ក្រុមហ៊ុនផ្គត់ផ្គង់របស់ក្រុមហ៊ុនបច្ចេកវិទ្យា Apple ដែលមានឈ្មោះហៅថា Foxconn Technology Group គឺស្ថិតនៅក្នុងការវិនិយោគទៅលើក្រុមហ៊ុនរថយន្តអគ្គិសនីរបស់ចិនដែលមានឈ្មោះហៅថា Byton។ កិច្ចព្រមព្រៀងនេះ អាចអោយក្រុមហ៊ុនបច្ចេកវិទ្យារបស់តៃវ៉ាន់នេះ ពង្រីកនូវការវិនិយោគនៅក្នុងឧស្សាហកម្មរថយន្តនេះជាជាងការតម្លើងស្មាតហ្វូន iPhone។
តាមការបញ្ជាក់នៅក្នុងរបាយការណ៍របស់ South China Morning Post បានអោយដឹងថា ក្រុមហ៊ុន Foxconn មានគម្រោងក្នុងការវិនិយោគទឹកប្រាក់ចំនួនប្រហែលជា 200 លានដុល្លារអាមេរិក នៅក្នុងក្រុមហ៊ុន Tesla ហើយក៏មានគោលដៅក្នុងការអភិវឌ្ឍទ្រង់ទ្រាយធំទៅលើក្រុមហ៊ុន Byton M-Byte នៅក្នុងត្រីមាសទី 1 ឆ្នាំ 2022 នេះ ផងដែរ។ នៅក្នុងពេលនេះ ព័ត៌មាននេះ គឺមិនទាន់ចេញផ្សាយជាសាធារណៈទេ ប៉ុន្តែវាគឺប្រកាសនៅថ្ងៃច័ន្ទនេះ។
កិច្ចព្រមព្រៀងរបស់ក្រុមហ៊ុន Byton នេះ អាចនឹងក្លាយជាឱកាសដ៏សំខាន់មួយប្រសិនបើដំណឹងនេះ គឺជាការពិតនោះចាប់តាំងពីក្រុមហ៊ុននេះ ខិតខំតស៊ូក្នុងការផលិតទៅលើរថយន្តដំបូងបំផុតដែលមានឈ្មោះហៅថា M-Byte ដែលមានការទម្លាយកាលពីប៉ុន្មានឆ្នាំមុននេះផងដែរ។ បន្ថែមពីនេះទៀតនោះ ក្រុមហ៊ុនផ្គត់ផ្គង់ Apple នេះគឺនិយាយជាមួយនឹងក្រុមហ៊ុនអគ្គិសនីរបស់ចិននេះនៅក្នុងភាពជាដៃគូផងដែរ។
ក្រុមហ៊ុន Foxconn នៅមិនទាន់ឆ្លើយតបទៅនឹងដំណឹងនេះទេ ខណៈពេលដែលក្រុមហ៊ុន Byton បានបដិសេធមិនធ្វើអធិប្បាយនោះទេ។ ការបោះជំហានរបស់ក្រុមហ៊ុន Foxconn នេះ គឺបង្ហាញអំពីភាពចម្រុះមួយខណៈពេលដែលក្រុមហ៊ុននេះផ្គត់ផ្គង់សម្រាប់ក្រុមហ៊ុន Apple ផងដែរ។ ក្រុមហ៊ុនបច្ចេកវិទ្យាយក្សជាច្រើន ពេលនេះ បានបង្កើននូវការវិនិយោគជាច្រើននៅក្នុងរថយន្តអេឡិចត្រូនិច ជាមួយនឹងបច្ចេកវិទ្យាជាច្រើនផងដែរ។ សម្រាប់ក្រុមហ៊ុន Huawei ក៏ធ្វើការអភិវឌ្ឍទៅលើបច្ចេកវិទ្យាមួយដែលប្រើប្រាស់នៅលើរថយន្តឆ្លាតវៃជាច្រើនទៀតផងដែរ នៅក្រោមម៉ាកយីហោ HiCar៕