ក្រុមហ៊ុន Hyundai នឹងចាប់ផ្តើមសង្វាក់ផលិតរថយន្តអគ្គិសនីរបស់ខ្លួននៅលើទឹកដីសហរដ្ឋអាមេរិកលឿនជាងកាលវិភាគដែលបានគ្រោងទុក

ស្ថិតនៅក្រោមច្បាប់ឥណទានពន្ធថ្មីដែលបានធ្វើការបន្ទូរបន្ថយពន្ធសម្រាប់ការផលិតរថយន្តអគ្គិសនីនៅលើទឹកដីសហរដ្ឋអាមេរិកដែលបានបញ្ចុះមកនៅត្រឹម $7,500 សម្រាប់រថយន្តអគ្គិសនីដែលផលិតនៅលើទឹកដីសហរដ្ឋអាមេរិក ឬបណ្តាប្រទេសដែលសហរដ្ឋអាមេរិកមានកិច្ចព្រមព្រៀងពាណិជ្ជកម្មសេរីជាមួយ។ ជាងនេះទៅទៀតទៅលើថ្មដែលប្រើនៅលើក្នុងរថយន្តអគ្គិសនី (EV) ដែលផលិតនៅសហរដ្ឋអាមេរិក ត្រូវតែប្រើប្រាស់វត្ថុធាតុដើមពីទឹកដីអាមេរិកខាងជើង។ ហើយច្បាស់នេះ បានជួយសម្រួលដល់ក្រុមហ៊ុនផលិតរថយន្តអគ្គិសនីនៅក្នុងទឹកដីអាមេរិកបានផ្នែកទៅលើចំនាយទៅលើពន្ធអាករ។

ច្បាប់ឥណទានពន្ធថ្មីនេះ គឺជាកិច្ចព្រមព្រៀងដ៏ធំមួយសម្រាប់ក្រុមហ៊ុនផលិតរថយន្តនៅក្នុងអាមេរិក ហើយក្រុមហ៊ុនទាំងអស់បាននឹងកំពុងស្វះស្វែងរកដំណោះស្រាយរៀងៗខ្លួន។ ក្នុងនោះក្រុមហ៊ុន VW និង Mercedes កំពុងធានាកិច្ចព្រមព្រៀងក្នុងការប្រើប្រាស់ថ្មជាមួយកាណាដា ប៉ុន្តែ Hyundai បោះជំហានទៅមុខមួយកម្រិតទៀត ដោយក្រុមហ៊ុនផលិតរថយន្តល្បីឈ្មោះរបស់កូរ៉េខាងត្បូងមួយនេះ មានផែនការរួចរាល់ហើយក្នុងការនាំយកផលិតកម្មទៅកាន់សហរដ្ឋអាមេរិក ប៉ុន្តែមិនមែនចាំរហូតដល់ឆ្នាំ 2025 ដូចដែលរបាយការណ៍ដែលបានចេញផ្សាយនាពេលកន្លងមកនោះទេ។

បើតាមប្រភពចេញពីបណ្តាញ Yonhap News Agency បានឲ្យដឹងថា Hyundai មានគម្រោងក្នុងការបង្កើតរោងចក្រថ្មីរបស់ខ្លួននៅតំបន់ Georgia ដែលអាចនឹងចាប់ផ្តើមនៅពេលណាមួយនាដើមឆ្នាំ 2023 ហើយសង្វាក់ផលិតកម្មអាចនឹងចាប់ផ្តើមនាអំឡុងឆ្នាំ 2025 ជាមួយការដាក់គោលដៅក្នុងការផលិតរថយន្តអគ្គិសនីឲ្យបានចំនួន 30 ម៉ឺនគ្រឿង។ ទោះជាយ៉ាងណា ដោយសារតែច្បាប់ឥណទានពន្ធថ្មីនេះបានបង្ករឲ្យមានផលប៉ះពាល់ដល់ការលក់រថយន្តអគ្គិសនីរបស់ Hyundais ដូច្នេះ ក្រុមហ៊ុននេះគ្រោងនឹងនាំយកផលិតកម្មឆ្ពោះទៅឆ្នាំ 2024 ជាមួយនឹងការសាងសង់រោងចក្រតម្លៃ 5.5 ពាន់លានដុល្លារដែលនឹងចាប់ផ្តើមនៅចុងឆ្នាំនេះ។ វាសមហេតុផលសម្រាប់ក្រុមហ៊ុន Hyundai ក្នុងការពន្លឿនផែនការរបស់ខ្លួន ប្រសិនបើក្រុមហ៊ុនចង់រក្សាការប្រកួតប្រជែងទីផ្សាររថយន្តនៅលើទីផ្សារទឹកដីសហរដ្ឋអាមេរិក។

ក្រុមហ៊ុន Hyundai គ្រោងនឹងលក់រថយន្តអគ្គិសនីជិត 2 លានគ្រឿងក្នុងមួយឆ្នាំនៅត្រឹមឆ្នាំ 2030 នៅទូទាំងពិភពលោក ជាមួយនឹងម៉ូដែលថ្មីចំនួន 11 មកពីម៉ាកយីហោសំខាន់ និងរថយន្តអគ្គិសនីប្រណីតចំនួន 6 ពីក្រុមហ៊ុន Genesis Motor។ ក្នុងពេលបច្ចុប្បន្ននេះ Hyundai កំពុងទទួលបានប្រជាប្រិយភាពខ្លាំងក្នុងទីផ្សាររថយន្តសកលជាមួយនឹងម៉ូដែលថ្មី Ioniq 5 និង Ioniq 6 ហើយសម្រាប់ម៉ូដែលបន្ទាប់ Ioniq 7 ដែលជាប្រភេទរថយន្ត EV SUV ខ្នាតធំត្រូវបានគេដឹងថាអាចនឹងបង្ហាញវត្តមាននៅលើទីផ្សារនាឆ្នាំ 2024៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
សូមណែនាំនូវម៉ូតូម៉ាកល្បីៗទាំង 5 ដែលលោកអ្នកអាចពិចារណាបាន សម្រាប់ការជ្រើសរើសប្រើប្រាស់ម៉ូតូថ្មី!

សូមណែនាំនូវម៉ូតូម៉ាកល្បីៗទាំង 5 ដែលលោកអ្នកអាចពិចារណាបាន សម្រាប់ការជ្រើសរើសប្រើប្រាស់ម៉ូតូថ្មី!

ដោយ ប៉េងលីន
ក្រុមហ៊ុនហួវៃកាន់តែខ្លាំង ដាក់សម្ពោធ Huawei  nova 10 Series និង Huawei Smart Office ព្រមគ្នាផ្អើលផ្សារទំនើបអូឡាំព្យា

ក្រុមហ៊ុនហួវៃកាន់តែខ្លាំង ដាក់សម្ពោធ Huawei nova 10 Series និង Huawei Smart Office ព្រមគ្នាផ្អើលផ្សារទំនើបអូឡាំព្យា

ដោយ ប៉េងលីន
HONOR ប្រកាសសម្ពោធស្មាតហ្វូនម៉ូដែលថ្មី Magic4 Pro 5G, HONOR 70 5G, HONOR X6 នៅលើទីផ្សារកម្ពុជា

HONOR ប្រកាសសម្ពោធស្មាតហ្វូនម៉ូដែលថ្មី Magic4 Pro 5G, HONOR 70 5G, HONOR X6 នៅលើទីផ្សារកម្ពុជា

ដោយ ប៉េងលីន
មកដល់ហើយ....  iPhone 14 ផ្លូវការ មានលក់ហើយ នៅ iOne ចាប់ពីថ្ងៃនេះតទៅហើយ

មកដល់ហើយ.... iPhone 14 ផ្លូវការ មានលក់ហើយ នៅ iOne ចាប់ពីថ្ងៃនេះតទៅហើយ

ដោយ ប៉េងលីន
លេចធ្លាយតម្លៃរបស់ស្មាតហ្វូន OPPO A17 មុនការបង្ហាញវត្តមាននៅលើទីផ្សារឥណ្ឌាខែក្រោយ!

លេចធ្លាយតម្លៃរបស់ស្មាតហ្វូន OPPO A17 មុនការបង្ហាញវត្តមាននៅលើទីផ្សារឥណ្ឌាខែក្រោយ!

ដោយ ប៉េងលីន
បច្ចេកវិទ្យា Dynamic Island សម្រាប់ Android មានការដោនឡូដដល់ទៅ 1 លានដងហើយ ត្រឹមប៉ុន្មានថ្ងៃប៉ុណ្ណោះ!

បច្ចេកវិទ្យា Dynamic Island សម្រាប់ Android មានការដោនឡូដដល់ទៅ 1 លានដងហើយ ត្រឹមប៉ុន្មានថ្ងៃប៉ុណ្ណោះ!

ដោយ ប៉េងលីន