ក្រុមហ៊ុនផលិតរថយន្ត Volkswagen កំពុងតែត្រៀមរៀបចំខ្លួនក្នុងការបញ្ចេញនូវរថយន្តអគ្គិសនីជាច្រើនម៉ូឌែលនៅក្នុងរយៈពេលប៉ុន្មានឆ្នាំខាងមុខនេះ។ ប៉ុន្តែពេលនេះ ក្រុមហ៊ុនផលិតរថយន្តនេះ ក៏នឹងបញ្ចេញនូវរថយន្តស៊េរីថ្មីដែលមានសមត្ថភាពខ្លាំងក្លាមែនទែនជាមួយការដំណើរការដោយថាមពលថ្មផងដែរ។ សម្រាប់គំនិតនៃរថយន្តស៊េរីថ្មីនេះ នឹងមានការដាក់បង្ហាញនៅក្នុងព្រឹត្តិការណ៍ពិពរណ៍ Frankfurt Motor Show 2019 នៅចុងខែនេះថែមទៀតផងផង។
រថយន្តនេះនឹងមានឈ្មោះហៅថា Cupra Tavascan ហើយវាគឺផ្អែកទៅលើ MEB platform ដែលស្ថិតនៅក្នុងត្រកូលនៃម៉ូឌែល Volkswagen ID ។ ប៉ុន្តែសម្រាប់រថយន្តនេះគឺមានពាក់ជាមួយនឹងនិមិត្តសញ្ញា VW ផងដែរ។ សម្រាប់អ្នកគាំទ្រជាច្រើននៅក្នុងទ្វីបអ៊ឺរ៉ុបដឹងថា ការប្រើប្រាស់នូវឈ្មោះ Cupra នេះគឺនឹងក្លាយជារថយន្តដែលប្រើប្រាស់នូវអគ្គិសនីដែលគ្រោងនឹងបង្ហាញខ្លួននៅលើដងផ្លូវជាច្រើនក្នុងពេលឆាប់ៗនេះ។
រថយន្តនេះមើលទៅស្រដៀងគ្នាទៅនឹងរថយន្ត Tesla ផងដែរ។ សម្រាប់រថយន្តស៊េរីថ្មី Cupra Tavascan នេះគឺប្រើប្រាស់នូវម៉ូទ័រអេឡិចត្រូនិចដែលមានកម្លាំង 302 សេះ0 ដែលអាចធ្វើដំណើរបានដល់ទៅល្បឿន 62 mph នៅក្នុងរយៈពេលក្រោម 6.5 វិនាទី។
សម្រាប់ថាមពលថ្មរបស់វា គឺមានចំនួន 77 គីឡូវ៉ាត់ម់ោង ដែលអាចធ្វើដំណើរបានចម្ងាយ 280 ម៉ាយ៍។ លោក Wayne Griffiths ដែលជា CEO របស់ក្រុមហ៊ុន Cupra បាននិយាយថា “ជាមួយនឹងវត្តមាននៃគំនិតដ៏អស្ចារ្យនៃរថយន្តអេឡិចត្រូនិច CUPRA Tavascan នេះ គឺពិតជារថយន្តអគ្គិសនីដ៏អស្ចារ្យបំផុត ដែលគ្រោងនឹងធ្វើដំណើរនៅលើដងផ្លូវជាច្រើន៕”