ឆ្នាំនេះ! Huawei Nova 15 Series អាចនឹងប្រើប្រាស់នូវកាមេរ៉ាដូចជំនាន់មុនដែរ

បន្ទាប់ពីការប្រកាសចេញលក់ជាផ្លូវការណ៌រួចមក Nova 14 series ត្រូវបានគេមើលឃើញថា គឺជាស្មាតហ្វូនថ្នាក់កណ្តាលថ្មីមួយដែលមានភាពល្បីល្បាញរបស់ក្រុមហ៊ុន Huawei ដោយម៉ូដែលនេះមានការគាំទ្រខ្លាំងមែនទែន។ សម្រាប់ឆ្នាំនេះ ក្រុមហ៊ុននេះ គឺនឹងមានការបង្ហាញចេញនូវស្មាតហ្វូនជំនាន់ថ្មី Nova 15 Series ថែមទៀតហើយ។ យោងតាមព័ត៌មានថ្មីនៅពេលនេះបានបង្ហើបថា ក្រុមហ៊ុននេះអាចនឹងនាំយកនូវលក្ខណៈសម្បត្តិកាមេរ៉ាដែលមាននៅលើម៉ូដែលមុន មកប្រើប្រាស់នៅលើ Nova 15 Series ដោយបន្ថែមនូវមុខងារជាច្រើនទៀតផងដែរ។

យោងតាមអ្នកទម្លាយ @GuoJing ដែលបានបង្ហោះនៅលើ Weibo គឺមានការទម្លាយអំពីលក្ខណៈសម្បត្តិនៃកាមេរ៉ាជាច្រើនរបស់ស្មាតហ្វូន Huawei Nova 15 series នេះ ហើយដោយបញ្ជាក់ថា ស្មាតហ្វូននេះ នឹងមាន 3 ម៉ូដែលគឺ Standard, Pro និង Ultra។ សូមជំរាបថា នៅក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុន Huawei បានធ្វើតាមយុទ្ធសាស្រ្តពិសេសប្លែកពីគេសម្រាប់ស្មាតហ្វូន Nova។ ក្រុមហ៊ុននេះ ធ្លាប់ប្រកាសចេញនូវស្មាតហ្វូនម៉ូដែល Ultra ជាមួយនឹងស្មាតហ្វូនត្រកូល Nova 12 និង Nova 14 ហើយសម្រាប់លេខសេស គឺមានម៉ូដែល Pro។ ប៉ុន្តែសម្រាប់ឆ្នាំ អាចនឹងមានការប្រែប្រួលសម្រាប់ស្មាតហ្វូនជំនាន់ថ្មីនេះ។ ស្មាតហ្វូនថ្មីនេះ អាចនឹងមាន 3 ម៉ូដែល។

ស្មាតហ្វូន Nova 15: សម្រាប់ស្មាតហ្វូន Nova 15 នេះ គឺនឹងមានកាមេរ៉ាគោលទំហំ 50MP និងគ្រាប់ទីពីរទំហំ 12MP telephoto portrait ខណៈដែលគ្រាប់ទីបីមានទំហំ 8MP ultrawide-angle macro lens។ ចំពោះកាមេរ៉ាមុខនៅលើស្មាតហ្វូននេះគឺមានទំហំ 50MP Selfie Sensor។ ស្មាតហ្វូនថ្មីនេះ ក៏បាននាំយកនូវ 2-way Beidou Satellite SMS ជាមួយនឹងអេក្រង់ការពារភ្នែកថែមទៀតផង។

ស្មាតហ្វូន Nova 15 Pro: ឆ្នាំនេះ ក្រុមហ៊ុន Huawei អាចនឹងបំពាក់នូវកាមេរ៉ាក្រោយដោយនៅលើស្មាតហ្វូន Nova 15 Proចំនួន 4 គ្រាប់ ដោយកាមេរ៉ាគោលមានទំហំ 50MP គ្រាប់ទីពីរមានទំហំ 12MP telephoto និងទីបីមានទំហំ 8MP ultrawide-angle ខណៈទីបួបមានទំហំ 1.5MP។ សម្រាប់កាមេរ៉ាមុខនៅលើស្មាតហ្វូននេះ គឺជាសិនស័រភ្លោះដែលមានទំហំ 50MP និង8MP។ នៅលើស្មាតហ្វូននេះ ក៏នឹងប្រើប្រាស់នូវ 2-way Beidou Satellite SMS និងមុខងារ Tiantong calling ផងដែរ។ អ្វីដែលពិសេសនោះ ស្មាតហ្វូននេះ ក៏មានប្រើប្រាស់នូវ  AI air gestures, Wi-Fi 7 និង  2nd-gen Kunlun Screen ផងដែរ។ 

ស្មាតហ្វូន Nova 15 Ultra: សម្រាប់ម៉ូដែលនេះ គឺមានភាពខុសគ្នារវាងស្មាតហ្វូន Nova 15 Pro ដោយនៅលើ Ultra នេះ គឺមានការអាប់ដែតទៅលើកាមេរ៉ា Telephoto។ នៅលើស្មាតហ្វូន Nova 15 Ultra នេះ អាចនឹងមានកាមេរ៉ា 50MP Periscope Lens ជំនួសអោយកាមេរ៉ាទំហំ 12MP។ ស្មាតហ្វូនទាំងនេះ នឹងមានអេក្រង់រាបស្មើរ៕