សព្វថ្ងៃនេះ សម្រាប់ទីផ្សារម៉ូតូអេឡិចត្រូនិច ឃើញថា ផលិតផលរបស់ប្រទេសចិន គឺមានការពេញនិយមខ្លាំងមែនទែននៅទូទាំងពិភពលោក។ ហើយនៅពេលនេះ នៅក្នុងទីផ្សារប្រទេសនេះ ក៏នឹងមានម៉ូតូអគ្គិសនីថ្មីមួយទៀត ដែលមានតម្លៃសមរម្យ និងទម្ងន់ស្រាលក្នុងការប្រើប្រាស់ផងដែរ។ ក្រុមហ៊ុន Honda របស់ជប៉ុនដែលមានមូលដ្ឋាននៅប្រេទេសចិន បានប្រកាសចេញនូវម៉ូតូអគ្គិសនីជំនាន់ថ្មីរបស់ខ្លួនថ្មីមួយ ម៉ូដែល Honda U-BE e-scooter សម្រាប់ទីផ្សារនេះ។
បើតាមការបញ្ជាក់របស់ក្រុមហ៊ុនបានអោយដឹងថា ម៉ូតូ Honda U-BE មានទម្ងន់ 54kg និងតម្លៃ 3,099 yuan ($477) ហើយនេះ គឺជាម៉ូតូដែលមានតម្លៃថោកជាងគេបំផុតនៅលើទីផ្សារ។ ម៉ូតូ Honda U-BE នេះគឺមានការឌីស្សាញរូបរាងសាមញ្ញ និងស្រស់ស្អាតបំផុត។ ម៉ូតូអគ្គិសនីនេះ គឺមានថាមពលថ្មដែលអាចដោះចេញបាន និងម៉ូទ័រ 1.2kW power hub motor។
ម៉ូតូ Honda U-BE អាចធ្វើដំណើរសម្រាប់មនុស្សម្នាក់ប៉ុណ្ណោះ ដូចនេះ ម៉ូតូនេះ គឺមិនមានសម្រាប់អ្នកធ្វើដំណើរជាមួយនោះទេ។ ម៉ូតូអគ្គិសនី Honda U-BE e-scooter នេះ មានភ្លើងសញ្ញានៅផ្នែកខាងក្រោយ និងផ្នែកខាងមុខថែមទៀតផង។ ម៉ូតូនេះ ក៏មានអេក្រង់ LCD ដែលបង្ហាញនូវល្បឿន ចម្ងាយផ្លូវ ភាគរយនៃថាមពលថ្ម និងព័ត៌មានជាច្រើនទៀត។ ម៉ូតូអគ្គិសនី U-BE នេះ មានម៉ូទ័រ 350W hub motor ដែលមានល្បឿនដល់ទៅ 25kmph។ ក្រុមហ៊ុនបានបន្តថា សម្រាប់ការចេញលក់ម៉ូតូ Honda U-BE នេះ គឺជាការប្រកាសចេញនូវផលិតផលថ្មី ដែលមានតម្លៃសមរម្យបំផុត ហើយថែមទាំងអាចធ្វើដំណើរបានចម្ងាយពី 55km ទៅ 80km ទៀតផង វាមិនគួរអោយជឿ៕