នៅថ្ងៃនេះ CMF ដែលជាក្រុមហ៊ុនម៉ាកយីហោមួយទៀតរបស់ក្រុមហ៊ុន Nothing បានប្រកាសថា ព្រឹត្តិការណ៍សម្ពោធផលិត ផលថ្មីរបស់ខ្លួន គឺនឹងធ្វើឡើងនៅថ្ងៃទី 28 ខែមេសាខាងមុខនេះហើយ ដោយក្នុងនោះក្រុមហ៊ុនក៏នឹងមានការបង្ហាញចេញនូវស្មាតហ្វូន CMF Phone 2 Pro រួមជាមួយនឹងផលិតផលជាច្រើនទៀតដែលមានដូចជាកាសស្តាប់ឥតខ្សែ true wireless earbuds ផងដែរ។ ជាមួយនិងផលិតផលថ្មីនេះ ក្រុមហ៊ុននេះ នឹងពង្រឹងទៅលើការឌីស្សាញរូបរាងថ្មី ការពង្រឹងទៅលើប្រព័ន្ធកាមេរ៉ា ប៉ុន្តែក្រុមហ៊ុននេះមិនទាន់ទម្លាយអំពីលក្ខណៈសម្បត្តិទាំងស្រុងរបស់ស្មាតហ្វូននេះទេ។
ការបង្ហាញវត្តមានរបស់ស្មាតហ្វូន CMF Phone 2 Pro នេះ អាចនឹងក្លាយជាការភ្ញាក់ផ្អើលមួយផងដែរ ខណៈពេលដែលក្រុមហ៊ុននេះមិនទាន់បង្ហាញស្មាតហ្វូន Pro នោះទេ កាលពីឆ្នាំមុននេះ។ សូមជំរាបថា ស្មាតហ្វូន CMF Phone 1 បានបង្ហាញខ្លួននៅក្នុងខែកក្កដាឆ្នាំ 2024 ដែលនេះ គឺជាម៉ាកយីហោស្មាតហ្វូនថ្មីរបស់ក្រុមហ៊ុន CMF។ សម្រាប់ព្រឹត្តិការណ៍ថ្មីនៅពេលខាងមុខនេះ គឺនឹងផ្តោតទៅលើស្មាតហ្វូន “Pro” version វិញម្តង។
គួរបញ្ជាក់ថា មុននេះធ្លាប់មានការបែកធ្លាយថា ស្មាតហ្វូន CMF Phone 2 Pro នេះ នឹងមានអេក្រង់ទំហំ 6.77-អ៊ីង កម្រិត FHD+ AMOLED គាំទ្រជាមួយល្បឿន 120Hz refresh rate និងមានបន្ទះឈីប MediaTek Dimensity 7400។ ស្មាតហ្វូននេះ នឹងប្រើប្រាស់នូវ Nothing OS 3.1 ជាមួយនឹង Android 15 និង IP64 ផងដែរ។ សម្រាប់ថាមពលថ្មរបស់ស្មាតហ្វូននេះប្រហែលជា 5,000mAh ជាមួយនឹងការទ្រទ្រង់ទៅលើបច្ចេកវិទ្យាសាក 50W fast charging ថែមទៀតផង។
ស្មាតហ្វូននេះ នឹងមានកាមេរ៉ាចំនួន 3 គ្រាប់ ដោយកាមេរ៉ាគោលមានទំហំ 50-Megapixel ទីពីរទំហំ 8-Megapixel ultrawide lens និងទីបីមានទំហំ 2-Megapixel Depth Sensor។ ក្រុមហ៊ុន CMF ក៏អាចនឹងបង្ហាញនូវផលិតផលជាច្រើនទៀតដូចជា CMF Buds 2, CMF Buds 2aនិង CMF Buds 2 Plus។ ផលិតផលទាំងនេះ នឹងពង្រីកទៅលើផលិតផល TWS ដែលមានស្រាប់របស់ក្រុមហ៊ុននេះ ដូចជា CMF Buds Pro 2 ជាដើម៕
