ៌ថ្មីយ៉ាងស្រស់ស្អាតសម្រាប់ ជ្រើសរើសបន្ថែមទៀតផង។

 

រូបភាពពាណិជ្ជកម្ម
no-alternative title

ប្រភពខាងលើនេះបន្តថា ក្រុមហ៊ុនបច្ចេកវិទ្យាយក្សរបស់ចិននេះ នឹងត្រៀមខ្លួនសម្រាប់សម្ភោធន៍ព្រឹត្តិការណ៍ Huawei Summer Full Scenario នៅចន្លោះថ្ងៃទី 15 ដល់ថ្ងៃទី 20 ខែឧសភានេះហើយ។ នៅក្នុងនោះ ក្រុមហ៊ុន ក៏អាចនឹងមានការបង្ហាញនូវ Huawei Eyewear 2 Square Frame នៅក្នុងព្រឹត្តិការណ៍នេះផងដែរ។ ប៉ុន្តែសម្រាប់ស្មាតវ៉ច Watch GT 4 នឹងមានពណ៌ថ្មីចំនួន 2 ពណ៌។ ស្មាតវ៉ចនេះ អាចនឹងមានពណ៌ផ្កាឈូកដែលមានទំហំ 41mm និង 46mm សម្រាប់ពណ៌ខៀវ។ 

 

គួររំលឹកផងដែរថា ស្មាតវ៉ច Watch GT 4 នេះ មានពណ៌បៃតង ត្នោត ប្រផេះ និងខ្មៅ។ ស្មាតវ៉ចនេះ មានអេក្រង់ទំហំ 1.32-អ៊ីង AMOLED display គាំទ្រជាមួយនឹងកម្រិតភាពច្បាស់ 466x466px និង 352 PPI។  អេក្រង់នេះ ក៏នូវមានមុខងារ  always on display និងមានការទ្រទ្រង់ជាមួយនឹងបច្ចេកវិទ្យា 5ATM សម្រាប់ការជ្រាបទឹកថែមទៀតផង។ ស្មាតវ៉ចថ្មីនេះ ក៏ទ្រទ្រង់ទៅលើ Bluetooth 5.2 connectivity។ សម្រាប់ការសាកថ្មពេញនោះ ស្មាតវ៉ចទំហំ 41mm គឺប្រើប្រាស់បាន 7 ថ្ងៃ ខណៈពេលដែល 46mm គឺអាចប្រើប្រាស់បាន 14 ថ្ងៃ។ 

នៅលើស្មាតវ៉ចនេះ ក៏មានការទ្រទ្រង់ទៅលើ Dual Band GNSS សម្រាប់ការតាមដានទៅលើទីតាំងបានកាន់តែច្បាស់ ហើយនឹងមានការ ទ្រទ្រង់ទៅលើ 100 sports modes ផងដែរ។ អតិថិជនជាច្រើនអាចមើលទៅលើការតាមដានទៅលើការគេង សកម្មភាពខាងក្រៅ ការគេង និងរដ្តរដូវស្ត្រីជាច្រើនទៀត៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍