កំពូលស្មាតហ្វូនស៊េរីថ្មី vivo X300 Series នឹងបង្ហាញខ្លួននៅខែតុលាខាងមុខនេះហើយ

នៅខែតុលាខាងមុខនេះ ក្រុមហ៊ុនផលិតស្មាតហ្វូនជាច្រើនរបស់ចិន ដែលមានដូចជា OPPO, realme, OnePlus, iQOO, Redmi និង Nubia ត្រូវបានគេរំពឹងថា នឹងប្រកាសចេញស្មាតហ្វូនលំដាប់ថ្នាក់ Flagship របស់ខ្លួនជាច្រើនម៉ូដែល។ ទាក់ទងនឹងព័ត៌មាននេះ មានរបាយការណ៍ជាច្រើន បានអះអាងថា ក្រុមហ៊ុន vivo អាចនឹងប្រកាសចេញស្មាតហ្វូន vivo X300 series នៅចុងខែកញ្ញាខាងមុខនេះផងដែរ។ តាមការបែកធ្លាយថ្មីចុងក្រោយបំផុតចេញពី Smart Pikachu ក៏បានទម្លាយដែរថា ស្មាតហ្វូន vivo X300 series នឹងបង្ហាញខ្លួននៅក្នុងខែតុលាខាងមុខនេះ។

តាមអ្នកទម្លាយដដែលនេះ បានអះអាងទៀតថា ស្មាតហ្វូនជំនាន់ថ្មី vivo X300 Series នឹងបង្ហាញខ្លួននៅក្នុងខែតុលាខាងមុខនេះ។ ផ្អែកទៅលើកាលបរិច្ឆេទនៃការឈប់សម្រាកនៅក្នុងប្រទេសចិន គឺនឹងចាប់ពីថ្ងៃទី 1 ដល់ថ្ងៃទី 8 ខែតុលា និងកម្មវិធី Mid-Autumn Festival នៅថ្ងៃទី 6 ខែតុលាខាងមុខនេះ ហើយសម្រាប់ស្មាតហ្វូនជំនាន់ថ្មី vivo X300 series អាចនឹងបង្ហាញខ្លួននៅថ្ងៃទី 8 ខែតុលានេះ។ 

ស្មាតហ្វូនជំនាន់ថ្មី vivo X300 series នេះ អាចនឹងប្រើប្រាស់នូវបន្ទះឈីបជំនាន់ថ្មី Dimensity 9500។ ខុសប្លែកពីស្មាតហ្វូនX200 series ដែលបង្ហាញខ្លួនកាលពីឆ្នាំមុននេះមាន 3 ម៉ូដែលគឺ X200, X200 Pro Mini និង X200 Pro សម្រាប់វត្តមានរបស់ស្មាតហ្វូន X300 នេះ នឹងមាន 2 ម៉ូដែលប៉ុណ្ណោះ គឺមាន X300 និង X300 Pro។ សម្រាប់ស្មាតហ្វូនជំនាន់ថ្មី vivo X300 នេះ អាចនឹងមានអេក្រង់តូចទំហំ 6.3-អ៊ីង ដូចទៅនឹងស្មាតហ្វូន X200 Pro Mini ផងដែរ។

អ្នកទម្លាយនេះ បានបន្ថែមថា ស្មាតហ្វូន vivo X300 Series នេះ នឹងប្រើប្រាស់នូវកាមេរ៉ា Zeiss coating ជំនាន់ថ្មីដែលមានការបង្កើនទៅលើសមត្ថភាពនៃកាមេរ៉ាកាន់តែអស្ចារ្យ។ ក្រុមហ៊ុន vivo ក៏នឹងប្រកាសបង្ហាញនូវកាសស្តាប់ថ្មីផងដែរ។ បន្ថែមពីនេះ ស្មាតហ្វូន Vivo X300 Ultra ក៏អាចនឹងបង្ហាញខ្លួននៅក្នុងត្រីមាសទី 2 ឆ្នាំ 2026 ផងដែរ។ បច្ចុប្បន្ននេះ ក្រុមហ៊ុន Vivo ត្រៀមខ្លួនក្នុងការប្រកាសបង្ហាញស្មាតហ្វូន Vivo Y500 នៅក្នុងប្រទេសចិននៅថ្ងៃទី 1 ខែកញ្ញាខាងមុខនេះ ហើយស្មាតហ្វូន នេះនឹងមានបន្ទះឈីប Dimensity 7300 អេក្រង់ល្បឿន 120Hz AMOLED ថាមពលថ្មទំហំ 8,200mAh ជាមួយនឹង 90W charging និងកាមេរ៉ាភ្លោះទំហំ 50MP៕