ស្មាតហ្វូនស៊េរីថ្មី Xiaomi 16 Series ចំនួន 3 ទទួលបាននូវការបញ្ជាក់ពីវិញ្ញាបនបត្រ 3C

ឆ្នាំនេះជាមួយនិងវត្តមានរបស់ស្មាតហ្វូនស៊េរីថ្មី Xiaomi 16 Series ត្រូវបានគេរំពឹងថា អាចនឹងមានចំនួន 3 ម៉ូដែលរួមមានដូចជា Xiaomi 16, Xiaomi 16 Pro និង Xiaomi 16 Pro Mini។ យោងតាមព័ត៌មានថ្មីនៅថ្ងៃនេះ ស្មាតហ្វូនជំនាន់ថ្មីរបស់ក្រុមហ៊ុននេះចំនួន 3 ម៉ូដែល ត្រូវបានគេឃើញថា បានទទួលនូវការបញ្ជាក់ពីនវិញ្ញាបនបត្រ 3C នៅក្នុងប្រទេសចិនហើយ ដោយថែមទាំងមានការបញ្ជាក់ថា អាចនឹងបង្ហាញខ្លួននៅចុងខែកញ្ញាខាងមុខនេះថែមទៀតផង។

នៅក្នុងវិញ្ញាបនបត្រ 3C របស់ចិននេះ មានការបង្ហាញនូវលេខម៉ូដែល 25113PN0EC និង 25098PN5AC ដែលគេសង្ស័យថាគឺជាស្មាតហ្វូនជំនាន់លថ្មីនេះ គឺជាស្មាតហ្វូន Xiaomi 16 និង Xiaomi 16 Pro។ ថ្មីៗនេះ តាមអ្នកទម្លាយ Digital Chat Station បានអះអាងថា សម្រាប់លេខម៉ូដែមួយទៀតគឺ 2509FPN0BC ទើបតែទទួលនូវការអនុម័តពីប្រទេសចិន ហើយស្មាតហ្វូននេះនៅមិនទាន់បង្ហាញខ្លួននៅលើ Database នេះនៅឡើយទេ។

ស្មាតហ្វូននេះអាចជាម៉ូដែល Xiaomi 16 Pro Mini។ សម្រាប់ស្មាតហ្វូនទាំងនេះ គឺមានភ្ជាប់ជាមួយនឹងឆ្នាំងសាក MDY-18-EW charger ជាមួយនឹងកម្លាំង 20V 5A (100W) ផងដែរ។ ស្មាតហ្វូនទាំងនេះ នឹងប្រើប្រាស់នូវស្តង់ដារនៃការសាក 100W charging ផងដែរ។

ស្មាតហ្វូនជំនាន់ថ្មី Xiaomi 16 series នឹងបំពាក់នូវបន្ទះឈីប Snapdragon 8 Elite 2 ខណៈដែលស្មាតហ្វូន Xiaomi 16 នឹងមានអេក្រង់ទំហំ 6.3-អ៊ីងគាំទ្រជាមួយនឹងគែម Bezels ស្តើងក្នុងការប្រើប្រាស់ ខណៈពេលដែលម៉ូដែល Pro នឹងមានអេក្រង់ទំហំ 6.8-អ៊ីង។ សម្រាប់កាមេរ៉ារបស់ស្មាតហ្វូននេះ អាចនឹងមានកាមេរ៉ាគោលប្រើសិនស័រ OV50Q និងមួយគ្រាប់ទៀតជា Telephoto សម្រាប់ standard ខណៈពេលដែលស្មាតហ្វូន Pro និង Pro Max នឹងប្រើប្រាស់នូវ  Smartsens ទៅលើកាមេរ៉ាគោល និងអមជាមួយនឹង Periscope telephoto ដែលមានការពង្រឹងទៅលើការ zoom កាន់តែប្រសើរ។ ចំពោះ ថាមពលថ្មរបស់ស្មាតហ្វូន Xiaomi 16 គឺ 7000mAh ខណៈស្មាតហ្វូន Pro Max នឹងមានថាមពលថ្មទំហំ 7500mAh ផងដែរ៕