នៅពេលនេះ ក្រុមហ៊ុន Realme ត្រូវគេរាយការណ៍ថា បានកំពុងតែធ្វើការនៅលើ Realme 13 Pro series ដែលជាស្មាតហ្វូន ជំនាន់ថ្មីរបស់ខ្លួនសម្រាប់ទីផ្សារនៅក្នុងប្រទេសឥណ្ឌា និងប្រទេសចិនហើយ។ មានការរំពឹងថា ស្មាតហ្វូន Realme 13 Pro និង 13 Pro+ អាចនឹងបង្ហាញខ្លួនជាផ្លូវការនៅក្នុងពេលប៉ុន្មានសប្តាហ៍ខាងមុខនេះថែមទៀតផង។ សូមជំរាបថា កាលពីសប្តាហ៍មុននេះ មានរបាយការណ៍មួយដែលចេញដោយ 91mobiles បានទម្លាយអំពីលក្ខណៈសម្បត្តិ និងពណ៌របស់ស្មាតហ្វូន Realme 13 Pro+ ផងដែរ។ បើមើលទៅលើព័ត៌មានលម្អិតអំពីស្មាតហ្វូននេះ បញ្ជាក់ថា នេះគឺជា Realme 13 Pro។
យោងតាមការបញ្ជាក់នៅក្នុងរបាយការណ៍ខាងលើនេះ បានអោយដឹងទៀតថា ស្មាតហ្វូន Realme 13 Pro នេះគឺមានលេខកូដ RMX3990 សម្រាប់ទីផ្សារនៃប្រទេសឥណ្ឌា។ ស្មាតហ្វូននេះមាន 4 ទំហំផ្សេងគ្នា រួមមានទំហំ 8GB+128GB, 8GB+256GB, 12GB+256GB និង 12GB+512GB ហើយនិងមាន 3 ពណ៌គឺ Monet Gold, Monet Purple និង Sky Green។ សម្រាប់ស្មាតហ្វូន Realme 13 Pro+ នេះគឺមានរ៉េម និងម៉េមូរីដូចគ្នាប៉ុន្តែ ស្មាតហ្វូននេះ គឺមានតែ 2 ពណ៌នោះទេ គឺ Monet Gold និង Emerald Green។ ជាមួយនិងការបែធ្លាយនេះ ក៏មានការបញ្ជាក់ដែរថា ស្មាតហ្វូន realme 13Pro+ នេះគឺមានលេខកូដ RMX3992។ និយាយពីអង្គចងចាំ វិញ ស្មាតហ្វូន Realme 13 Pro និង 13 Pro+ អាចមានទំហំដូចគ្នាផងដែរ ប៉ុន្តែអាចនឹងមានបន្ទះឈីបផ្សេងគ្នា។
សូមជំរាបថា ក្រុមហ៊ុន Realme បានប្រកាចេញនូវស្មាតហ្វូន Realme 12 Pro និង 12 Pro+ កាលពីដើមឆ្នាំនេះ។ ស្មាតហ្វូននេះ គឺមានការបំពាក់នូវកាមេរ៉ាទំហំ 32-megapixel Sony IMX709 telephoto និង 50-megapixel IMX890 3x periscope telephoto។ ជាមួយនិងវត្តមានស្មាតហ្វូន 13 Pro+ នៅពេលខាងលើមុខនេះ ត្រូវបានគេជឿជាក់ថា ក៏អាចនឹង មាន periscope ដូចគ្នា ប៉ុន្តែនៅមិនទាន់ច្បាស់នោះទេថា ស្មាតហ្វូន 13 Pro មានកាមេរ៉ា telephoto ឬ periscope។ បន្ថែមពីនេះ ក្រុមហ៊ុន Realme ក៏ត្រៀមខ្លួនសម្រាប់ព្រឹត្តិការណ៍នៃការសម្ភោធន៍នៅថ្ងៃទី 20 ខែមិថុនាទៅលើស្មាតហ្វូន Realme GT 6 ដែលមាននៅក្នុងប្រទេសឥណ្ឌាផងដែរ។ ស្មាតហ្វូន Realme 13 Pro series អាចនឹងចេញលក់នៅក្នុងខែកក្កដានេះ៕
