ថ្មីៗនេះ យោងតាមរបាយការណ៍បានបញ្ជាក់ថា ភាគហ៊ុនរបស់ក្រុមហ៊ុន Tesla បានហក់ឡើងដល់តម្លៃទៅ $820 នៅក្នុងមួយថ្ងៃ ដែលលោក Musk គឺជាម្ចាស់ភាគហ៊ុនម្នាក់នៅក្នុងចំណោមម្ចាស់ភាគហ៊ុនជាច្រើនរបស់ក្រុមហ៊ុននេះ ដែលក្លាយជាអ្នកមានបំផុតរបស់ពិភពលោកដែលមានទឹកប្រាក់រាប់ពាន់លានដុល្លារ។ លោក Elon Musk បានបង្ហាញពីយុទ្ធសាស្រ្តដ៏ពិសេសរបស់លោក ជាមួយនិងពាក្យមួយឃ្លាថា រឿងដែលសំខាន់បំផុត គឺយើងត្រូវជឿជាក់នៅលើសុបិន្តរបស់ខ្លួនឯង ហើយអ្វីគ្រប់យ៉ាងនឹងមានលទ្ធផល។
សូមជំរាបថា កាលពីមួយថ្ងៃមុននេះ តម្លៃភាគហ៊ុននេះ គឺមានចំនួន $745 ខណៈពេលដែលលោក Musk បានជាប់ចំណាត់ថ្នាក់លេខ 2 នៅក្នុងពិភពលោកជាបុរសដែលមានបំផុតរបស់ពិភពលោកដែលឈរនៅពីក្រោយលោក Jeff Bezos នាយកប្រតិបត្តិរបស់ក្រុមហ៊ុន Amazon ដែលមានទឹកប្រាក់ចំនួន 184 ពាន់លានដុល្លារអាមេរិក។ ជាលទ្ធផលនៅក្នុងថ្ងៃនេះ វាពិតជាសំណាងរបស់លោក Musk គឺជិតដល់ទៅ $200 ពាន់លានដុល្លារអាមេរិក។ ប៉ុន្តែ ប្រធានរបស់ក្រុមហ៊ុន Tesla នេះនៅក្នុងឆ្នាំ 2020 នេះ គឺមានទឹកប្រាក់ចំនួន 27 ពាន់លានដុល្លារ ហើយគាត់ជាមនុស្សដែលមានបំផុតទី 2 របស់ពិភពលោក។
ដើមទុនរបស់ក្រុមហ៊ុន Tesla បានកើនឡើងចំនួន 57 ពាន់លានដុល្លារអាមេរិកនៅក្នុងមួយថ្ងៃ ដោយចាប់ពី 716.5 ទៅ 773.5 ពាន់លានដុល្លារអាមេរិក។ តើអ្វីដែលជាហេតុផលសម្រាប់ការកើនឡើងនេះ? នេះ គឺដោយសារតែភាពសុទ្ធិដ្ឋិនិយមដោយសារតែការបញ្ជាក់ថាលោក Joe Biden (Joseph Biden) នឹងក្លាយជាប្រធានាធិបតីថ្មីរបស់សហរដ្ឋអាមេរិក។ លោកJoe Biden គឺជាអ្នកប្រជាធិបតេយ្យដែលផ្តោតទៅលើផ្នែកបច្ចេកវិទ្យា និងថាមពលបៃតងនេះ។ ក្រុមហ៊ុន Tesla គឺជាក្រុមហ៊ុនដែលនាំមុខគេនៅក្នុងឧស្សាហកម្មរថយន្តអេឡិចត្រូនិចនេះ។
គួរបញ្ជាក់ថា កន្លងមកមានពាក្យចចាមអារ៉ាមជាច្រើន បានបញ្ជាក់ថា ប្រធានរបស់ក្រុមហ៊ុន Tesla លោក Elon Musk បានព្យាយាមក្នុងការលក់ក្រុមហ៊ុនរបស់ខ្លួនទៅកាន់ក្រុមហ៊ុន Apple។ ព័ត៌មាននេះ គឺមានការបញ្ជាក់ដោយលោក Musk តែម្តង។ នៅក្នុងការបញ្ចេញនូវរថយន្តម៉ូឌែល Model 3 នេះ ខ្ញុំបានទៅរកលោក Tim Cook ដើម្បីពិភាក្សាអំពីការលក់ក្រុមហ៊ុន Tesla ដែលមាន 1/10 ទៅកាន់ក្រុមហ៊ុន Apple ប៉ុន្តែគាត់បដិសេធ មិនមកជួបក្នុងការប្រជុំនេះទេ។ បន្ថែមពីនេះទៀតនោះ លោក Musk បានបញ្ជាក់ថា ក្រុមហ៊ុន Tesla នេះ គឺប្រើប្រាស់នូវថាមពលថ្ម LFP ទៅលើរថយន្តអេឡិចត្រូនិចជាច្រើន ដែលធ្វើការផលិតនៅក្នុងទីក្រុងស៊ាងហៃ ខណៈពេលដែលក្រុមហ៊ុន Apple ចង់ប្រើប្រាស់នូវថាមពលថ្ម “single-cell” នោះ គឺមិនអាចទៅរួចនោះទេ៕