Galaxy S26 Ultra នឹង Galaxy S26 បង្ហាញវត្តមាននៅលើបញ្ជី Geekbench

នៅថ្ងៃនេះ ស្មាតហ្វូនជំនាន់ថ្មីរបស់ក្រុមហ៊ុន Samsung ម៉ូដែល Galaxy S26 Ultra និង Galaxy S26 ត្រូវបានគេប្រទះឃើញថា បានឆ្លងកាត់ការចុះបញ្ជីរបស់ Geekbench benchmarking រួចរាល់ហើយ ខណៈដែលការដាក់សម្ពោធជាផ្លូវការណ៌ គឺនឹងធ្វើឡើងនៅថ្ងៃទី 25 ខែកុម្ភៈខាងមុខនេះ នៅទីក្រុង San Francisco សហរដ្ឋអាមេរិក។ គួរបញ្ជាក់ផងដែរថាស កាលពីពេលថ្មីៗនេះ Galaxy S26+ ក៏ទើបតែទទួលបាននូវការបញ្ជាក់ពីវិញ្ញាបនបត្រ  TUV certification ហើយថែមទាំងបញ្ជាក់ពីទំហំថាមពលថ្មដូចគ្នា។

តាមរយៈបញ្ជីខខាងលើនេះ បានបង្ហាញថា Galaxy S26 Ultra និង Galaxy S26+ គឺមានលេខកូដ SM-S948 និង SM-S942 ហើយនឹងមានការបញ្ជាក់ពីបន្ទះឈីប ទំហំរ៉េម និងប្រព័ន្ធប្រតិបត្តិការណ៌ផងដែរ។ ស្មាតហ្វូនជំនាន់់់ថ្មីទាំងពីរនេះ គឺដំណើរការនៅលើបន្ទះឈីប Qualcomm Snapdragon 8 Elite Gen 5 SoC ហើយនឹងមានបញ្ជាក់ពីក្រាហ្វិកកាត Adreno 840 GPU ទៀតផង។ សម្រាប់ល្បឿនៃបន្ទះឈីបនេះ គឺមានល្បឿនខុសគ្នា ទៅលើម៉ូដែលស្តង់ និងម៉ូដែលប្រណិត។ 

ប្រភពខាងលើនេះបន្តថា Galaxy S26 Ultra ប្រើប្រាស់នូវបន្ទះឈីបខ្លាំងជាង ដោយមាន 2 Core រត់បានល្បឿន 4.19GHz និង 6 cores ល្បឿន 3.63GHz។ ទៅលើការប្រៀបធៀបជាមួយនិងបន្ទះឈីបស្តង់ដារ Snapdragon 8 Elite Gen 5 គឺមាន 2 Core រត់បាមល្បឿន 4.61GHz និង 6 cores ល្បឿន 3.63GHz។ ចំពោះ Galaxy S26 វិញ គឺមាន 2 Core រត់បាន 4.74GHz និង 6 Core រត់បានល្បឿន 3.63GHz។ ស្មាតហ្វូនទាំងពីរនេះដំណើរការនៅលើរ៉េម 12GB និង Android 16 ដូចគ្នា។ Samsung Galaxy S26 series ត្រូវបានគេនិយាយថា នឹងមានវត្តមាននៅថ្ងៃទី 25 ខែកុម្ភៈ ហើយនឹងដាក់លក់នៅខែមីនា។