ការលក់ Galaxy S25 Series នៅកូរ៉េខាងត្បូង ឈានដល់ទៅ 3 លានគ្រឿង

យោងតាមការចេញផ្សាយព័ត៌មានថ្មីនៅថ្ងៃនេះ បានសសេរថា ក្រុមហ៊ុន Samsung គឺពិតជាធ្វើបានល្អខ្លាំងមែនទែនសម្រាប់វត្តមានរបស់ស្មាតហ្វូនជំនាន់ថ្មីនៃត្រកូល S-Series ក្នុងឆ្នាំ 2025 នេះ។ តាមរបាយការណ៌ខាងលើនេះ គឺបាននិយាយថា ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ អាចស្មាតហ្វូន Galaxy S25 Series នៅលើទីផ្សារប្រទេសកូរ៉េខាងត្បូងរយៈពេលជាង 6 ខែមកនេះ បានចំនួនដល់ទៅជាង 3 លានគ្រឿង។ 

ចំនួននៃការលក់ទៅលើស្មាតហ្វូនជំនាន់ថ្មី Galaxy S25 Series នៅឆ្នាំនេះ គឺខ្ពស់ជាងការលក់ទៅលើម៉ូដែលមុនដល់ទៅពីរខែប្រៀបធៀបជាមួយនិងការលក់ Galaxy S24 series កាលពីឆ្នាំមុន។ ប្រភពខាងលើនេះបន្តថា កត្តាដែលមាននាំអោយមានការលក់លឿនបែបនេះ គឺដោយសារតែក្រុមហ៊ុន Samsung បានបញ្ចេញគម្រោង “AI Subscription Club” របស់ខ្លួនសម្រាប់ដែលជាវ Galaxy S25 series។ 

នៅក្នុងគម្រោងខាងលើនេះ ក្រុមហ៊ុន Samsung ក៏បានធ្វើការធានាទៅលើការទិញត្រឡប់មកវិញទៅលើស្មាតហ្វូននេះ ដោយអោយតម្លៃ 50% បន្ទាប់ពីការប្រើប្រាស់ 1 ឆ្នាំផងដែរ។ សូមជំរាបថា ក្រៅតែពីការលក់ Galaxy S25 series នេះបានច្រើន ក្រុមហ៊ុន Samsung ក៏បានចែករំលែកនូវព័ត៌មានស្តីពីការលក់ទៅលើស្មាតហ្វូនអេក្រង់បត់បានជំនាន់ថ្មី Z Fold7 និង Z Flip7 ផងដែរ ដោយនៅក្នុងទិន្នន័យនោះបង្ហាញថា ស្មាតហ្វូនអេក្រង់បត់បានឆ្នាំ 2025 នេះ គឺមានតួរលេខខ្ពស់ជាងម៉ូដែលមុន។