នៅពេលនេះ ក្រុមហ៊ុន Chevrolet ពិតជាចង់បានចំណែកទីផ្សារខ្លះរបស់ខ្លួននៅក្នុងប្រទេសចិនហើយ បន្ទាប់ពីក្រុមហ៊ុនធំរបស់អាមេរិក បានបញ្ចប់ការងារមួយចំនួននៅប្រទេសថៃ និងប្រទេសអូស្រ្តាលី។ នៅពេលនេះ សម្រាប់ទីផ្សារប្រទេសចិន គឺមានតម្រូវការខ្លាំងទៅលើរថយន្ត Crossover។ សម្រាប់រថយន្តប្រភេទនេះ គឺក្រុមហ៊ុនចេញលក់ដែលមានតម្លៃចាប់ពី $22,780 ដែលជាម៉ាកយីហោក្រុមហ៊ុន Menlo ដែលពេលនេះ បានក្លាយជាម៉ាកយីហោរថយន្ត Crossover EV ដែលមានរូបរាងតូច និងតម្លៃសមរម្យដែលអ្នកអាចទិញបាននៅក្នុងប្រទេសចិន ហើយនេះពិតជាសមរម្យជាងរថយន្ត Tesla Model Y ដែលមានតម្លៃចាប់ពី $60,000។
.jpg)
រថយន្តនេះ គឺមានថាមពលថ្មទំហំ 52.5-kWh ហើយការបញ្ចូលថាមពលថ្មម្តងនៅលើរថយន្ត Menlo គឺអាចប្រើប្រាស់បានចម្ងាយ 250 ម៉ាយ៍។ គួរបញ្ជាក់ថា មួយរយៈចុងក្រោយនេះ ក្រុមហ៊ុន Chevrolet បាននិងកំពុងតែប្រកួតប្រជែងកាន់តែខ្លាំងជាមួយនឹងក្រុមហ៊ុន Tesla ហើយសម្រាប់រថយន្ត EVs របស់ចិន ជាច្រើនទៀត ដែលបង្ហាញនាពេលថ្មីៗនេះ គឺជាប្រភេទរថយន្តអេឡិចត្រូនិចនៅក្នុងប្រទេសចិន ក៏មានប្រភេទ Menlo crossover ផងដែរ។ កាលពីឆ្នាំមុននេះ ការលក់របស់ក្រុមហ៊ុន Tesla គឺមានការកើនឡើងដល់ទៅ 40,000 គ្រឿង នៅក្នុងប្រទេសចិន ដែលច្រើន ជាងការលក់នៅក្នុងឆ្នាំ 2018 ទ្វេរដង បើទោះបីជាមានការលក់ធ្លាក់ចុះខ្លាំងនៅលើទីផ្សារផងដែរ។
សម្រាប់ថាមពលថ្មរបស់ Menlo Crossover នេះ បញ្ចូលថាមពលថ្មបាន 80% គឺប្រើពេលត្រឹមតែ 40 នាទីប៉ុណ្ណោះ តាមរយៈ (DC) charger។ រថយន្ត EV ថ្មីនេះមាន 3 Modes សម្រាប់ធ្វើការជ្រើសរើស គឺ Eco, Normal និង Sporty។ តាមការបញ្ជាក់របស់នាយកគ្រប់គ្រងទូទៅរបស់ក្រុមហ៊ុន Chevrolet លោក Scott Lawson បាននិយាយថា “ជាមួយនឹងរថយន្តដែលប្រើប្រាស់នូវថាមពលថ្មីនេះ រថយន្ត Chevrolet Menlo នេះគឺបន្តមរតកពីរថយន្ត Chevrolet's sporty DNA ដែលជាប្រភេទរថយន្តប្រណាំងនោះ។”
រថយន្តនេះ នឹងបំពេញនូវតម្រូវការនៃកម្លាំងថាមពល និងស្ទាយ៍សម្រាប់អតិថិជនជាច្រើន ហើយនៅក្នុងរយៈពេលដូចគ្នានេះវាគឺផ្តល់នូវថាមពលកាន់តែមានប្រសិទ្ធិភាពបំផុតក្នុងការប្រើប្រាស់ថែមទៀតផង ដូចអ្វីដែលមនុស្សជាច្រើនបានរំពឹងទុក។ រថយន្តនេះ គឺមាន 4 ប្រភេទ គឺ Starshare, Galaxy, Nebula និង Starlux។ រថយន្តនេះគឺមានភ្ជាប់ជាមួយនឹងភ្លើងមុខ LED និងការឌីស្សាញជាមួយនឹងដំបូលថ្មីថែមទៀតផង។ ក្រុមហ៊ុន Chevrolet ក៏មានបំពាក់នូវអេក្រង់ 10.1-inch LCD touchscreen និងអេក្រង់ 8-inch TFT LCD នៅលើម៉ូដែលនីមួយៗថែមទៀតផង៕
