ថ្មីៗនេះ ព័ត៌មានថ្មីមួយបានទម្លាយអំពីតម្លៃ និងកាលបរិច្ឆេទនៃការប្រកាសចេញស្មាតហ្វូនជំនាន់ថ្មី Xiaomi 17 Ultra នៅលើទីផ្សារ។ តាមប្រភពខាងលើនេះ និយាយថា ស្មាតហ្វូនថ្មីនេះ អាចនឹងបង្ហាញខ្លួននៅចុងខែនេះ ជាមួយនឹងការនាំមកនូវមុខងារជាច្រើនដ៏សម្បូរបែប ហើយទៅលើតម្លៃស្មាតហ្វូនជំនាន់ថ្មីនេះ ក៏នឹងមានតម្លៃសមរម្យជាងមុនផងដែរ។
យោងតាមអ្នកទម្លាយ @SmartPikachu បានចែករំលែកអំពីកាលបរិច្ឆេទនៃការប្រកាសស្មាតហ្វូន Xiaomi 17 Ultra ថ្មីនេះហើយ។ ស្មាតហ្វូនលំដាប់ថ្នាក់ប្រណិត Flagship នេះ អាចធ្វើការ Pre-Order បានចាប់ពីថ្ងៃទី 15 ដល់ 25 ខែធ្នូខាងមុខនេះហើយ។
ទន្ទឹមនឹងនេះ ក្រុមហ៊ុនផលិតស្មាតហ្វូនរបស់ចិនមួយនេះ ក៏នឹងលកជាផ្លូវការទៅលើស្មាតហ្វូននេះចាប់ពីថ្ងៃទី 26 ខែធ្នូខាងមុខនេះដែរ។ សម្រាប់ពេលនេះ គឺជាពេលវេលាដ៏ល្អបំផុតសម្រាប់រីករាយនៅក្នុងពិធីបុណ្យណូអែលខាងមុខនេះ។ បើមើលទៅលើតម្លៃនោះ អ្នកទម្លាយរូបនេះ បានបញ្ជាក់ថា ស្មាតហ្វូនថ្មីនេះ នឹងមិនមានការផ្លាស់ប្តូរខ្លាំងនោះទេ បើធៀបទៅនឹងស្មាតហ្វូនជំនាន់មុននេះ។
ដូចនេះ យើងអាចរំពឹងថា ស្មាតហ្វូនជំនាន់ថ្មី Xiaomi 17 Ultra នេះ នឹងមានតម្លៃដូចគ្នាទៅនឹងជំនាន់មុនដែរ។ យ៉ាងណាមិញ ពេលនេះ សម្រាប់ការប្រកាសជាផ្លូវការត្រូវរង់ចាំបន្តិចសិន។ ក្រៅពីតម្លៃ និងកាលបរិច្ឆេទនៃការប្រកាសជាផ្លូវការនេះ អ្នកទម្លាយរូបនេះ បានបញ្ជាក់ថា កត្តាមួយដែលជម្រុញទៅលើការលក់ស្មាតហ្វូនជំនាន់ថ្មី Xiaomi 17 Ultra គឺសិនស័រកាមេរ៉ា Dynamic 1 អ៊ីង។ ក្រុមហ៊ុន Xiaomi ក៏ប្រើប្រាស់នូវបច្ចេកវិទ្យាជាច្រើនរបស់កាមេរ៉ា Leica ទៅលើស្មាតហ្វូន Ultra របស់ខ្លួនកាន់តែខ្លាំងក្លាផងដែរ៕
