Huawei អាចនឹងមានការបំពាក់នូវ Cooling Chips សម្រាប់ម៉ូដែលថ្មី Mate 80 RS

ក្រោយពីការដាក់ចេញនូវយុទ្ធសាស្ត្រថ្មីទៅលើប្រព័ន្ធកាមេរ៉ាថតរូបថ្មីសម្រាប់ស្មាតហ្វូនរបស់ខ្លួននាពេលខាងមុខរួចមក នៅពេលនេះ ក្រុមហ៊ុន Huawei ត្រូវបានគេបង្ហើបថា បានកំពុងតែព្យាយាមទដោះស្រាយទៅលើបញ្ហាជាច្រើនទៀតទាក់ទងនឹងការកើនឡើងកំដៅនៅលើស្មាតហ្វូនវិញម្តង។ យោងតាមការទម្លាយថ្មីនៅថ្ងៃនេះ បាននិយាយថា ស្មាតហ្វូនស៊េរីថ្មី Mate 80 RS Ultimate Design គឺអាចនឹងមានភ្ជាប់មកជាមួយនូវបន្ទះឈីបត្រជាក់ (Cooling Chip) ថ្មី។ 

តាមរបាយការណ៌ថ្មីនៅថ្ងៃនេះ បាននិយាយថា ក្រុមហ៊ុនបច្ចេកវិទ្យាយក្សចិនមួយនេះ បាននឹងកំពុងតែស្វែងរកនូវបច្ចេកវិទ្យាជាច្រើន ដើម្បីធ្វើការដោះស្រាយទៅលើបញ្ហានៃការកើនឡើងកំដៅ គោលបំណងបង្កើនល្បឿនទៅលើស្មាតហ្វូនត្រកូល Mate ជំនាន់ថ្មីនេះ។ តាមប្រភពដែលអាចជឿជាក់បានមួយ បានបញ្ជាក់ថា ក្រុមហ៊ុន Huawei អាចនឹងប្រើប្រាស់នូវបន្ទះឈីបត្រជាក់ tech-pack cooling chip នៅលើស្មាតហ្វូន Mate 80 series របស់ខ្លួនដែលមានម៉ូឌែល RS Ultimate និង Pro+។ 

ផ្អែកលើការបែកធ្លាយនេះ បានបង្ហើបថា បន្ទះឈីបថ្មីនេះ នឹងប្រើប្រាស់ផ្តាច់មុខនៅលើស្មាតហ្វូន Mate 80 RS Ultimate ខណៈដែលអ្នកលេងអ៊ីនធឺណិតជាច្រើន បាននិយាយថា បន្ទះឈីបថ្មីនេះ ក៏អាចនឹងប្រើប្រាស់នៅលើស្មាតហ្វូន Pro+ ផងដែរ។ សម្រាប់បន្ទះឈីប cooling system គឺប្រើប្រាស់នូវ 1/10 នៃ piezo divers ដែលអាចបំភាយកំដៅបានលឿន។ ស្មាតហ្វូនថ្មី Mate 80 Pro+ និង RS Ultimate នេះ អាចនឹងប្រើប្រាស់នូវ graphene + copper foil sheet នៅលើផ្ទៃខាងក្នុង ដើម្បីជំនួយអោយម៉ាស៊ីនកាន់តែត្រជាក់ជាងមុន។ 

សូមជំរាបថា កាលពីឆ្នាំមុននេះ ក្រុមហ៊ុន Huawei បានបង្ហាញនូវអេក្រង់ dual-layer OLED នៅលើតែស្មាតហ្វូនត្រកូល RS Ultimate ខណៈពេលដែលអេក្រង់ផ្សេងទៀត គឺប្រើប្រាស់នូវបច្ចេកវិទ្យាអេក្រង់ផ្សេង។ សម្រាប់ឆ្នាំនេះ គេនៅមិនទាន់ទទួលបាននូវរបាយការណ៌ជាក់លាក់ណាមួយនៅឡើយទេទាក់ទងជាមួយស្មាតហ្វូន Huawei Mate 80 RS នេះ ខណៈដែលក្រុមហ៊ុន Huawei ក៏មិនទាន់បានទម្លាយចេញដូចគ្នា៕