ជាមួយនឹងការបង្ហាញវត្តមានរបស់កុំព្យុទ័រដែលមានរូបរាងស្តើង និងមានទម្ងន់ស្រាលម៉ូដែល Galaxy Book 5 នាពេលថ្មីៗនេះ ក្រមហ៊ុន Samsung ក៏បានប្រកាសចេញនូវស្មាតហ្វូនលំដាប់ថវិកាថ្មីរបស់ខ្លួននៅក្នុងត្រកូលស្មាតហ្វូន Galaxy A series ផងដែរ។ ស្មាតហ្វូនស៊េរីថ្មី Galaxy A17 5G គឺជាស្មាតហ្វូនដែលស្ថិតនៅលើស្មាតហ្វូន Galaxy A07 ដែលមានលក្ខណៈសម្បត្តិប្រសើរជាងមុន និងមុខងារពិសេសៗជាច្រើនទៀត។
.jpg)
ខុសប្លែកពីស្មាតហ្វូន Galaxy A07 ក្រុមហ៊ុន Samsung ទើបតែប្រកាសបង្ហាញស្មាតហ្វូន Galaxy A17 5G ជាមួយនឹងកញ្ចក់អេក្រង់ Super AMOLED ។ ស្មាតហ្វូននេះមានអេក្រង់ទំហំ 6.7-អ៊ីងគាំទ្រជាមួយនឹងកម្រិតភាពច្បាស់ FHD+ resolution, 16M color depth ល្បឿន 90Hz refresh rate ហើយនិងមានការការពារដោយកញ្ចក់រឹងមាំ Corning Gorilla Glass Victus សម្រាប់ការពារថែមទៀតផង។ ផ្នែកខាងមុខរបស់ស្មាតហ្វូននេះមានកាមេរ៉ាទំហំ13MP selfie ស្ថិតនៅក្នុង waterdrop notch។ កាមេរ៉ាខាងក្រោយរបស់ស្មាតហ្វូននេះមាន 3 គ្រាប់ គឺកាមេរ៉ាគោលទំហំ 50MP គ្រាប់ទីពីរមានទំហំ 5MP (Ultra Wide) និងគ្រាប់ទីបីមានទំហំ 2MP (Macro)។
ស្មាតហ្វូន Galaxy A17 5G នេះមានថាមពលថ្មទំហំ 5,000mAh ជាមួយនឹងបច្ចេកវិទ្យាសាកថ្មលឿនកម្លាំង 25W wired fast charging។ ស្មាតហ្វូនលំដាប់ថវិកានេះ ដំណើរការនូវ Android 15 OS ជាមួយនឹង OneUI 7។ ក្រុមហ៊ុន Samsung សន្យាថានឹងអាប់ដេតស្មាតហ្វូននេះដល់ទៅ 6 ឆ្នាំទៅលើ Android OS និង Security Patch ដល់ទៅ 6 ឆ្នាំថែមទៀតផង។ ស្មាតហ្វូននេះ បំពាក់នូវ IP54 សម្រាប់ការពារទឹក និងធូលី ហើយក៏មានមុខងារ Gemini Live, Circle to Search, NFC, Bluetooth 5 និង fingerprint scanner ផងដែរ។
ស្មាតហ្វូនជំនាន់ថ្មី Galaxy A17 5G ថ្មីនេះ មាន 3 ពណ៌ មានប្រផះ ខ្មៅ និងខៀវ ហើយនិងមាន 3 ទំហំគឺ 6GB+128GB តម្លៃ 18,999 INR ខណៈពេលដែលទំហំ 8GB+128GB និង 8GB+256GB មានតម្លៃ 20,499 INR និង 23,499 INR៕
