Find X9 និង Find X9 Pro ដែលជាម៉ូដែលប្រណិតរបស់ក្រុមហ៊ុន OPPO នៅថ្ងៃនេះ ត្រូវបានអ្នកទម្លាយ Digital Chat Station ចែករំលែកនូវជម្រើសពណ៌ និងទំហំផ្ទុកហើយ។ យោងតាមប្រភពខាងលើនេះ បានបង្ហាញថា OPPO Find X9 នឹងមានរ៉េមទំហំ 12GB និង 16GB ហើយនឹងមានអង្គចងចាំទំហំ 256GB, 512GB និង 1TB ហើយនឹងមានពណ៌ Frost White, Mist Black, Light Chasing Red និង Velvet Titanium។ ស្មាតហ្វូននេះ អាចនឹងមានទម្ងន់ 203 ក្រាម។
ក្រឡេកមកមើល Find X9 Pro គឺមានទំហំ 12GB+256GB, 12GB+512GB, 16GB+512GB និង 16GB+1TB។ ហើយក៏មានម៉ូដែលពិសេស 16GB+1TB ដែលមានគាំទ្រដោយប្រព័ន្ធភ្ជាប់ផ្កាយរណប “Beidou Satellite SMS Edition” ផងដែរ។ សម្រាប់ម៉ូដែល Pro នេះ គឺមានជម្រើសពណ៌ Frost White, Chasing Light Red និង Velvet Titanium ហើយនិងមានទម្ងន់ 224 ក្រាម។ ផ្អែកតាមការបែកធ្លាយមុននេះ បានបញ្ជាក់ថា ស្មាតហ្វូនម៉ូដែល Pro នឹងមានថ្មទំហំ 7,000mAh+ ថែមទាំងមានការទ្រទ្រង់ជាមួយនិងមុខងារសាក wireless charging ទៀតផង។
ស្មាតហ្វូនជំនាន់ថ្មី Find X9 Pro ត្រូវបានគេនិយាយថា នឹងមានកាមេរ៉ាទំហំ 200MP Periscope Camera និង Telephoto Macro ហើយនឹងមានការអមដំណើរមកជាមួយនូវ Multispectral lens រួមជាមួយនិងបច្ចេកវិទ្យាការពារទឹក និងធូលីកម្រិត IP68/IP69 ថែមទៀតផង។ បន្ថែមពីនេះនៅលើស្មាតហ្វូននេះ ក៏មានការបំពាក់នូវសិនស័រ 3D ultrasonic fingerprint sensor ហើយនិងមានប៊ូតុង Customizable Side ផងដែរ។ ក្រុមហ៊ុន OPPO ក៏ប្រហែលជាមានការបតម្លើងនូវបច្ចេកវិទ្យាអេក្រង់ LIPO ទៅលើជ្រុងទាំង 4 នៃអេក្រង់រាបស្មើរ ជាមួយនិងរប្ធកាមេរ៉ា Matrix ដ៏តូចថែមទៀតផង។
Find X9 ត្រូវបានពាក្យចចាមអារ៉ាមនិយាយថា នឹងមានអេក្រង់រាបស្មើរទំហំ 6.59 គាំទ្រដោយកញ្ចក់ OLED LTPO screen មានកម្រិត 1.5K resolution និងមានល្បឿន 120Hz refresh rate។ ស្មាតហ្វូនទាំងពីរនេះ នឹងដំណើរការនៅលើបន្ទះឈីប MediaTek Dimensity 9500 ដូចគ្នា ខណៈដែល Find X9 អាចនឹងមានថ្មទំហំ 7,025mAh គាំទ្រដោយកម្លាំងសាក 80W wired និង 50W wireless charging។ ស្មាតហ្វូននេះមានកាមេរ៉ា 4 គ្រាប់ទំហំ 50MP និងមានបច្ចេកវិទ្យា IP68/IP69 rating ហើយនិង dual stereo speakers។