Samsung នាំចេញស្មាតហ្វូនរបស់ខ្លួនបានចំនួន 53.5 លានគ្រឿងក្នុងត្រីមាសទី 2 ឆ្នាំ 2024

កាលពីពាក់កណ្តាលខែកក្កដានេះ ក្រុមហ៊ុនសិក្សាស្រាវជ្រាវទីផ្សារ Canalys បានបញ្ចេញនូវរបាយការណ៌ចុងក្រោយរបស់ខ្លួនពាក់ព័ន្ធការនាំចេញនស្មាតហ្វូនក្នុងត្រីមាសទី 2 ដែលរាប់ចាប់ពីខែមេសាដល់ខែមិថុនា។ ប៉ុន្តែនៅពេលនោ ក្រុមហ៊ុននេះមិនមាការបញ្ជាក់ពីតួរលេខនៃការនាំចេញស្មាតហ្វូនរបស់ក្រុមហ៊ុននិមួយៗនៅឡើយទេ។

សម្រាប់ការនំាចេញសរុបនៅពេលនោះ គឺមានចំនួន 288.9 លានគ្រឿង កើនឡើងចំនួន 12% ប្រៀបធៀបទៅនឹងរយៈពេលដូចគ្នានៅឆ្នាំ 2023 ដែលតួរលេខនេះ គឺបង្ហាញពីការកើនឡើងទៅលើទីផ្សារនាំចេញ។ យោងតាមការបញ្ជាក់នៅពេលនេះ គឺបានបង្ហាញថា ការនំាចេញស្មាតហ្វូនរបស់ក្រុមហ៊ុន Samsung នៅត្រីមាសទី 2 នេះ គឺមានចំនួន 53.5 លានគ្រឿង ដែលកើនឡើងត្រឹមតែ 1% ប៉ុណ្ណោះ ប្រៀបធៀបទៅនិងរយៈពេលដូចគ្នាជាមួយនិងឆ្នាំមុន។

ក្រុមហ៊ុននេះបានគ្រប់គ្រង់ទៅលើទីផ្សារស្មាតហ្វូននេះបានចំនួន 19%។ សម្រាប់អ្នកឈរលេខរៀងបន្ទាប់ Apple គឺមានការនាំចេញបានចំនួន 45.6 លានគ្រឿង គ្រប់គ្រងចំណែកទីផ្សារបាន 16%។ ការនាំចេញនេះ គឺមានការកើនឡើងបាន 6% ខណៈដែលចំណែកទីផ្សារធ្លាក់ចុះ 1%។ ក្រឡេកមកមើល Xiaomi ដែលឈរនៅលើលេខរៀងទី 3 វិញ គឺមានការកើនឡើងដល់ទៅ 27% ជាមួយនិងការនាំចេញស្មាតហ្វូនរបស់ខ្លួនបាន 42.3 លានគ្រឿង ដោយគ្រប់គ្រងចំនែកទីផ្សារបាន 15%។

ក្រុមហ៊ុន vivo ឈរនៅលេខ 4 នាំចេញបាន 25.9 លានគ្រឿង និងមានចំណែកទីផ្សារ 9% ខណៈដែលតួលេខការនាំចេញបានការកើនឡើង 19%។ សម្រាបើទី 5 ដែលជាក្រុមហ៊ុន Transsion ដែលមានប្រេន Tecno, Infinix និង iTel នោះ គឺមានការនាំចេញបាន 25.5 លានគ្រឿង ជាមួយនិងចំណែកទីផ្សារ 9% ហើយនិងមានការតួរលេខកើនឡើង 12% ប្រៀបធៀបជាមួយនិងឆ្នាំមុន។