Tesla Cybertruck ត្រូវគេបញ្ជាក់ថា នឹងបំពាក់នូវប្រព័ន្ធ 4-Wheel Steering ដែលមានថាមពលដ៏ខ្លាំងក្លាបំផុត

នៅពេលនេះ ក្រុមហ៊ុន Tesla កំពុងតែពន្លឿនទៅលើកិច្ចខិតខំរបស់ខ្លួននៅក្នុងការប្រកាសចេញនូវរថយន្ត Cybertruck របស់ខ្លួន។ យោងតាមការបង្ហាញនៅក្នុងវីដេអូមួយដែលទម្លាយនៅថ្ងៃនេះ គឺបានបញ្ជាក់ថា រថយន្ត Tesla Cybertruck នឹងបំពាក់នូវប្រព័ន្ធ rear-axle steering system ដែលក្រុមហ៊ុននេះបានគ្រោងនឹងបំពាក់នូវប្រព័ន្ធនេះនៅក្នុងខែឆ្នាំ 2021 មកម្លេះ ប៉ុន្តែអ្វីៗត្រូវបានអាក់ខានដោយសារតែពិភពលោកជួបនូវបញ្ហាជាច្រើន តម្រូវអោយក្រុមហ៊ុននេះ មានការពន្យារពេលដល់ទៅ 3 ឆ្នាំ។ 

នៅក្នុងកិច្ចប្រជុំហិរញ្ញវត្ថុនៅក្នុងត្រីមាសទី 4 ឆ្នាំ 2022 កន្លងទៅនេះ លោក Elon Musk ធ្វើការឆ្លើយតបទៅនឹងសំណួរអំពីរថយន្ត Cybertruck នេះ ដោយគាត់បាននិយាយថា “អ្នកត្រូវបោះជំហានបន្តជាច្រើនទៀត ដើម្បីធ្វើការផលិតនូវរថយន្តនេះនៅក្នុងរដូវក្តៅនេះ។ ប៉ុន្តែការផលិតទ្រង់ទ្រាយធំ នឹងមិនចាប់ផ្តើមនោះទេ រហូតដល់ឆ្នាំក្រោយ។ ការផលិតរថយន្តនេះ មិនទាន់មានលក្ខណៈពិសេសលម្អិតអស់នៅឡើយទេ។” រថយន្ត Tesla Cybertruck នេះ នឹងមាន 3 ជម្រើស។ ក្រុមហ៊ុន Tesla bបានប្រកាសថា ខ្លួនបានសម្រេចចិត្តនៅក្នុងការពន្យារពេលទៅលើការផលិតទៅលើរថយន្ត entry-level single-motor, two-wheel-drive (RWD) ស្របពេលដែលប្រព័ន្ធ  rear-axle steering system គឺត្រូវបានប្រើប្រាស់ដោយក្រុមហ៊ុនធំៗជាច្រើនដូចជា Mercedes និង Audi  រួចមក។

ក្រុមហ៊ុនផលិតរថយន្តអគ្គិសនីរបស់អាមេរិកដ៏ធំមួយនេះ បានបញ្ជាក់បន្ថែមថា ខ្លួនបានបង្កើតនូវគំរូនៃរថយន្តថ្មី Cybertruck Beta។ រថយន្តមួយក៏មានវត្តមាននៅក្នុងទីក្រុង Palo Alto កាលពីដើមសប្តាហ៍នេះ ដោយនៅលើរថយន្តនេះ ក៏មានការផ្លាស់ប្តូរទៅលើ Electronics hardware ផងដែរ។ ជាមួយគ្នានៅក្នុងរថយន្តម៉ូដែល Cybertruck ក៏មានកម្មវិធី  Full Self Driving software ត្រូវបានអភិវឌ្ឍនៅលើ Hardware 3 ថែមទៀត។  ប្រភពខាងលើនេះ បានបន្តថា សម្រាប់ 4th version នឹងបង្ហាញខ្លួនជាមួយនឹងរថយន្ត Cybertruck។ មានពាក្យចចាមអារ៉ាមថា ការផលិតទ្រង់ទ្រាយធំទៅលើរថយន្តម៉ូដែល Cybertruck នឹងចាប់ផ្តើមនៅក្នុងឆ្នាំ 2023 នេះ។ សូមជំរាបថា ក្រុមហ៊ុន Tesla ធ្លាប់បានប្រកាសថា រថយន្ត  Cybertruck គឺនឹងមានការផលិតចំនួន 250,000 គ្រឿងជារៀងរាល់ឆ្នាំ៕