នៅពេលនេះ បញ្ហានៃបន្ទះឈីបបានក្លាយជាការព្រួយបារម្ភជាសកល ហើយវាក៏មានការប៉ះពាល់ទៅលើការផលិតជាច្រើនទៅលើឧបករណ៍ជាច្រើនផងដែរ។ សម្រាប់ពេលនេះ នៅមិនទាន់មានដំណោះស្រាយនៅឡើយទេ។ ក្រុមហ៊ុនជាច្រើន អាចនឹងប្រឈមមុខទៅនឹងបញ្ហានៃកង្វះបន្ទះឈីបជាច្រើននៅឆ្នាំក្រោយនេះ។
ក្រុមហ៊ុន Tesla បានប្រាប់ទៅកាន់បុគ្គលិកជាច្រើនរបស់ខ្លួនអំពីបញ្ហានៃកង្វះនៃការផ្គត់ផ្គង់ជាច្រើន ដែលមានការប៉ះពាល់ទៅលើអាជីវកម្មបន្ទះសូឡាថែមទៀតផង។ កាលពីឆ្នាំមុននេះ មានការនិយាយជាច្រើន អំពីបញ្ហានៃកង្វះខាតទៅលើការផ្គត់ផ្គង់នេះ ដែលមានការប៉ះពាល់ទៅលើអាជីវកម្មរថយន្តរបស់ក្រុមហ៊ុន Tesla ផងដែរ។ យ៉ាងណាមិញ គ្មានអ្នកណាម្នាក់ដឹងអំពីបញ្ហានៃការប៉ះពាល់ទៅលើបន្ទះឈីបនោះទេ នៅលើអាជីវកម្មបន្ទះសូឡានោះទេ។
តាមការបញ្ជាក់នៅក្នុង Electrek នៅក្នុងអ៊ីម៉ែល គឺមួយបានផ្ញើរដោយក្រុមហ៊ុន Tesla ទៅកាន់បុគ្គលិកជាច្រើន នៅក្នុងអាជីវកម្មសូឡា កាលពីសប្តាហ៍មុននេះ គឺបានប្រាប់ពួកគេ អំពីការពន្យារពេលទៅលើការតម្លើងមួយចំនួនផងដែរ។ នៅក្នុងអ៊ីម៉ែលនេះ គឺមានការបញ្ជាក់ថា “យើងបញ្ជាក់ជាមួយនឹងក្រុមខ្សែសង្វាក់ផ្គត់ផ្គង់ថា បញ្ហនៃការផ្គត់ផ្គង់នេះ នឹងមានការជះឥទ្ធិពលទៅលើការតម្លើងផងដែរ។”
ក្រុមហ៊ុន Tesla រំពឹងថា ការតម្លើងនៅក្នុងត្រីមាសនេះ នឹងមានការជះឥទ្ធិពលដល់ទៅ 3~4MW (megawatts)។ ក្រុមហ៊ុននេះ បានអះអាងថា ការតម្លើងនូវបន្ទះសូឡា អាចនឹងកំណត់ពេលវេលាឡើងវិញនៅចុងខែក្រោយនេះ។ កាលពីដើមឆ្នាំនេះ ក្រុមហ៊ុន Tesla បានបង្ហាញនូវបន្ទះសូឡាថ្មីដែលមានកម្លាំង 420W។ ថ្មីៗនេះ ក្រុមហ៊ុននះ ក៏បានផ្តល់សិទ្ធិដល់ការផលិត ផលថាមពល និងបន្ទះសូឡា “Tesla Energy Ecosystem” ទៅកាន់ក្រុមហ៊ុនភាគីទី 3 ផងដែរ៕