អគ្គនាយក Huawei ទម្លាយចេញរូបរាងដំបូងរបស់ស្មាតហ្វូនអេក្រង់បត់ 3 តង់ជំនាន់ថ្មី Mate XTs

ថ្មីៗនេះ ក្រុមហ៊ុន Huawei ទើបតែជូនដំណឹងអំពីប្រកាសចេញជាផ្លូវការណ៌នូវវត្តមានស្មាតហ្វូនអេក្រង់បត់បាន Mate XTs Ultimate Design ដែលជាម៉ូដែលថ្មីមួយ មានការទាក់ទាញចំណាប់អារម្មណ៌ខ្លាំងមែនទែនពីសំណាក់អ្នកប្រើប្រាស់។ ក្រុមហ៊ុននេះ បានបញ្ចេញនូវរូបរាងរបស់ស្មាតហ្វូនបត់បាន 3 តង់ជំនាន់ថ្មីហើយ។ ការបង្ហាញនេះ អាចនឹងបញ្ចប់ទៅលើអាថ៌កំបាំងនៃការឌីស្សាញរបស់ស្មាតហ្វូនអេក្រង់បត់បាន 3 តង់ ថ្មីនេះ ផងដែរ។  

លោក Richard Yu ដែលជាអគ្គនាយករបស់ក្រុមហ៊ុន Huawei Consumer Business ថ្មីៗនេះ ទើបតែចែករំលែកអំពីវីដេអូថ្មីនៅលើបណ្តាញសង្កម Weibo ដែលលើកនេះ គឺមិនមែនជាវីដេអូធម្មតានោះទេ ដោយក្រុមហ៊ុននេះបានបញ្ចេញនូវរូបរាងផ្លូវការរបស់ស្មាតហ្វូនអេក្រង់បត់បាន 3 តង់ Huawei Mate XTs នេះតែម្តង។ 

សូមជំរាបថា ក្រុមហ៊ុន Huawei ធ្លាប់បង្ហាញនូវជម្រើសពណ៌ថ្មី (ស្វាយ) សម្រាប់ស្មាតហ្វូនអេក្រង់បត់បាន 3 តង់ ជាមួយនឹងរូបភាពប្រម៉ូសិនដំបូងបំផុតរបស់ខ្លួន។ យ៉ាងណាមិញ នៅក្នុងវីដេអូចុងក្រោយបំផុតនេះ ក៏មានការបង្ហាញរូបរាងរបស់ស្មាតហ្វូនបត់បាន 3 តង់នេះ ដែលមានពណ៌សដ៏ស្រស់ស្អាត។ បើទោះបីជាលោក Yu នៅមិនទាន់បានទម្លាយអំពីស្មាតហ្វូនថ្មីនេះទាំងស្រុងក៏ដោយនោះ គេអាចដឹងថាស្មាតហ្វូនថ្មីនេះ នឹងមានការប្រើប្រាស់នូវ “Ultimate Design” នៅផ្នែកខាងក្រោយ និងការប្រើប្រាស់នូវពណ៌សយ៉ាងទាក់ទាញ។

នៅក្នុងវីដេអូនេះ ក៏មានការបង្ហាញថា លោក Richard Yu កំពុងតែធ្វើការនៅលើស្មាតហ្វូនបត់បាន 3 តង់ជាមួយនឹងប៊ិក Stylus ស្តើង។ ស្មាតហ្វូន  Huawei Mate XTs នេះ នឹងទ្រទ្រង់ទៅលើ  M-Pencil ដើម្បីបង្កើនទៅលើផលិតភាពការងារថែមទៀត។ ស្មាតហ្វូន Huawei Mate XTs នឹងមានទម្រង់នៃការបត់ inward + outward ដូចគ្នាទៅនឹងស្មាតហ្វូនជំនាន់មុននេះផងដែរ។ ស្មាតហ្វូន Mate XTs នឹងបង្ហាញខ្លួននៅថ្ងៃទី 4 ខែកញ្ញាខាងមុខនេះ។ ក្រៅពីពណ៌សនេះ ស្មាតហ្វូនបត់បាន 3 តង់ថ្មីនេះនឹងមានពណ៌  Dark Black, Auspicious Red និង Crimson Purple ផងដែរ៕